Deuteronomy 8:5 - De Beebaa Dabu

⁵ Gai goodou gi tonu ange bolo Tagi Maolunga doodou Maadua ne haele goodou bei de haele a tangada dana dama donu.

Deuteronomy 8:5 Iomraidhean Croise

2 Samuel 7:14

Au e hai naa go dono damana, gai ia go dagu dama. Gai de masavaa naa huu oona e haisala ai, gai au e haele ia i de laagau, bei de hai a dahi damana e haele ai laa dana dama.

Psalm 89:32

au e hagaduasala naa gilaadeu i de laagau i hiidinga olaadeu haisala, ma de hagailiili gilaadeu i hiidinga olaadeu baubau;

Psalm 94:12

Tagi Maolunga, e manuuia tangada aau e haele, ma tangada aau e agoago ange i au hainga;

Proverbs 13:24

Tangada e daohia de laagau haaele, e kino i dana dama, aagai tangada e aloha laa i dana dama, e kana ange ga haele ia.

Proverbs 3:11

Dagu dama, aude hagangadi mee ina de haele a Tagi Maolunga goe, aabe gi kino i de hagallongo dana hagasee goe;

Proverbs 3:12

go hiidinga Tagi Maolunga e hagasee tangada oona e aloha ai laa, bei dagodo hegau a tamana ange gi tama oona e malangilangi ai laa.

Ecclesiastes 7:14

Malangilangi i de masavaa oou e duadonu ai, aagai koe gi donu iho i de masavaa o de hai ngadaa: go de Maadua ne haia luu mee nei ngaadahi. Deelaa ai, tangada e dee maua gi iloo dagodo o dono mouli i de masavaa e humai.

Isaiah 1:3

De kaau e iloo dono dangada aamua, dahi donkey e iloo de mommee haangai manu a dono dangada aamua; aagai Israel e dee iloo, ogu dangada tigi tonu ange donu.”

Ezekiel 12:3

Deenei ai, tama a tangada, haoa oo goloa i de laangi, gai koe ga seesee ga hano gee mai i doo hale gi dahi mommee gee, i madamada olaadeu alodahi, bei dagodo o dangada e gaavee laa gi dahi henua gee. Kana adu gilaadeu e tonu ange naa, e dee galemu donu delaadeu hagamaanege.

Ezekiel 18:28

Go hiidinga ia ne gidee gai ia ga dahuli gee i haisala alodahi aana gu hai, gai ia e mouli donu; ia e dee magau donu.

1 Corinthians 11:32

Aagai de masavaa a Tagi Maolunga e hagamodu ai odaadeu muna, gai ia e haele gidaadeu gi dee maakau ai gidaadeu madali henua i lalo.

Deuteronomy 1:31

Gai goodou gu gidee hogi de hai a Tagi Maolunga doodou Maadua ne bale adu ai goodou i de vao, ga saabai goodou bei de hai a tamana e saabai ai laa dana gauligi i honga luoono eu. Ia ne bale adu goodou ga dae ai gi doodou tae mai gi kinei.”

Deuteronomy 4:23

Gai goodou kana ange gi dee ngalo e goodou de hagatoo donu hagaheloongoi a Tagi Maolunga doodou Maadua gu hai madali goodou, gai goodou ga hai ai dahi diinonga ga hagadagodo ange gi dahi mee daudahi a Tagi Maolunga doodou Maadua gu hai adu goodou gi dee haia.

Deuteronomy 4:36

Ia ne hai gi langona e goodou dono leo mai i de langi e haele ai goodou. Gai ia ne hai gi gidee e goodou de ahi ula i honga de henua, ma de langona dono leo e basa adu ai gi goodou mai i lo te ahi.

Deuteronomy 4:9

Gai goodou dagidiiloo dagodo o oodou lodo, gi dee ngalo ai e goodou mee oodou gu gidee, aabe go de ssolo mee nei i oodou lodo i taulooloa oodou mouli. Gai goodou agoagona ange mee nei gi oodou dama aama dama a oodou dama e loomai i olaadeu dua,

Deuteronomy 8:6

Deenei ai, goodou daohia muna a Tagi Maolunga doodou Maadua gu tala adu gi goodou, ga daudali i ono haiava aama de maatagu i de ia.

Revelation 3:19

Au e hagasee donu ma de haele gilaadeu alodahi oogu e aloha ai. Deenei ai, koe gi hagammahi dahuli oo lodo.