Deuteronomy 28:3 - De Beebaa Dabu

³ Koe e manuuia naa i lo te aduhale, gai e manuuia i de mommee iai veelenga.

Deuteronomy 28:3 Iomraidhean Croise

Genesis 26:12

Gai Isaac ne doo hanu veelenga i de henua laa, gai hua ne hagihagi i de ngadau laa se lau hanonga ne lagolago ange ai i ana hua ne doo, go hiidinga Tagi Maolunga ne hagamanuuia ia.

Genesis 39:5

Gai mai i de masavaa a Potiphar ne hai ai Joseph go tagi o dono hale ma ono goloa alodahi, gai Tagi Maolunga ne hagamanuuia de huaabodu laa ma mee alodahi o taane Egypt laa, i hiidinga o Joseph. Gai Tagi Maolunga ne hagamanuuia mee alodahi i dono hale aama ana veelenga.

2 Chronicles 34:19

De masavaa a de hodooligi ne langona ai muna o de hainga, gai ia ga ssae ono malo.

Psalm 112:1

Duuhia Tagi Maolunga! E manuuia tangada e madagu i Tagi Maolunga, ma de malangilangi mmao i ana hainga.

Haggai 2:19

e aha, e hanu laa golee e doe i lodo oodou hale doange huamanu? Denga grapevine ma fig, ma pomegranate, aama olive tigi hhua donu ga dae mai ai gi iainei. Aagai mai ailaa nei gai au e hagamanuuia naa goodou.”

Numbers 6:24

“Tagi Maolunga gi hagamanuuia ina goe ma de tilo adu goe.

Deuteronomy 28:16

Koe e hagamalaia naa i denga aduhale aama i de mommee iai veelenga.

Deuteronomy 28:4

Koe e manuuia naa i denga dama aau e haanau, ma hua o manu i honga doo gelegele ma dama a au manu e haanau — go dama a au kaau ma dama a au ssiibi.