Deuteronomy 30:3 - De Beebaa Dabu

³ gai Tagi Maolunga doodou Maadua e hagaahe mai naa goodou gi doodou henua, ga lodo aloha adu gi goodou, ma de hagaahe mai goodou i denga huaadangada aana gu hai goodou gi mavaevae saele aagena.

Deuteronomy 30:3 Iomraidhean Croise

Genesis 28:15

Gai au e noho naa madali goe ma de tilo adu goe i mommee alodahi oou e hano aagena, gai au e hagaahe mai naa donu goe gi de henua nei, gai au e dee tili naa donu goe ga dae ai gi dagu hagassula mee aagu gu hagatoo donu adu gi de goe.”

Genesis 48:21

Gai Israel ne hai ange gi Joseph, “Tilo, au gu dai magau naa, gai de Maadua gi noho madali goodou, ga hagaahe goodou gi de henua o oodou dubuna.

1 Chronicles 16:35

Goodou hagataba, “De Maadua demaadeu Ia Hagaola; hagaola ina gimaadeu, hagabuni ina mai gimaadeu ma de hagaola mai gimaadeu i denga huaahenua, gai gimaadeu ga tuhi ai doo ingoo dabu, ma de hagamahamaha goe i de tuhi.

Nehemiah 1:9

aagai noo goodou e aahe mai gi de au, ma de daudali i agu muna gu tala adu gi goodou, e dee galemu donu goodou gu mavaevae saele gi de bido laa o henua i lalo, gai au e hagaahe mai naa donu goodou gi de mommee aagu gu hili e dugu ai dogu ingoo.’

De Beebaa go Job 42:10

Gai dua huu de dalodalo o Job i ono soa, gai Tagi Maolunga ga ahe ange ga hai gu kii ange dono lava.

Psalm 107:3

ma gilaadeu aana gu hagaahe mai i denga henua gee, i dua ma dai, aama ngaiho ma ngaage.

Psalm 147:2

Tagi Maolunga e hagaduu age Jerusalem; ia e hagabuni mai de gau Israel gu nnoho laa i denga henua gee.

Isaiah 27:12

De laangi laa gai Tagi Maolunga e hili naa denga grain mai i ssaalingaa vai go Euphrates ga dae ai gi Ssaalingaa Vai o Egypt, gai goodou de gau Israel e bei naa denga grain e ogo dagidahi laa.

Isaiah 43:5

Aude madagu, go hiidinga au madali goe; au e gaamai naa oo hagadiilinga mai i dua, ma de hagabuni mai goodou i dai.

Isaiah 54:7

Au ne tili goe i dahi masavaa bodobodo, aagai au e hagaahe mai naa goe i hiidinga dogu lodo aloha laumalie.

Isaiah 56:8

Gai de Ia Aamua go Iahweh e hagadaba, go de ia e hagabuni ina mai de gau Israel gu i denga henua gee: “Au e hagabuni mai naa hogi de gau ange laa, gi daho olaadeu aagu gu lava laa i de hagabuni mai.”

Jeremiah 12:14

E hagadaba Tagi Maolunga, “De gau baubau alodahi i ogu gaogao e gaavee laa de mommee aagu gu bolo ange gi ogu dangada go de gau Israel, au e kave gee naa gilaadeu mai i olaadeu henua, ma de aau gee dangada o Judah mai i olaadeu daha.

Jeremiah 23:3

Gai au e gaamai naa gilaadeu e doe i dagu hagabuulingaa ssiibi i henua alodahi aagu gu kave gilaadeu aagena, gai au ga hagaahe mai gilaadeu gi lo te laadeu buibui, gai gilaadeu ga hagadili ai naa ga soa.

Jeremiah 29:14

E hagadaba Tagi Maolunga: Goodou e gidee naa donu au, gai au e hagaahe adu naa doodou manuuia. Au e hagabuni mai naa goodou i denga huaahenua alodahi, ma mommee aagu ne hai goodou gi mavaevae saele aagena, go Tagi Maolunga e hagadaba; au e hagaahe mai naa goodou gi de mommee aagu ne kave gee ai goodou gi denga henua gee.

Jeremiah 31:10

Denga huaahenua, goodou hagalaangona muna a Tagi Maolunga, gai hagadele ina i denga henua mmao: ‘De ia ne haia ga mavaevae saele Israel e hagabuni mai naa gilaadeu, ma de tilo ange gilaadeu bei dagodo o tangada hagaloosi ssiibi.’

Lamentations 3:22

Go hiidinga de abodonu o Tagi Maolunga, odaadeu tee maakau ai; dono lodo aloha e dee helui donu.

Lamentations 3:32

Gai e dee galemu naa donu dana hai gi duu ange au gi de hagaduasala, gai ia e lodo aloha mai donu hogi, bei tagodo o dono abodonu laumalie.

Ezekiel 11:17

Deenei ai, hai ange gi gilaadeu, ‘E hagadaba de Ia Aamua go Iahweh: Au e hagabuni mai naa goodou mai i daho denga huaadangada, ma de hagaahe mai goodou i denga henua oodou gu mavaevae saele ai, gai au e hagaahe adu naa gi goodou de henua go Israel.’

Ezekiel 36:24

Au e hagaahe mai naa goodou i daho denga huaahenua; au e hagabuni mai naa goodou i denga henua alodahi, ga hagaahe mai gi doodou henua.

Ezekiel 39:28

Gai gi iloo ai e gilaadeu bolo go au donu go Iahweh delaadeu Maadua; e dee galemu donu dagu hai gilaadeu gi hulo gi nnoho i magavaa o denga huaahenua, gai au e hagaahe mai donu gilaadeu gi delaadeu henua, au e dee dugu donu dahi gilaadeu gi noho i kilaa.

Micah 7:19

Koe e ahe ange naa ga abodonu mai gi gimaadeu; koe e dagadagahi naa omaadeu haisala gi lalo luoo vae, ma de tili omaadeu haisala alodahi gi lo te moana gelo.

Zechariah 10:9

Gai e dee galemu naa donu dagu hai gilaadeu gi mavaevae saele i daho denga huaahenua, gai gilaadeu e dee ngalo naa donu au, i denga henua mmao. Gai gilaadeu ma alaadeu dama e mouli naa ga aahe mai.

Romans 11:23

Gai e bei ai hogi de gau Israel, noo gilaadeu e dee duudagi delaadeu dee hagadonusia, aagai gilaadeu e hagaahe ange donu ga hagabigibigi ange gi de manu laa, i hiidinga de Maadua e maua i de hagaahe ange gilaadeu e hagabigibigi ange.

Romans 11:26

Deenei de hai o Israel alodahi e hagamouli ai. Bei de hai gu sisi ai laa: “De Ia Hagaola e humai naa i Zion; gai ia e aau gee naa baubau o Jacob.

Romans 11:31

iainei gilaadeu gu dee hagallongo i muna, gi maua ai hogi e gilaadeu i de kave de abodonu o de Maadua gu hagaago adu naa gi goodou iainei.

Deuteronomy 13:17

Gai gi deai donu se goloa daudahi gu hagamodu laa e oha oodou e poo ange aagena, gi dee humai ai de bole o Tagi Maolunga gi goodou, gai ia ga abodonu adu ai gi goodou ma de lodo aloha adu gi goodou, ga hai goodou gi hagadili gi soa, bei dana hai gu hagatoo donu ange ai gi oodou dubuna madagidagi,

Deuteronomy 4:27

Gai Tagi Maolunga e hai naa goodou gi mavaevae saele i magavaa o de gau henua gee, gai e sogoisi naa donu huu goodou e ola i doodou nnoho i daho denga huaahenua a Tagi Maolunga e hai goodou gi hulo gi nnoho ai.