Ecclesiastes 12:3 - De Beebaa Dabu

³ ma de masavaa o de gau hagaloosi o de hale e bolebole ai, gai denga daane mmahi gu gogo gi mua; de masavaa o denga mee e maamaa ina mee e dee maua ai i de maamaa, i hiidinga gilaadeu gu sogoisi, gai gilaadeu e hagaduidui mai i lodo abaaba vaaligiligi gu dee gidee;

Ecclesiastes 12:3 Iomraidhean Croise

Genesis 27:1

Gai ga madumadua huu Isaac gai ia gu dai dee gide, gai ia ga hagahi dana dama madua go Esau, ga hai ange, “Dagu dama.” Gai ia ga hai ange gi de ia, “Deenei au.”

Genesis 48:10

De masavaa laa gai luu mada o Israel gu dai dee kide, i hiidinga ia gu madumadua, gai ia gu dee gidee danuaa. Gai Joseph ne gaamai luaana dama gi de ia, gai ia ga oso gilaau ma de buuludi ange gilaau.

Psalm 102:23

Ia ne tuu mai ogu mahi i de masavaa oogu e dama daane ai, gai ne hai gi sogoisi laangi oogu e mouli ai.

Psalm 35:14

Au ne hano saele ma de hinangalosaa bei dogu hinangalosaa i dogu soa aabe go dogu daina. Au ne ino gi lalo i de daemaha ogu lodo bei dogu dangi i dogu dinana donu.

Psalm 38:6

Au gu ino luoogu mada gi honga de gelegele; gai au e daemaha mai i taiao ga boo ai.

Zechariah 8:4

E hagadaba Tagi o denga hagabuulinga hebagi: Denga daane ma haahine madumaatua e aahe ange naa ga nnoho i gaogao denga haiava o Jerusalem, dahi ma dahi e poo naa dono dogo i dono lima i hiidinga gilaadeu gu madumaatua.

1 Samuel 3:2

Dahi boo, i de masavaa o Eli gu dai dee gide ai, gai ia e dagodo ma e seni i honga dono moenga donu;