Deuteronomy 26:13 - De Beebaa Dabu

¹³ Gai koe ga hai ange gi Tagi Maolunga doo Maadua, “Au gu lava i de vvae gee tiba dabu laa mai i dogu hale, gai au gu gaavange mee nei gi de gau de aamuli o Levi, ma tangada henua gee, ma de gauligi gu deai sono damana, aama de hine gu magau dono bodu, bei de hai aau gu tala mai ai gi de au i de hainga. Gai au tee hagahaisala donu be ne ngalo dahi au hainga daudahi.

Deuteronomy 26:13 Iomraidhean Croise

Psalm 119:139

Ogu lodo gu honu i de lodo gaiaa, i hiidinga ogu hagadaumee e dee anga ange gi au muna.

Psalm 119:141

Au se dangada maolalo ma de kino ai o dangada, gai au e dee ngalo donu au muna gu hagasauaa.

Psalm 119:153

Galo mai diiloo dogu duasala, gai hagaola ina dogu mouli, i hiidinga au tee ngalo donu au hainga.

Psalm 119:176

Au gu silivaahea saele bei dagodo o ssiibi gu dee maleva laa; humai saalaa doo dangada hai hegau, go hiidinga au e dee ngalo donu au hainga.

Psalm 119:93

Au e dee haihai naa donu ga ngalo au muna gu hagasauaa, i hiidinga go au hainga ne hagaola ina dogu mouli.

Psalm 26:6

Tagi Maolunga, au e hhui luoogu lima i dogu dee haisala, ma de holiage luu baasi doo mommee o ssigidaumaha;

Proverbs 3:1

Dagu dama, aude ngalo agu agoago, aagai daohia agu hainga i oo lodo;

Acts 24:16

Deenei ai, au e hagaduu ngae e hai gi heohi tagi i ogu lodo ange gi de Maadua aama ange gi dangada.

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

2 Corinthians 11:31

Gai de Maadua ma Tamana o Tagi Maolunga go Iesu, e heohi laa taadeu tuhi ga hano ai, e iloo bolo au e dee hadu muna donu.

Deuteronomy 14:29

Gai de aamuli o Levi, (go gilaadeu teai se mommee ne vvae ange e henua ai gilaadeu madali goodou,) ma de gau henua gee, ma denga gauligi gu deai olaadeu damana, ma haahine gu maakau olaadeu bodu, e nnoho i oodou aduhale, gilaadeu gi loomai gi gaimee gi boobosu madali goodou. Gai Tagi Maolunga doodou Maadua ga hagamanuuia ai oodou hegau alodahi e hai.

Deuteronomy 26:12

De masavaa naa huu e lava ai de vvae gee tahi diba i diba e madaangahulu o au huamanu alodahi i tolu ngadau, go de ngadau o ssigidaumaha o tahi diba i diba e madaangahulu, gai goodou ga gaavange gi de aamuli o Levi, ma tangada henua gee, ma denga gauligi gu deai olaadeu damana, aama denga haahine gu maakau olaadeu bodu, gi maua ai e gilaadeu i de gaimee ai ga boobosu i oodou aduhale.

Deuteronomy 26:14

Gai au tee gai donu hanu mee laa i de masavaa oogu e hinangalosaa ai, be ne aau hanu i de masavaa oogu e dee gilimalali ai, gai au tee kave hogi hanu e hai ange ai ssigidaumaha gi de gau maakau. Gai au ne hagallongo ange gi muna a Tagi Maolunga dogu Maadua, gai ne hai donu ga bei au mee alodahi gu tala mai au gi haia.

1 Thessalonians 2:10

Gai goodou go omaadeu dangada tala hagadonu, gai e bei ai hogi de Maadua, bolo gimaadeu ne hai hegau i de dabu ma de heohi, aama de gilimalali adu gi goodou e hagadonusia.