Ecclesiastes 11:5 - De Beebaa Dabu

⁵ Koe e dee iloo de hai o de hagasaalunga ne humai ai aabe go de hai ne hagahale ai denga ivi i lo te dinae o de hine hai dama, gai koe e dee donu ange hogi gi hegau a de Maadua, go de ia ne haia mee alodahi.

Ecclesiastes 11:5 Iomraidhean Croise

De Beebaa go Job 37:23

De Ia Mmahi Mmao laa — gidaadeu e dee maua gi gidee ia; ia e mmahi mmao; ia e dee hagahaisala dana hagamodu muna heohi; ia e heohi mmao, gai e dee hagaduasala gidaadeu.

De Beebaa go Job 38:4

Go hee oou nogo iai i de masavaa aagu ne hagaduu ai tagelo o henua i lalo? Daalaa mai muhuu, noo koe e donu ange aagena.

De Beebaa go Job 5:9

Ia e hai denga mee hagalele mouli e dee maua laa gi tonu ange aagena, gai taelodo o ana sauaa e dee maua donu i de dau.

Psalm 104:24

Tagi Maolunga, e lagolago mmao au hegau ne hai! Koe ne hai mee alodahi i de heiangi; henua i lalo gu honu i au mee ne hai.

Psalm 40:5

Tagi Maolunga dogu Maadua, gu lagolago au hegau hagalele mouli ne hai, go au mee gu hagadabena mai gi gimaadeu; e deai ange donu e bei oo dagodo! Gai ga daalaa naa donu e au dagodo o au hegau, gai au e dee maua donu i de tala gi odi.

Psalm 92:5

Tagi Maolunga, au hegau e maolunga mmao, gai au maanadu e gelo mmao!

Ecclesiastes 1:13

Au ne hagaduu ngae e ssala, gi donu ange au gi mee alodahi gu hai i lalo de langi. Gai se hegau hai ngadaa a de Maadua gu gaavange gi dangada gi haia.

Ecclesiastes 1:6

De madangi e ssau ga hano gi ngaage, ga lava ga dahuli ga hano gi ngaiho; gai de madangi e dahulihuli saele, ga lava ga ahe ange i dono haiava mau.

Ecclesiastes 11:4

Be goai e dagidiiloo de ssau de madangi e dee doo donu dahi manu daudahi; gai be goai e daalia gi loage denga hagausinga e dee hagihagi.

Ecclesiastes 3:10

Au gu gidee de hegau daemaha a de Maadua gu hagauda ange gi honga o dangada.

Ecclesiastes 3:11

Ia gu hai mee alodahi gi mahamaha i dono masavaa. Ia gu hai gi iloo e dangada de masavaa e dee ngado mai, aagai gilaadeu tigi maua i de tonu ange gi mee a de Maadua gu hai mai i taamada ga dae ai gi de hagaodi.

Ecclesiastes 7:24

De heiangi e mmao gee donu, e gelo ma de gelo mmao; gai goai e maua i de ssala gi gidee?

Ecclesiastes 8:17

au ne gidee hogi mee alodahi a de Maadua ne hai. Gai e deai se dangada e donu ange gi mee e hai i lalo de laa. Gai e dee galemu donu dana hagatale de ssala gi donu ange ia, gai e dee maua gi gidee. Gai ga hagadaba naa donu tangada heiangi bolo ia e iloo, gai ia e dee maua donu gi donu ange gi mee nei.

Isaiah 40:28

E aha, goodou tigi iloo naa donu? Goodou tigi langona naa donu? Tagi Maolunga de Maadua, e deai sono daamada be se hagaodi, go ia ne haia henua i lalo alodahi. Ia e dee dalea donu aabe e deai ono mahi, gai e deai donu se dangada e daea dono donu ange.

John 3:8

De madangi e ssau mai ga hano be go hee e hano laa aagena, koe e langona de leo o de madangi, aagai koe e dee iloo be go hee ne humai ai aabe go hee e hano laa aagena; gai e bei ai hogi dagodo o dangada gu haanau laa i de Hagasaalunga.”

Romans 11:33

Ga dae laa de gelo de lava ma de heiangi, ma de iloo mee o de Maadua! Ana hagamodu e dee maua e gidaadeu gi tonu ange aagena, ana haingaa mee e dee maua gi iloo!