Ecclesiastes 1:13 - De Beebaa Dabu

¹³ Au ne hagaduu ngae e ssala, gi donu ange au gi mee alodahi gu hai i lalo de langi. Gai se hegau hai ngadaa a de Maadua gu gaavange gi dangada gi haia.

Ecclesiastes 1:13 Iomraidhean Croise

Genesis 3:19

Koe e hai hegau naa gi salia goe i taadaa, gai koe ga maua i de gaimee, ga dae ai gi doo ahe ange gi de gelegele, go hiidinga koe ne kave mai i de gelegele; gai koe go de mama donu o de gelegele, deelaa ai, koe e ahe ange naa donu gi de gelegele.”

De Beebaa go Job 28:3

Dangada e hai gi maalama de mommee gohu, i delaadeu ssala denga mee i lodo hadu i de mommee gelo ma de gohu.

Psalm 111:2

Hegau a Tagi Maolunga e maolunga mmao, gai dangada e malangilangi ai e hagamaumau mee nei.

Proverbs 18:1

Tangada e vvae gee laa ia ma dangada, e maanadu donu huu ia, gai ia e hai baasi ange gi denga hagamodu heohi alodahi.

Proverbs 18:15

Tangada heiangi e lodo e hai gi maua e ia de iloo mee, gai luu dalinga o tangada heiangi e ssala de iloo mee.

Proverbs 23:26

Dagu dama, dugua mai oo lodo gi de au, gai luoo mada gi diiloo ogu haiava.

Proverbs 25:2

De mahamaha o de Maadua go dana hai gi dee iloo dahi mee, gai de mahamaha o denga hodooligi go delaadeu ssala gi iloo dahi mee.

Proverbs 4:7

Deenei taamada o de heiangi, deenei ai, haia gi heiangi goe, gai be ni aha ange naa aau e kave, gai haia gi dahi oo donu ange.

Ecclesiastes 1:17

Gai au ne hai gi donu ange au gi dagodo o de heiangi ma de senga aama de lodo senga; aagai au gu iloo hogi, bolo de mee nei e bei de ngadi doolohi a dahi de madangi.

Ecclesiastes 11:5

Koe e dee iloo de hai o de hagasaalunga ne humai ai aabe go de hai ne hagahale ai denga ivi i lo te dinae o de hine hai dama, gai koe e dee donu ange hogi gi hegau a de Maadua, go de ia ne haia mee alodahi.

Ecclesiastes 12:12

Dagu dama, koe gi kana ange gi dagidiiloo denga mee laa tua o mee nei. E deai naa donu se tuu de sisi denga beebaa lagolago, gai de hagamaumau mee e hagataalea donu.

Ecclesiastes 2:23

Taulooloa ono laangi e mouli, gai ia e mmae ma de daemaha ono lodo; ono lodo e dee maua hogi gi mabu i de boo. De mee nei e deai hogi ono haigamaiana.

Ecclesiastes 2:26

Gai de Maadua e gaavange gi tangada e hagamalangilangi ina ia de heiangi, ma de iloo mee aama de malangilangi; aagai ia e hai tangada haisala gi hagabudulia ma de doange dono lava, e gaavange gi tangada e haia mee o de Maadua e lodo ai. De mee nei e deai hogi ono haigamaiana, gai e bei de ngadi doolohi a tangada de madangi.

Ecclesiastes 3:10

Au gu gidee de hegau daemaha a de Maadua gu hagauda ange gi honga o dangada.

Ecclesiastes 3:11

Ia gu hai mee alodahi gi mahamaha i dono masavaa. Ia gu hai gi iloo e dangada de masavaa e dee ngado mai, aagai gilaadeu tigi maua i de tonu ange gi mee a de Maadua gu hai mai i taamada ga dae ai gi de hagaodi.

Ecclesiastes 4:4

Au ne gidee hogi bolo hegau alodahi ma denga hegau labagau alodahi ne hai i hiidinga de lodo gaiaa o tangada i tangada ange laa. De mee nei e deai hogi ono haigamaiana, gai e bei de ngadi doolohi a tangada de madangi.

Ecclesiastes 4:8

E dahi dangada e noho sogosogo, e deai sana dama daane be se daina daane. Gai e dee maua donu gi lava ana hegau e hai, gai ia e dee maua hogi gi malangilangi i dono lava. Gai ia e hagadaba, “Goai donu oogu e hai hegau kona ange nei aagena, gai gu aha gu dee hai ai nei donu huu au de mee e danuaa mai gi de au?” De mee nei e deai hogi ono haigamaiana, gai se hegau hagadaemaha!

Ecclesiastes 7:25

Au ne hagammahi gi donu ange au, ma de ssala gi maua de heiangi ma ono dagodo, ma de hai gi donu ange au gi de baubau o de lodo senga ma de lodo senga e haia laa ga senga tangada.

Ecclesiastes 8:9

Au ne gidee mee nei alodahi i dagu hagammahi gi donu ange au gi mee alodahi e hai i lalo de laa. Dahi dangada e dagudagu ange mee a dahi dangada gee e hai ga hagammae ai donu huu ia.

1 Timothy 4:15

Koe gi kana ange gi haia mee nei, gai hagaduu ngae hai hegau ange aagena, gi gidee ai e dangada alodahi doo hagadagadaga age i mee nei.