Ecclesiastes 11:9 - De Beebaa Dabu

⁹ Tama daane, koe gi malangilangi i de masavaa oou e dama daane ai, gai oo lodo gi malangilangi i laangi oou e dama daane ai. Gai haia oo mee e lodo ai i mee alodahi aau e gidee, gai koe gi iloo bolo de Maadua e hagamodu naa oo muna i mee nei alodahi.

Ecclesiastes 11:9 Iomraidhean Croise

Genesis 3:6

Gai ga gidee huu e de hine laa bolo hua o de manu laa e danuaa i de gai, gai e tilo danuaa, gai e hai ai tangada ga heiangi, gai ia ga hhagi dahi ono hua ga gai, gai ia ga gaavange hogi hanu gi dono bodu gi gaina.

Genesis 6:2

Gai ga gidee huu e dama a de Maadua de mahamaha o denga damaa hine a dangada, gai gilaadeu ga hili denga damaa hine olaadeu e vaasuu ai ga hai bodu ange aagena.

1 Kings 18:12

Gai de masavaa naa donu huu oogu e hano gee mai ai i kinei, gai de Hagasaalunga o Tagi Maolunga ga kave goe gi dahi mommee aagu e dee iloo. Gai noo au e hano e tala ange au muna gi Ahab, gai ia tee gidee goe, gai ia e daa naa donu au gi magau. Gai au, doo dangada hai hegau e madagu i Tagi Maolunga, mai i dogu gauligi.

1 Kings 18:27

Gai ga hualaangi huu de mee, gai Elijah ga hagammae manava gilaadeu, ga hai ange, “Goodou hevaalogi, go hiidinga ia se maadua! Agu made ia e noho ma e hagasaele hanu mee, be ia gu hano gi de hale i honga tai, be gu hano ma e hagadaga saele, aabe ia gu seni gai tigi alahage.”

1 Kings 22:15

Gai ga dae mai huu ia gi daho de hodooligi, gai de hodooligi ga ssili ange gi de ia, “Micaiah, e danuaa taadeu hulo e hebagi ange gi Ramoth i Gilead be deai?” Gai Micaiah ga hai ange gi de ia, “Hannoo, gai koe e kii naa donu; Tagi Maolunga e dugu adu naa goe gi hagadee kii ina de aduhale laa.”

De Beebaa go Job 31:7

Noo au gu hano gee i de haiava heohi, gai ogu lodo gu nnoo ange gi agu mee e gide, aabe dahi mee hakino gee gu pigi ange gi luoogu lima,

Psalm 81:12

Deelaa ai, au e dugu ange naa gilaadeu gi daudali i alaadeu hagasaele hagamaolunga.

Ecclesiastes 12:1

Koe gi manadua de ia ne haia goe i de masavaa oou e dama daane ai, i mua de tae mai o denga laangi hai ngadaa, ma ngadau aau e hagadaba ai, “Au e dee malangilangi i laangi laa” —

Ecclesiastes 12:14

Go hiidinga de Maadua e hagamodu naa dagodo o hegau alodahi, ma mee alodahi ne hai hagammuni laa, e dee hilihili be danuaa aabe baubau.

Ecclesiastes 2:10

Au ne hai mee alodahi aagu ne gidee ma de lodo ai; Teai donu se mee oogu ne lodo ai aagu tee hai. Gai au ne malangilangi i hegau alodahi aagu ne hai, deenei de hagaoanga o agu hegau alodahi ne hai.

Ecclesiastes 3:12

Au e iloo bolo e deai ange donu se mee e danuaa ange gi dangada, gai go malangilangi ma de hai tanuaa i de masavaa olaadeu e mouli ai.

Ecclesiastes 3:17

Au ne hagadaba i ogu lodo, “De Maadua e hagamodu naa muna o tangada heohi ma tangada baubau, go hiidinga e dahi masavaa ange gi mee alodahi, ma hegau alodahi.”

Ecclesiastes 6:9

E danuaa ange doo malangilangi i au mee e gidee, i doo galo ange gi mee e deai i oo daha. De mee nei e deai hogi ono haigamaiana, gai e bei de ngadi doolohi a tangada de madangi.

Ecclesiastes 7:14

Malangilangi i de masavaa oou e duadonu ai, aagai koe gi donu iho i de masavaa o de hai ngadaa: go de Maadua ne haia luu mee nei ngaadahi. Deelaa ai, tangada e dee maua gi iloo dagodo o dono mouli i de masavaa e humai.

Jeremiah 23:17

Gilaadeu e duudagi huu de hai ange gi dangada e hagangadi mee ina dogu ingoo, ‘E hagadaba Tagi Maolunga: Goodou e nnoho paba naa donu;’ gai e hai ange gi dangada alodahi e hagamakaga ina olaadeu lodo, ‘E deai donu se hai ngadaa e duu adu gi goodou.’

Jeremiah 7:24

Gai gilaadeu tee hagallongo mai aabe ne aanga mai, aagai ne hagamakaga olaadeu lodo ma de hai donu huu olaadeu llodo. Gilaadeu ne aahe dua tee hulo gi mua.

Lamentations 3:27

Se mee danuaa de golomagi lodo o tangada i de masavaa oona e dama daane ai.

Numbers 15:30

Aagai noo tangada se hagabau donu ga hagangadi mee ai Tagi Maolunga, e dee hilihili be se dangada de henua donu, aabe se dangada henua gee, gai tangada laa e vvae gee donu mai i daho ono dangada.

Numbers 15:39

Gai denga huga malo nei ni mee e hai gi gidee e goodou, gai gi manadua ai e goodou muna alodahi a Tagi Maolunga, gai goodou ga daudali ai i ana muna, goodou gu dee hai donu huu oodou lodo, bei doodou hai e hai ai naa iainei.

Numbers 22:32

Gai tangada de langi o Tagi Maolunga ga hai ange gi de ia, “Gu aha gu hagaili ai naa goe dau donkey i denga hanonga e dolu nei? Au ne humai e buibui goe gi dee hano, i hiidinga doo haiava e hai baasi mai gi de au.

Matthew 5:28

Aagai au e hai adu gi goodou: be goai e galo ange gi dahi hahine e lodo ange gi de ia, gai ia gu dagodo haisala donu ma ia i ono lodo.

Luke 12:19

Gai au ga basa iho donu huu gi de au, ga hai mai, “Gu lagolago mee ne doange e mouli ai goe i ngadau lagolago e loomai; koe gi noho baba, gaimee ma de unu ma de malangilangi.” ’

Acts 14:16

Madagidagi gai ia ne dugu ange denga atangada alodahi gi haia olaadeu lodo.

Acts 24:25

Gai de masavaa a Paul e basa ange ai i dagodo o de heohi, ma de golomagi lodo, aama de hagaduasala gu dai dae mai laa, gai Felix gu madagu, ga hai ange, “Gu lava au muna e tala, hannoo, gai au ga ssala adu ange ai goe noo gu dahi ange ogu masavaa.”

Romans 14:10

Gai gu aha goe gu hagabaubau ai naa doo daina? Gai gu aha goe gu hagangadi mee ai naa doo daina? Go hiidinga gidaadeu alodahi e odi naa donu i de tuu i mada i mua o de nohoanga hagamodu muna o de Maadua.

1 Corinthians 4:5

Deelaa ai, goodou gi dee hagamodu ina dahi mee i mua de humai o Tagi Maolunga, go de ia e hagaagona mai mee alodahi e hagammuni laa i lo te gohu, ma de hagaago mai maanadu alodahi i de lodo. Gai de Maadua ga tuhi ai dahi ma dahi.

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

Deuteronomy 29:19

Gai tangada bee nei, e langona naa muna o de hagatoo donu nei, gai ia e tuhi naa donu huu ia, ga hagadaba, “Au e noho baba naa donu huu, e dee galemu donu dagu hai donu huu ogu lodo,” — tangada bee nei e hai naa ga hai ngadaa de henua iai vai aama de henua e deai vai iai.

Hebrews 9:27

Bei de hai gu hagamodu ange ai laa bolo dangada e maakau i e dahi donu huu hanonga, gai dua naa huu mee nei go de hagamodu muna,

Joshua 7:21

au ne gidee dahi malo laa daha mahamaha mai i Shinar, ma e lualau shekel selevaa, aama dahi dibaa goolo se madalima shekel taemaha i magavaa goloa o de gau dee kii, gai au gu nnoo ange gi mee laa ga kave. Gai tilo, mee laa e danu i lalo de gelegele i lo togu hale malo, denga selevaa i lalo mee ange laa.”

2 Peter 3:7

Gai go muna mau nei hogi e hagadabena ange ai de langi ma henua i lalo nei, e dudu i de ahi, ma de dugu ange gi de laangi hagamodu muna ma de daa ai gi maakau de gau baubau.