Deuteronomy 3:2 - De Beebaa Dabu

² Gai Tagi Maolunga ga hai mai gi de au, “Aude madagu donu i de ia, go hiidinga au gu dugu adu ia gi de goe, ma ono dangada alodahi, aama dono henua. Gai koe ga hagadee kii ia, bei dau hai ne hai ai de hodooligi o Amor go Sihon, e nnoho laa i Heshbon.”

Deuteronomy 3:2 Iomraidhean Croise

2 Chronicles 20:17

E dee go goodou e hebagi i de hebagi nei. Gai goodou hagatau, ma de tuu ga tilo de hagaola a Tagi Maolunga goodou.’ Judah ma Jerusalem, goodou aude maatagu, aabe gi manavasaa oodou lodo. Gai goodou hulo hebagi ange gi gilaadeu daiao, gai Tagi Maolunga e hano donu madali goodou.”

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Isaiah 43:5

Aude madagu, go hiidinga au madali goe; au e gaamai naa oo hagadiilinga mai i dua, ma de hagabuni mai goodou i dai.

Numbers 14:9

Gai goodou aude hai baasi ange gi Tagi Maolunga, be gi maatagu i dangada o de henua laa, go hiidinga e hai ngaohie donu taadeu hagadee kii gilaadeu. Gilaadeu gu deai selaadeu buibui, aagai Tagi Maolunga e noho madali gidaadeu; goodou aude maatagu i gilaadeu.”

Numbers 21:34

Aagai Tagi Maolunga ga hai ange gi Moses, “Aude madagu i de ia; i hiidinga au e dugu adu ia koe gi hagadee kii ina, madali ono daane alodahi aama dono henua. Gai koe ga hai ia bei dau hai ne hai ai laa de hodooligi o de gau Amor, go taane nogo hodooligi laa i Heshbon.”

Acts 18:9

Gai Tagi Maolunga ne hai ange gi a Paul i de midi hagaago ange i dahi boo, “Aude madagu donu, aagai koe duudagina ina de agoago, aude hagapunidia doo ngudu;

Acts 27:24

ga hai mai, ‘Paul, aude madagu, koe e duu naa donu i mada i mua o Caesar. Gai tilo, de Maadua e hagaola hogi mouli o dangada alodahi i honga de vaga madali goe.’

Deuteronomy 20:3

gai ia gi hai ange gi gilaadeu, “Israel, nnoho mai hagalaangona, ailaa nei goodou ga hulo nei e hebagi ange gi oodou hagadaumee. Goodou aude manavasaa oodou lodo be e maatagu, aabe gi bolebole i doodou maatagu i gilaadeu,

Deuteronomy 3:1

Gai de masavaa odaadeu ne seesee ai i de haiava e hulo gi Bashan, gai Og de hodooligi o Bashan ma dono hagabuulinga hebagi ne loomai e hebagi mai gi gidaadeu i Edrei.

Deuteronomy 3:11

(Gai go Og de hodooligi o Bashan donu huu e doe i de gau Repha. Dono moenga ne hai i iron, e siva sugilima de looloa gai e haa sugilima de lahalaha, i haidenga o de masavaa laa. Gai dono moenga goi dagodo donu huu i Rabbah o de gau Ammon.)

Deuteronomy 3:3

Gai Tagi Maolunga taadeu Maadua ne dugu mai gidaadeu gi kii ina Og, de hodooligi o Bashan, ma ono dangada alodahi. Gai gidaadeu ne daa gilaadeu alodahi, gidaadeu tee dugu donu dahi dangada daudahi.

Joshua 10:8

Gai Tagi Maolunga ga hai ange gi Joshua, “Aude madagu i gilaadeu, go hiidinga au e dugu adu donu koe gi hagadee kii ina gilaadeu; gai e deai naa donu se gilaadeu e bau adu gi de goe.”

Revelation 2:10

Aude madagu i mee oou gu dai hagaduasala ina ai. Tilo, de ia hagabaubau laa gu dai hai naa gi dilia ange hanu goodou gi lo te hale pono e hagatale ai goodou, gai goodou e vaivai haia naa i e madaangahulu laangi. Gai goodou tuu gi makaga ga dae ai gi doodou maakau, gai au ga gaavadu gi de goe de hau o de mouli.