Ecclesiastes 3:2 - De Beebaa Dabu

² e dahi masavaa e haanau ai, gai e dahi hogi masavaa e maakau ai; e dahi masavaa e doo ai manu, gai e dahi hogi masavaa e unuunusi age ai;

Ecclesiastes 3:2 Iomraidhean Croise

Genesis 17:21

Gai au e hai naa dagu hagatoo donu hagaheloongoi madali Isaac, tama a Sarah e haanau adu gi de goe, i de masavaa bee nei i de ngadau e humai nei.”

Genesis 47:29

Gai ga baa ange huu gi de magau o Israel, gai ia ga hagahi dana dama go Joseph, ga hai ange gi de ia, “Noo koe e malangilangi i de au, gai koe velosia ange doo lima gi lalo dogu dae, gai koe ga hagatoo donu mai gi de au, bolo koe e abodonu mai ma de hai hegau mai gi de au i de muna abodonu. Gai koe aude danumia au i Egypt,

1 Kings 13:2

Gai taane laa ne tala muna a Tagi Maolunga, ga hai baasi ange ai gi de mommee o ssigidaumaha laa, ga hai ange, “De mommee o ssigidaumaha, de mommee o ssigidaumaha nei, e hagadaba Tagi Maolunga, ‘Dahi dama daane e haanau mai naa i de huaabodu o David, dono ingoo go Josiah; gai ia e hai naa ssigidaumaha i de gau haimeedabu o denga mommee daumaha, go gilaadeu nogo haia denga sigidaumaha i oo elunga, gai e dudu naa denga ivi dangada i oo elunga.’ ”

2 Kings 4:16

Gai Elisha ga hai ange, “De ngadau naa huu e humai nei i de masavaa mau, gai koe e saabai naa dahi dama daane i lodo luoo lima.” Gai de hine laa ga hai ange, “Dogu dangada aamua, go taane o de Maadua, aude daahangadia doo hahine hai hegau!”

De Beebaa go Job 14:14

Noo tangada e magau, gai e maua naa gi mouli age ange? Laangi alodahi oogu e hagadalea, gai au e tali ga dae ai dogu masavaa e ilaage mai ai i de magau.

De Beebaa go Job 14:5

Koe gu hagamodu laangi o tangada e mouli ai, ma taelodo o ono malama; gai koe gu hagailonga de hagaodi o dono mouli, gai ia e dee maua donu i de hano gi ui ai.

De Beebaa go Job 7:1

E aha, tangada e dee kona laa ana hegau i henua i lalo? Gai dono mouli e dee bei laa laangi o tangada hai hegau e hagao?

Psalm 113:9

Ia e gaavange naa gi de hine dee hua dahi huaabodu, gai ia gi se dinana e malangilangi i ana dama. Duuhia Tagi Maolunga!

Psalm 52:5

Aagai de Maadua e daa naa goe gi magau ga hano ai; ia e poo naa goe ga kave gee i doo hale malo; ia e dada age naa goe ga aau gee i de henua e nnoho ai dangada. Selah

Proverbs 24:27

Haia gi lava au hegau i duaahaho ma de hagadabena au veelenga; muli mai, gai koe ga hagaduu doo hale.

Isaiah 28:24

E aha, tangada e duudagi laa donu huu de hagabalabala dana veelenga? Ia e duudagi laa donu huu de oha ma de sua age de gelegele?

Isaiah 38:1

De masavaa laa gai Hezekiah ne magi ga dai magau. Gai de pelaabisi go Isaiah, tama daane a Amoz ne humai gi ono daha, ga hai ange gi de ia, “E hagadaba Tagi Maolunga: Hagadabena ina mee i doo hale, go hiidinga koe e dee ieiangi naa donu gai e magau.”

Isaiah 38:5

“Hannoo hai ange gi Hezekiah, ‘E hagadaba Tagi Maolunga, de Maadua o doo dubuna go David: Au gu langona dau dalodalo, gai au gu gidee oo loimada; tilo, au e dugu adu naa goe gi mouli i e madaangahulu ma lima ange ngadau.

Isaiah 54:1

“Oo ma gi daahili, de hine dee hua, gai go de hine tee haanau; oo ma gi daahili, oo ma gi malangilangi, de hine tigi ai ono hagalangona; go hiidinga dama a de hine gu dilia e dono bodu e soa ange naa i dama a de hine e dahi ono bodu, go Tagi Maolunga e hagadaba.

Jeremiah 1:10

Tilo, anailaa nei gai au gu dugu adu gi de goe ssauaa i honga denga huaahenua ma denga nohoanga hodooligi, e unuunusi age ai ma de oha ai ma de hagadee kii, ma de hagatuu age aama de doo gi ssomo.”

Jeremiah 45:4

E hagadaba Tagi Maolunga, “Daalaa ange muna nei gi de ia, ‘Tilo, au e oha naa agu mee gu hagatuu age ma de unuunusi age agu mee gu doo gi ssomo, i de henua alodahi.

Matthew 13:41

Tama a Tangada e hai naa gi hulo ana dangada de langi gi hagabudulia gi gaavee gee mai i dono nohoanga hodooligi mee alodahi e hidi mai ai de haisala, ma gilaadeu alodahi e haia de baubau.

Matthew 15:13

Iesu ne hai ange, “Manu ssomo hugadoo e dee go dogu Damana ne dooa e odi naa donu i de unuunusi age.

Luke 1:13

Gai tangada de langi laa ga hai ange gi de ia, “Zechariah, aude madagu! De Maadua gu langona au dalodalo, gai doo bodu go Elizabeth e haanau naa dahi dama daane, gai koe ga hagaingoo ange ia go John.

Luke 1:20

Gai tilo, koe e lau naa doo alelo ga dee maua i de basa, ga dae ai gi de hagassula mee nei, go hiidinga koe tee hagadonusia agu muna. Gai mee nei e hagassula naa donu i de masavaa gu lava laa i de hagamodu.”

Luke 1:36

Gai tilo, doo dangada go Elizabeth gu hai dama hogi i dahi dama daane i dono masavaa gu madumadua ai nei, gai deenei de ono malama o de hine e hagabinga laa bolo se hine dee hua.

John 16:21

De hine e hai ono hagalangona e daemaha, i hiidinga gu dae mai dono aoaa e haanau ai; gai de masavaa naa huu e haanau ai dana gaagaa, gai ia gu dee manavasaa, gai gu malangilangi i hiidinga o dana dama gu haanau mai laa gi henua i lalo.

John 7:30

Gai gilaadeu ga hagatale de poo ia, gai teai ne maua i de poo ange gi de ia, go hiidinga tigi dae mai dono masavaa.

Acts 7:17

Gai ga dae mai huu de masavaa e hagasula ai de hagatoo donu a de Maadua ange gi Abraham, gai gilaadeu ga hagadili gu soa mmao i Egypt.

Acts 7:20

Deenei de masavaa o Moses ne haanau ai. Gai ia se gaagaa mahamaha i mada luu mada o de Maadua. Gai ia ne haele age i de hale o dono damana i e dolu malama.

Galatians 4:4

Aagai ga dae huu de masavaa gu lava laa i de hagamodu, gai de Maadua ne hai gi humai dana Dama Daane gi haanau i daho de hine, i lalo de hainga a Moses,

Deuteronomy 34:5

Gai Moses, tangada hai hegau o Tagi Maolunga, ne magau i de henua go Moab, bei de hai a Tagi Maolunga gu tala ai.

Hebrews 9:27

Bei de hai gu hagamodu ange ai laa bolo dangada e maakau i e dahi donu huu hanonga, gai dua naa huu mee nei go de hagamodu muna,

1 Samuel 2:5

Gilaadeu nogo boobosu gu hai hegau e hai ai alaadeu gai, aagai gilaadeu e hiikai gu dee hiikai. De hine dee hua gu haanau e dogohidu dama daane, aagai de hine e soa ana dama gu noho sogosogo.