Ecclesiastes 11:2 - De Beebaa Dabu

² Duuhaa ange gai gi e dogohidu aabe e dogovalu dangada, go hiidinga koe e dee iloo be se hai ngadaa bee hee e humai gi honga de henua.

Ecclesiastes 11:2 Iomraidhean Croise

Nehemiah 8:10

Gai ia ne hai ange gi gilaadeu, “Goodou hulo gaina gai moomuna ma de unu uvaini maimai, ma de duha ange gai gi gilaadeu tigi ai alaadeu mee gu hagadabena, go hiidinga anailaa nei se laangi e dabu ange gi taadeu Ia Aamua. Goodou aude llodo baubau, go hiidinga de malangilangi o Tagi Maolunga e hagammahi goodou.”

Esther 9:19

Deelaa ai, de gau Ssuu e nnoho laa i denga aduhale vaaligiligi ma aduhale e dee buibui, ne dao de madaangahulu ma haa laangi o de malama go Adar, ga hai gi se laangi niiolaadeu e daonga ai ma de malangilangi, aama de duha ange gai gi dangada.

Esther 9:22

go de laangi o de gau Ssuu ne ola mai ai i olaadeu hagadaumee, gai go de malama o olaadeu daemaha ne sui ai ga se malangilangi, gai olaadeu hinangalosaa ne sui ga se laangi hagammabu ma de daonga. Gai gilaadeu gi duuhaa gai i olaadeu magavaa ma de ngadi gaavange mee gi de gau hagaau aloha.

De Beebaa go Job 5:19

Ia e hagaola goe mai i de hai ngadaa i e ono hanonga, gai de hidu hai ngadaa e dee maua naa donu gi baa i de goe.

Psalm 112:9

Ia e ngadi gaavange mee gi gilaadeu e duasala, gai dono heohi e dagodo ga hano ai, dono hanga e laumalie mmao dono hagadubu.

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Proverbs 6:16

E ono mee o Tagi Maolunga e kino ai, gai e hidu mee hakino gee i ono daha:

Ecclesiastes 11:3

Noo denga hagausinga gu hagagohu age, gai de langi e pala iho naa donu gi honga de henua. Noo dahi manu somo e baguu gi ngaage aabe go ngaiho, gai e dagodo naa donu huu i tuulanga laa.

Ecclesiastes 11:8

Gai ga lagolago naa donu ngadau o tangada e mouli ai, gai ia e malangilangi i ngadau alodahi. Aagai ia gi manadua bolo laangi o de gohu e lagolago naa donu. Gai mee alodahi e loomai e deai donu haigamaiana.

Ecclesiastes 12:1

Koe gi manadua de ia ne haia goe i de masavaa oou e dama daane ai, i mua de tae mai o denga laangi hai ngadaa, ma ngadau aau e hagadaba ai, “Au e dee malangilangi i laangi laa” —

Daniel 4:27

Deenei ai, de hodooligi, noo e heohi mai i oo daha, gai koe gi daudali i agu muna. Dugua oo haisala gai hai hegau i de mee heohi, dilia oo baubau gai abodonu ange gi gilaadeu e duasala. Kana adu e maua naa gi daulooloa doo noho baba.”

Micah 5:5

Gai ia e hai naa go delaadeu nnoho paba. De masavaa o de gau Assyria e kage mai ai gi honga taadeu henua ma de ulu mai gi lodo odaadeu hale buibui makaga, gai gidaadeu e hili naa e dogohidu dangada hagaloosi gi hai baasi ange gi de ia, gai e dogovalu dagi mai i daho dangada,

Matthew 18:22

Iesu ne hai ange gi de ia, “Au e dee hai adu bolo e hidu donu huu hanonga, aagai e madahidu e hagalagolago i de hidu.

Matthew 5:42

Gai koe gaavange gi tangada e dangidangi adu gi de goe i dahi mee, aude daohia au mee i tangada e lodo laa e hai hegau ai.

Luke 17:4

Gai ga haisala adu naa donu ia gi goe i e hidu hanonga i de laangi, gai noo ia e ahe mai i e hidu hanonga, ga hai adu, ‘Au gu haisala,’ gai koe degi ange gi de ia.”

Galatians 6:1

Denga daina, noo dahi dangada gu haisala, aagai goodou gu maatua abodonu laa i de hagasaalunga gi balea ange gi hagaahea mai ia i de lodo maolalo. Gai goodou dagidiiloo gi dee hagataalea hogi goodou.

Ephesians 5:16

Goodou gi dee moumou ina oodou masavaa, go hiidinga gu baubau denga laangi nei.

Hebrews 13:3

Goodou manadua gilaadeu e nnoho i lodo hale pono, e dagodo be go goodou e nnoho donu madali gilaadeu i lo te hale pono, ma gilaadeu e vaivai haia, e dagodo be go goodou donu e vaivai haia.

1 Samuel 25:8

Gai koe siilia ange gi oo daane hai hegau, gai gilaadeu ga tala adu ai gi de goe mee nei. Deenei ai, koe gi abodonu ange gi ogu daane; go hiidinga gilaadeu ne loadu gi oo daha i de masavaa o taonga. Aude haihaia, gaavange gi oo dangada hai hegau, ma dau dama go David, be ni gai aha aau e mau i de gaavange gi gilaadeu.’ ”