Deuteronomy 8:8 - De Beebaa Dabu

⁸ gai se henua iai denga wheat, ma barley, ma grape, ma fig, ma pomegranate, ma olive, aama hooni.

Deuteronomy 8:8 Iomraidhean Croise

Genesis 49:11

E nnoa ange naa dana donkey gi dahi grapevine, gai dana donkey gauligi gi de laa manu danuaa mmao, gai ia e taa naa ono malo i denga uvaini, gai ono malo i vai o denga grape.

2 Samuel 4:6

Gai gilaau ne hulo ga ulu gi lo te hale, ga hagassee bolo se hulo e kave hanu grain, gai gilaau ga velo tinae o Ish-Bosheth ga daa ia gu magau. Gai Recab ma Baanah dono daina ga hagassao ga hulo.

1 Kings 5:11

gai Solomon ne gaavange gi Hiram e luasemada cor grain, e haangai ai dangada i dono hale, ma e luasemada bath lolo ne tugi. Ia ne gaavange gi Hiram mee nei i ngadau alodahi.

2 Kings 18:32

ga dae ai gi dogu humai e kave goodou gi dahi henua bei doodou henua, se henua iai grain ma uvaini hoou, gai se henua iai pelaoaa ma denga veelengaa grape ma olive aama hooni. Goodou hilihilia de mouli e dee go de magau! Goodou aude hagallongo ange gi Hezekiah, go hiidinga ia e daahanga goodou ma e hai adu, ‘Tagi Maolunga e hagaola donu gidaadeu.’

Psalm 147:14

Ia gu hai gi nnoho paba dangada i honga de henua, gai gu hagaboobosu goodou i denga grain danuaa hugadoo.

Psalm 81:16

Aagai au e haangai adu naa goe i denga grain danuaa hugadoo, ma de hai gi bosu goe i denga hooni o lo te baba.”

Isaiah 7:23

De masavaa laa, gai mommee alodahi nogo ssomo ai laa e mano grapevine, e hagao laa i e mano shekel, gu ssomo ai denga manu duiduia ma manu daladala.

Jeremiah 2:7

Au ne gaamai goodou gi dahi henua iai hua lagolago, gai goodou ga gai ono hua aama mee danuaa iai. Aagai goodou ne loomai ga hai gi hakino gee dogu henua, aama de hai gi dee gilimalali de huaahenua o dogu boolonga.

Jeremiah 5:17

Gai gilaadeu e gai naa oodou huamanu gu hagihagi ma oodou gai, ma de hai ga deai oodou dama daane ma damaa hine. Gilaadeu e ngole naa oodou hagabuulingaa ssiibi ma kaau, ma de gai hua o oodou grapevine ma oodou fig. Gai alaadeu gadilaasa e oha naa denga aduhale buibui oodou e tali ange naa aagena.

Ezekiel 27:17

Judah ma Israel ne hagao mee hogi i oo daha; gilaau ne hagao oo goloa i grain mai i Minnith ma keege, ma hooni, ma lolo olive, aama balm.

Hosea 2:22

gai de henua e basa ange naa gi denga grain ma denga uvaini hoou aama lolo, gai gilaadeu e pasa ange naa gi Jezreel,

Hosea 2:8

Gai ia tee iloo donu bolo go au ne gaavange laa ana hua grain, ma ana uvaini aama ana lolo, go au ne hagadanuaa ina ia i selevaa ma goolo, alaadeu ne gaavange laa gi Baal.

Micah 4:4

Gai dahi ma dahi e noho baba naa i lalo dana grapevine aama lalo dana fig, gu deai dangada e hagamaatagu ina gilaadeu, go hiidinga Tagi o denga hagabuulinga hebagi gu lava donu i de tala mee nei.

Habakkuk 3:17

Gai e dee galemu naa donu teai huaala o de fig, gai gu deai hogi grape i denga grapevine, gai e dee galemu naa donu teai hua o de olive, ma teai gai e ssomo i honga denga veelenga, gai e dee galemu naa donu teai ssiibi i lodo buibui manu, ma teai kaau i lodo buibui e dugu ai manu,

Numbers 13:23

Gai gilaadeu ne hulo ga tae gi de geelonga o Eshcol, ga tuu iho dahi laa iai de gau looloa grape, ga nnoa ange gi dahi laagau, gai e dogolua daane ga saabai ga hulo ai gilaadeu. Gai gilaadeu ne kave hogi hanu hua pomegranate aama hanu hua fig.

John 6:13

Gai gilaadeu ga hagabudu denga dibaa pelaoaa barley e doe i de gaimee ai o dangada ga hhao ai e madaangahulu ma lua gede.

John 6:9

“E dahi gauligi daane i kinei e lima ana duudangaa pelaoaa barley aama e lua mamu, gai dee hee de hai e hai ai gi dohu dangada soa i mee nei?”

Deuteronomy 32:13

Ia ne hai gilaadeu gi saavini laa honga denga mommee maolunga o de henua, ma de gai hua o denga manu ssomo i lo te duu malaelae; ia e haangai ange gilaadeu i denga hooni lo te baba, aama lolo o denga olive i lodo hadu makaga.

Deuteronomy 32:14

Ia ne haangai ia i vai uu haduhadu o denga kaau ma vai uu o denga ssiibi ma guudi, ma mee moomuna o denga ssiibi gauligi ma ssiibi daane, ma ssiibi ma guudi o Bashan, madali denga grain danuaa hugadoo; koe ne unu uvaini danuaa o denga grape.

Deuteronomy 6:3

De gau Israel, goodou hagalaangona, ma de kana ange ga daudali i mee nei, gi nnoho paba ai goodou ma de hagadili ga soa, i de henua iai vai uu ma hooni lagolago, bei de hai a Tagi Maolunga de Maadua o oodou dubuna madagidagi gu hagatoo donu adu ai gi goodou.

Deuteronomy 8:7

Go hiidinga Tagi Maolunga doodou Maadua e kave naa goodou gi dahi henua danuaa; se henua iai denga saalingaa vai, aama vai e ssali mai i lodo geelonga ma honga duuduu;

Deuteronomy 8:9

Gai se henua e dee maua gi odi gai iai, gai e deai naa donu se mee daudahi oodou e duasala ai. Gai lo te hadu iai denga iron, gai goodou e geli age naa denga copper i honga denga mounga.