Deuteronomy 4:5 - De Beebaa Dabu

⁵ Goodou e iloo bolo au gu agoago adu goodou hainga gu hagasauaa ma hagamodu, bei de hai a Tagi Maolunga dogu Maadua gu tala mai ai gi de au, gai goodou ga daudali ai, i de masavaa oodou e hulo ai ga kave de henua laa.

Deuteronomy 4:5 Iomraidhean Croise

Psalm 71:17

De Maadua, koe ne agoago mai au i dogu gauligi, gai au goi tala donu huu dagodo o au hegau hagalele mouli.

Exodus 18:20

Gai koe agoagona ange dangada i hagamodu a de Maadua ma ana hainga, ma de hagaago ange delaadeu hai e mouli ai, aama mee alodahi alaadeu e hai.

Jeremiah 11:6

Gai Tagi Maolunga ne hai mai, “Koe gi daalaa muna nei alodahi i denga aduhale o Judah, aama honga haiava o Jerusalem, hai ange, ‘Goodou hagalaangona muna o de hagatoo donu hagaheloongoi nei ma gi daudali ai.

Ezekiel 20:11

Au ne gaavange gi gilaadeu agu muna gu hagasauaa ma de hai gi iloo e gilaadeu agu hainga, go mee e mouli ai tangada noo ia e daudali ai.

Leviticus 19:19

Koe gi daohia agu mee gu hagasauaa. Aude hagahai dama ina dau manu i dahi hagadaagangaa manu gee. Aude dooa dau veelenga i e lua hagadaagangaa golee. Aude gahu i malo e hai i e lua hagadaagangaa huga malo.

Leviticus 26:46

Aanei mee gu hagasauaa ma hagamodu aama hainga a Tagi Maolunga, ne hai madali de gau Israel i honga de mounga go Sinai ga gaavange gi Moses.

Leviticus 27:34

Aanei muna a Tagi Maolunga ne tala ange gi Moses i honga de mounga go Sinai ia gi daalaa ange gi de gau Israel.

Leviticus 7:38

a Tagi Maolunga ne tala ange gi Moses i honga de mounga go Sinai, i de laangi aana ne tala ange ai gi de gau Israel, gilaadeu gi gaamai alaadeu sigidaumaha ange gi Tagi Maolunga, i de vao o Sinai.

Matthew 28:20

ma de agoago ange gilaadeu gi daudali i mee alodahi aagu gu tala adu gi goodou. Gai tilo, au e noho i oodou daha i masavaa alodahi ga dae ai gi de hagaodi.”

Acts 20:27

go hiidinga au tee hagammuni donu dahi mee i goodou, gai ne tala adu gi goodou lodo alodahi o de Maadua.

1 Corinthians 11:28

Gai tangada gi diiloo iho gi danuaa ono dagodo, gai ia ga gai ai de pelaoaa ma de unu i de ubu nei.

1 Corinthians 15:3

Gai au e tala adu gi goodou de mee hagamogomogo hugadoo, bei dagu hai ne kave ai: Klisdo ne magau i odaadeu haisala bei dagodo muna a de Beebaa Dabu,

Deuteronomy 11:32

gai goodou ga kana ange daudali i mee alodahi gu hagasauaa, ma hainga aagu e tala adu gi goodou anailaa nei.

Deuteronomy 4:1

De gau Israel, goodou hagalaangona ange hainga gu hagasauaa, ma hagamodu aagu e agoago adu ai goodou. Gai goodou daudali i mee nei, gi mouli ai goodou ma de hulo gi tae, e kave de henua a Tagi Maolunga, de Maadua o oodou dubuna madagidagi, e gaavadu gi goodou.

Deuteronomy 4:2

Gai goodou e dee hagapuni ange aabe e aau gee hanu muna i muna aagu gu tala adu gi goodou, aagai goodou daohia hainga a Tagi Maolunga doodou Maadua aagu gu tala adu gi goodou.

Deuteronomy 4:4

aagai goodou alodahi ne hagapigi ange laa gi Tagi Maolunga doodou Maadua, e mouli huu anailaa nei.

Deuteronomy 4:40

Deenei ai, goodou daohia ana mee gu hagasauaa aama ana hainga gu tala adu gi goodou, go hainga aagu e tala adu nei gi goodou anailaa nei, gi danuaa adu ai gi goodou ma oodou dama e loomai i oodou dua, gai goodou ga nnoho ai i de henua a Tagi Maolunga doodou Maadua e gaavadu gi goodou ga hano ai.

Deuteronomy 5:1

Gai Moses ne hagahi de gau Israel alodahi ga hai ange: De gau Israel, goodou hagalaangona denga hainga gu hagasauaa ma hagamodu aagu e tala adu gi goodou ailaa nei. Goodou hagamaumau ina ma de kana ange ga daudali ai.

Deuteronomy 6:1

Aanei muna, ma hainga gu hagasauaa, aama hagamodu a Tagi Maolunga doodou Maadua ne gaamai, au gi agoago ina adu ai goodou; gai goodou ga daohi ai mee nei, i doodou tae gi de henua oodou ga hulo naa e kave i de baasi laa o Jordan,

Deuteronomy 7:11

Deenei ai, goodou daudali i ana muna, ma ana hainga gu hagasauaa, aama ana hagamodu, aagu e tala adu nei gi goodou anailaa nei.

Deuteronomy 8:11

Gai goodou kana ange gi dee ngalo e goodou Tagi Maolunga doodou Maadua, gai goodou gu dee daohi ana muna ma ana mee gu hagamodu aama ana hainga gu hagasauaa aagu e tala adu nei gi goodou anailaa nei.

Hebrews 3:5

Gai Moses se dangada hai hegau ne hai hegau i de muna abodonu i de hale alodahi o de Maadua; ia ne tala hagadonu dagodo o mee e tala i muli mai.