Ecclesiastes 2:16 - De Beebaa Dabu

¹⁶ Tangada heiangi e bei naa hogi dagodo o tangada lodo senga, e dee daulooloa naa donu de hagamanadua dangada ia; dangada e ngalo naa gilaau ngaadahi i muli mai. Tangada heiangi e magau naa hogi bei tangada lodo senga!

Ecclesiastes 2:16 Iomraidhean Croise

2 Samuel 3:33

Gai de hodooligi ne hadu dahi daahili moo Abner, ga hagadaba, “E aha, ne heohi de magau o Abner bei dagodo o dahi ngadi dangada?

Psalm 103:16

ga ssau mai naa huu de madangi, gai ia gu ilihia ga dee maleva, gai gu deai donu sono duulanga.

Psalm 49:10

Gai ia e gidee bolo tangada heiangi e magau, gai e bei ai hogi tangada lodo senga ma tangada e deai ana mee e iloo, gai gilaau e dugu ange olaau goloa lagolago gi hanu dangada gee.

Psalm 88:12

E maua gi iloo au hegau hagalele mouli i de mommee gohu, aabe go doo heohi i de henua o de gau ngalongalo?

Exodus 1:6

Muli mai gai Joseph ma ono daina daane aama de atangada laa alodahi gu odi i de maakau.

Exodus 1:8

Gai gu dae ange dahi hodooligi hoou ga dagi Egypt, gai ia e dee iloo Joseph.

Proverbs 14:8

Tangada maanetonu e heiangi i de hagasaele dono haiava e hano ai, aagai de gau llodo ssenga e hagasengalia donu.

Ecclesiastes 1:11

Gai dangada e dee manadua donu mee gu hai madagidagi, gai dangada e loomai i muli mai e dee manadua naa hogi e dangada e loomai i olaadeu dua.

Ecclesiastes 2:14

Tangada heiangi e hanu ono ganomada e tilo ai, gai tangada lodo senga e seesee i lo te gohu; aagai au gu donu ange bolo gilaau ngaadahi e tuu ange naa gi de mee daudahi.

Ecclesiastes 2:15

Gai au ne maanadu i ogu lodo, “De mee e duu ange gi tangada lodo senga e duu mai naa hogi gi de au. Gai ni aha ai naa aagu e mau i dogu heiangi?” Au e hagadaba i ogu lodo, “E deai hogi haigamaiana o de mee nei.”

Ecclesiastes 6:8

Gai se aha o tangada iloo mee e kii ange ai i tangada lodo senga? Gai se aha o tangada hagaau aloha e mau, i dana iloo dono hai e ngalungalue ai i magavaa o dangada?

Ecclesiastes 7:2

E danuaa ange doo hano gi de hale o de hinangalosaa i doo hano gi de hale e hai ai taonga, go hiidinga de magau go de hagaodi o dangada alodahi; gai dangada e mouli gi daohia de mee nei i de lodo.

Ecclesiastes 8:10

Au ne gidee hogi de danu o de gau baubau — go gilaadeu e dee modu laa de aheahe mai gi de aduhale dabu, ma de tuhi a dangada i de aduhale i delaadeu hai de mee nei. De mee nei e deai hogi ono haigamaiana.

Ecclesiastes 9:15

Gai e dahi daane hagaau aloha gai e heiangi e noho i kilaa, ia ne hagaola de aduhale laa i dono heiangi. Aagai teai donu se dangada ne manadua taane hagaau aloha laa.

Ecclesiastes 9:5

Gai dangada goi mouli laa e iloo bolo gilaadeu e maakau naa donu, aagai de gau maakau e deai donu alaadeu mee e iloo; e deai ange donu olaadeu hagaoanga, gai dangada gu dee manadua hogi gilaadeu.

Malachi 3:16

Gai dangada e maatagu laa i Tagi Maolunga ne pasa i olaadeu magavaa, gai Tagi Maolunga ne anga ange ga hagallongo alaadeu muna. Gai gu sisi dahi beebaa hagamaanadu i mada luoono mada, i dagodo o dangada e maatagu i Tagi Maolunga ma de hagadubu dono ingoo.

Hebrews 9:27

Bei de hai gu hagamodu ange ai laa bolo dangada e maakau i e dahi donu huu hanonga, gai dua naa huu mee nei go de hagamodu muna,