Ecclesiastes 2:21 - De Beebaa Dabu

²¹ Tangada e hai hegau laa i de heiangi ma de iloo mee, aama dono labagau, gai ia e dugu ange naa ana mee alodahi gi tangada tee hagadalea ange laa aagena. De mee nei e deai hogi ono haigamaiana gai e dee se mee danuaa.

Ecclesiastes 2:21 Iomraidhean Croise

2 Chronicles 34:2

Gai ia ne hai hegau i de heohi i mada luu mada o Tagi Maolunga, ma de ago ange i hegau a dono dubuna go David, ia tee hagahaisala donu dahi mee daudahi.

2 Chronicles 35:18

Gai teai ange se dao Taonga Hagasili bee nei ne hai i Israel mai i de masavaa o de pelaabisi go Samuel. Teai ange hogi se hodooligi o Israel ne dao ina Taonga Hagasili bei Josiah, madali de gau haimeedabu, ma de aamuli o Levi aama dangada alodahi o Judah ma Israel i kilaa, aama dangada e nnoho laa i Jerusalem.

Psalm 39:7

Dogu Ia Aamua, goai aagu e tali ange aagena? Au e tali hagalodolodo adu gi de goe.

Psalm 49:10

Gai ia e gidee bolo tangada heiangi e magau, gai e bei ai hogi tangada lodo senga ma tangada e deai ana mee e iloo, gai gilaau e dugu ange olaau goloa lagolago gi hanu dangada gee.

Psalm 49:11

Gai olaadeu daanunga go olaadeu hale ga hano ai, gai go olaadeu mommee nnoho i denga atangada alodahi, e dee galemu gilaadeu gu gaavange olaadeu ingoo gi olaadeu alahenua.

Ecclesiastes 2:20

Au ne mmade ange hogi ogu aalanga i dagu maanadu agu hegau alodahi ne hagaduu ngae ga hai i lalo de laa.

Ecclesiastes 4:4

Au ne gidee hogi bolo hegau alodahi ma denga hegau labagau alodahi ne hai i hiidinga de lodo gaiaa o tangada i tangada ange laa. De mee nei e deai hogi ono haigamaiana, gai e bei de ngadi doolohi a tangada de madangi.

Ecclesiastes 4:8

E dahi dangada e noho sogosogo, e deai sana dama daane be se daina daane. Gai e dee maua donu gi lava ana hegau e hai, gai ia e dee maua hogi gi malangilangi i dono lava. Gai ia e hagadaba, “Goai donu oogu e hai hegau kona ange nei aagena, gai gu aha gu dee hai ai nei donu huu au de mee e danuaa mai gi de au?” De mee nei e deai hogi ono haigamaiana, gai se hegau hagadaemaha!

Ecclesiastes 9:18

De heiangi e danuaa ange i denga goloa o de hebagi, aagai dahi dangada haisala e oha mee danuaa lagolago.

Jeremiah 22:15

E aha, koe ne hai ga se hodooligi, i de hagaduu doo hale i denga cedar? E aha, doo damana tee gaimee laa ma de unu ga bosu? Ia ne hai hegau i de hagamodu soe ma de heohi, deelaa ai, ia ne duadonu.

Jeremiah 22:17

Aagai koe e nnoo ange ma de lodo i goloa e maua i de hadu muna, ma de daa gi maakau dangada tigi haisala, ma de hagaduasala aama de vaivai hai dangada.”