Ecclesiastes 1:9 - De Beebaa Dabu

⁹ Mee alodahi e duudagi naa donu huu bei de hai ne daamada ai, mee gu lava i de hai e aahe ange naa ga hai; e deai donu mee hoou i lalo de laa.

Ecclesiastes 1:9 Iomraidhean Croise

Ecclesiastes 1:10

E aha, e dahi laa mee a tangada e maua i de tala ga hagataba, “Galo ange diiloo! De mee nei se mee hoou”? De mee laa gu dagodo mai huu madagidagi; gai gu dagodo huu i mua taadeu masavaa.

Ecclesiastes 2:12

Gai au ne maanadu dagodo o de heiangi ma de senga aama de lodo senga. Ni aha ange naa donu a tangada e gaavee tuulanga o de hodooligi e maua i de hai gi kii ange i mee gu lava i de hai?

Ecclesiastes 3:15

Mee e hanu iainei gu hanu huu i mua, gai mee e loomai, gu lava donu i de hai i mua; gai de Maadua e ahe ange ma e hai mee gu hai i masavaa gu hulo.

Ecclesiastes 6:10

Mee e hanu gu hanu donu olaadeu ingoo, gai dagodo o tangada gu iloo huu i mua; gai e deai donu se dangada e maua i de hagadaumee ange gi tangada e mmahi ange laa i de ia.

Ecclesiastes 7:10

Koe gi dee hagadaba, “Gu aha gu danuaa ange ai laa denga laangi i mua i laangi nei?” Go hiidinga e dee ni muna ssili mai i de iloo mee.

Isaiah 43:19

Tilo, au e hai dahi mee hoou! Gai gu sula age donu; e aha, goodou tigi tonu ange laa aagena? Au e hai naa dahi haiava i de vao, ma denga saalingaa vai i de mommee e deai vai iai.

Jeremiah 31:22

Tamaa hine e dee hai hegau i de mee abodonu, dee hee maa taulooloa doo lua lodo? Tagi Maolunga gu hai dahi hegau hoou i henua i lalo — dahi hahine e duuli naa dahi daane.”

2 Peter 2:1

Gai gu hanu donu pelaabisi hadu muna ne ssula age i magavaa o dangada, gai e hanu naa hogi dangada agoago hadu muna e loomai gi oodou magavaa. Gilaadeu e hagammuni naa delaadeu gaamai denga agoago hadu muna ma de hagamanavasaa, ga hagangadi mee ai de Ia Aamua ne hagao ina gilaadeu; gai gilaadeu e hai naa donu ga moolau delaadeu hagaduasala.

Revelation 21:1

Gai au ne gidee de langi hoou ma henua i lalo hoou; gai de langi ma henua i lalo ne hai laa i taamada age gu llilo. Gai gu deai hogi se dai.

Revelation 21:5

Gai de ia e noho laa i honga de nohoanga laa ga hagadaba, “Tilo, au e hai mee alodahi gi hoou.” Ia ne hagadaba hogi, “Siia mee nei, go hiidinga muna nei ni muna abodonu gai e heohi.”