Deuteronomy 7:16 - De Beebaa Dabu

¹⁶ Gai goodou daia gi odi dangada alodahi a Tagi Maolunga doodou Maadua e gaavadu goodou gi hagadee kii ina. Goodou aude lodo aaloha ange gi gilaadeu aabe gi daumaha ange gi olaadeu diinonga, go hiidinga mee nei e hai naa goodou ga bei dagodo o de manu gu noodia laa i ssele.

Deuteronomy 7:16 Iomraidhean Croise

Psalm 106:34

Gilaadeu tee daa gi maakau denga huaahenua, bei de hai a Tagi Maolunga gu tala ange ai gi gilaadeu,

Psalm 106:36

Gilaadeu ne daumaha ange gi diinonga o denga huaahenua, gai olaadeu lodo gu noodia i de mee nei.

Exodus 23:33

Gai gilaadeu e dee nnoho i doodou henua, kana haia e gilaadeu goodou ga haisala mai gi de au; gai noo goodou e daumaha ange gi olaadeu diinonga, gai oodou lodo e noodia i de mee nei.”

Jeremiah 21:7

Gai dua naa huu mee nei, go Tagi Maolunga e hagadaba, gai au e dugu ange naa de hodooligi o Judah go Zedekiah, ma ono dagi o de hebagi aama dangada tee maakau laa i de mee hagamaakau, be go de gadilaasa aabe go de onge, gi de hodooligi o Babylon go Nebuchadnezzar, aama olaadeu hagadaumee e nnoho laa e daia gilaadeu gi maakau. Gai ia e daa naa gilaadeu i de gadilaasa; ia e dee damaa aloha ange naa donu gi gilaadeu aabe lodo aloha ange gi gilaadeu.’

Numbers 33:55

Aagai noo goodou e dee alualu gi hulo gee dangada e nnoho i de henua, gai muli mai naa huu, gai dangada oodou e dugu gi nnoho madali goodou, e bei naa denga mee duiduia i lodo oodou ganomada, ma manu daladala e duiduia goodou. Gilaadeu e hagahai ngadaa naa goodou, i de henua oodou ga hulo naa e nnoho ai.

1 Corinthians 15:33

Goodou gi dee hagasengalia: “De hai soa ange gi de gau baubau e oha denga dahulinga danuaa.”

Deuteronomy 13:8

gai koe aude hano madali ia, aude daudali i ana muna, aude lodo aloha ange gi de ia, aude dugua ia gi mouli, gai koe aude hagamuunia ina ia;

Deuteronomy 13:9

aagai koe daia donu ia gi magau. Gai go koe donu e damadaa ina de daa ia, gai muli mai gai dangada alodahi i kilaa ga bale adu ai goe ga daa ai ia gi magau.

Deuteronomy 19:13

Goodou e dee llodo aaloha ange donu gi de ia, gai goodou ga aau gee ai de baubau i Israel, gi danuaa adu ai gi goodou.

Deuteronomy 19:21

Goodou e dee llodo aaloha ange donu gi de ia. De mouli e sui ange i de mouli, de ganomada e sui ange i de ganomada, de niho e sui ange i de niho, de lima e sui ange i de lima, gai de vae e sui ange i de vae.

Deuteronomy 25:12

gai goodou duudia gi doo dono lima; goodou e dee llodo aaloha ange donu gi de ia.

Deuteronomy 7:2

gai de masavaa naa huu a Tagi Maolunga doodou Maadua e dugu adu ai gilaadeu gi nnoho i oodou lalo, gai goodou gu hagadee kii gilaadeu, gai goodou e daa gilaadeu alodahi gi odi i de maakau. Goodou e dee hai hogi dahi hagatoo donu hagaheloongoi madali gilaadeu, aabe abodonu ange gi gilaadeu.

Deuteronomy 7:25

Gai goodou duungia olaadeu diinonga i de ahi; gai goodou aude nnoo ange gi denga selevaa ma goolo e hai ai diinonga laa, aabe gi gaavee mee nei e hai ai oodou goloa, kana noodia ai goodou, go hiidinga Tagi Maolunga doodou Maadua e kino mmao i mee nei.

Joshua 11:20

Go hiidinga Tagi Maolunga ne hagamakaga olaadeu lodo gi loomai ai gilaadeu gi hebagi ange gi de gau Israel, gi daia ai gilaadeu gi odi i de maakau, ma tee degi ange gi gilaadeu, bei de hai a Tagi Maolunga gu tala ange ai laa gi Moses.

Judges 2:12

Gai gilaadeu ne tili Tagi Maolunga de Maadua o olaadeu dubuna madagidagi, go ia ne hagassao ina mai gilaadeu i de henua go Egypt; gai gilaadeu ne daudali ange i denga diinonga o denga huaadangada e paa ange gi delaadeu henua, ma de daumaha ange gi gilaadeu; gai gilaadeu ga hai ai gu lili Tagi Maolunga.

Judges 2:3

Deelaa ai, iainei gai au e hai adu hogi: au e dee hai naa donu gilaadeu gi hulo gee mai i oodou daha; aagai gilaadeu e ssula naa ga ni hagadaumee niiodou, gai olaadeu diinonga e hai naa ga bei ssele e dada ai laa goodou.”

Judges 3:6

Gilaadeu ne kave denga damaa hine a de gau laa ga hai bodu ange aagena, ma de gaavange alaadeu damaa hine e hai ai bodu o alaadeu dama daane, gilaadeu ne daumaha ange hogi gi olaadeu diinonga.

Judges 8:27

Gai Gideon ne hai dahi ephod goolo, ga kave ga dugu i dono aduhale go Ophrah. Gai de gau Israel alodahi ne daumaha ange aagena i kilaa, gai de mee laa gu se mee hagalaavea ai lodo o Gideon ma dono huaabodu.