Deuteronomy 4:15 - De Beebaa Dabu

¹⁵ Gai goodou tee gidee donu dahi angaanga i de laangi o Tagi Maolunga ne basa adu ai gi goodou mai i lo te ahi ula i Horeb. Deenei ai, goodou kana ange dagidiiloo iho goodou,

Deuteronomy 4:15 Iomraidhean Croise

Isaiah 40:18

Gai goai oodou e hagahedae ange de Maadua aagena? Gai goai oodou e hagadulagi ange ia aagena?

Malachi 2:15

E aha, e dee go de Maadua ne haia gooluu gi dahi? De angaanga ma de hagasaalunga ni mee niiana. Gai se aha a de Maadua e ssala? Go denga hagadiilinga dabu. Deenei ai, goodou dagidiiloo dagodo o oodou lodo, goodou gi dee oohaa de hagatoo donu ange gi doo bodu mai i doo masavaa e dama daane ai.

Jeremiah 17:21

E hagadaba Tagi Maolunga: Goodou diiloo gi dee sabaia mai e goodou hanu mee i de laangi o Sabbath gi gaamai laa lodo haitoga o Jerusalem.

Proverbs 4:27

Aude daa gi de baasi madau be go de baasi masui, gai huli gee i de baubau.

Proverbs 4:23

Gai de mee e hagamogomogo ange i mee alodahi, go de dagitilo dagodo oo lodo, go hiidinga go kilaa iai mee o de mouli.

Psalm 119:9

Dee hee de hai a dahi dama daane e hai ai gi gilimalali dono mouli? Go dana dagitilo ga daudali i au muna.

Joshua 23:11

Gai goodou dagidiiloo gi aaloha goodou i Tagi Maolunga doodou Maadua.

Deuteronomy 4:12

Gai Tagi Maolunga ne basa adu gi goodou mai i lo te ahi ula laa; goodou ne langona de leo e basa gai goodou e dee gidee dahi angaanga.

Deuteronomy 4:9

Gai goodou dagidiiloo dagodo o oodou lodo, gi dee ngalo ai e goodou mee oodou gu gidee, aabe go de ssolo mee nei i oodou lodo i taulooloa oodou mouli. Gai goodou agoagona ange mee nei gi oodou dama aama dama a oodou dama e loomai i olaadeu dua,

Hebrews 1:3

Gai Tama go de maalama o de mahamaha o de Maadua, ia go hagadulagi donu o de Maadua, gai ia e daohi mee alodahi i ssauaa o ana muna. Gai dua huu dana hagagilimalali denga haisala, gai ia gu noho i de baasi madau o de Ia Maolunga Mmao laa i mommee maolunga.

Deuteronomy 4:23

Gai goodou kana ange gi dee ngalo e goodou de hagatoo donu hagaheloongoi a Tagi Maolunga doodou Maadua gu hai madali goodou, gai goodou ga hai ai dahi diinonga ga hagadagodo ange gi dahi mee daudahi a Tagi Maolunga doodou Maadua gu hai adu goodou gi dee haia.

Exodus 19:1

Gai tolu malama huu i dua de ssao o de gau Israel ga hulo gee mai i de henua go Egypt, gai gilaadeu gu tae gi de vao o Sinai, i de laangi laa donu huu hogi.

Exodus 20:4

Aude haia dahi diinonga moou, gi hagadagodo ina ange gi dahi mee i de langi, be go dahi mee i henua i lalo, aabe go dahi mee i lo te vai i lalo de henua.

Deuteronomy 4:14

Gai Tagi Maolunga ne tala mai gi de au i de masavaa laa, au gi agoago ina adu goodou i denga hainga gu hagasauaa aama mee gu hagamodu, gai goodou ga hai hegau ai i de henua oodou ga hulo naa e kave i de baasi laa.

Deuteronomy 5:8

Aude haia dahi diinonga moou, gi hagadagodo ina ange gi dahi mee i de langi, be go dahi mee i henua i lalo, aabe go dahi mee i lo te vai i lalo de henua.

Deuteronomy 4:36

Ia ne hai gi langona e goodou dono leo mai i de langi e haele ai goodou. Gai ia ne hai gi gidee e goodou de ahi ula i honga de henua, ma de langona dono leo e basa adu ai gi goodou mai i lo te ahi.

Deuteronomy 5:4

Tagi Maolunga ne basa adu gi goodou mai i de mounga i lo te ahi ula.

Deuteronomy 9:10

Gai Tagi Maolunga ne gaamai e lua duu hadu baabaa, gu lava i de sisi i de lima o de Maadua. Gai honga luu duu hadu laa gu sisi ai, muna alodahi a Tagi Maolunga ne tala adu gi goodou mai i de mounga i lo te ahi ula, i de laangi odaadeu ne hagabuni ai.

Deuteronomy 10:4

Gai Tagi Maolunga ga sisi ange hogi gi honga luu duu hadu laa de Madaangahulu Hainga, go muna a Tagi Maolunga ne tala adu gi goodou, mai i honga de mounga e ula ai laa de ahi, i de laangi odaadeu ne hagabuni ai, gai Tagi Maolunga ne gaamai luu duu hadu laa gi de au.

1 Kings 19:12

Gai dua de ngalungalue o de henua gai gu humai de ahi, aagai Tagi Maolunga e dee noho hogi i lo te ahi laa. Dua de ahi laa gai gu humai dahi leo damaa mee.