Ecclesiastes 3:1 - De Beebaa Dabu

¹ E dahi masavaa ange gi mee alodahi, gai e dahi donu masavaa ange gi mee alodahi i henua i lalo:

Ecclesiastes 3:1 Iomraidhean Croise

2 Kings 5:26

Aagai Elisha ne hai ange gi de ia, “Dogu hagasaalunga ne hano madali goe, i de masavaa o taane laa ne iho mai ai i honga dono hada ga hedae adu gi de goe. E aha, deenei de masavaa e kave ai sseene, ma malo, ma veelengaa olive ma veelengaa grape, ma ssiibi, ma kaau aama daane ma haahine hai hegau?

2 Chronicles 33:12

Gai de masavaa huu oona ne duasala ai, gai ia ga dalodalo ange gi Tagi Maolunga dono Maadua i de bale, ma de hagamaolalo i mada luu mada o de Maadua o ono dubuna madagidagi.

Proverbs 15:23

Tangada e malangilangi laa i de basa ange i de muna heohi, gai se mee danuaa mmao de tala de muna e heohi ange gi de masavaa!

Proverbs 24:27

Haia gi lava au hegau i duaahaho ma de hagadabena au veelenga; muli mai, gai koe ga hagaduu doo hale.

Ecclesiastes 1:13

Au ne hagaduu ngae e ssala, gi donu ange au gi mee alodahi gu hai i lalo de langi. Gai se hegau hai ngadaa a de Maadua gu gaavange gi dangada gi haia.

Ecclesiastes 2:17

Au ne kino i de mouli nei, go hiidinga hegau alodahi e hai i lalo de laa e hagadaemaha mai gi de au. Mee alodahi e deai donu olaadeu haigamaiana, gai e bei de ngadi doolohi a tangada de madangi.

Ecclesiastes 2:3

Au ne maanadu hogi de hai gi malangilangi au i de unu uvaini ma de hagatale de hai hegau i de lodo senga — gai agu hagasaele goi dagi donu huu au i de heiangi. Au ne lodo e tilo be se aha e haigamaiana de hai a dangada i henua i lalo, i laangi sogoisi olaadeu e mouli ai.

Ecclesiastes 3:17

Au ne hagadaba i ogu lodo, “De Maadua e hagamodu naa muna o tangada heohi ma tangada baubau, go hiidinga e dahi masavaa ange gi mee alodahi, ma hegau alodahi.”

Ecclesiastes 7:14

Malangilangi i de masavaa oou e duadonu ai, aagai koe gi donu iho i de masavaa o de hai ngadaa: go de Maadua ne haia luu mee nei ngaadahi. Deelaa ai, tangada e dee maua gi iloo dagodo o dono mouli i de masavaa e humai.

Jeremiah 46:17

Gai gilaadeu e hagataba naa i kilaa, ‘Pharaoh, de hodooligi o Egypt ni ngadi muna donu huu aana ne tala; ia tee maua i de hai dahi mee daudahi!’

Matthew 16:3

Gai goodou e hagataba i taiao, ‘E baubau naa de mee ailaa nei, go hiidinga gu mmea lo te langi ma de hagauliuli age.’ Goodou ni dangada e daahangadia dangada, goodou e iloo de tilo dagodo o lo te langi, aagai e dee tonu ange gi denga hagailonga e hai i de masavaa nei.