Deuteronomy 26:12 - De Beebaa Dabu

¹² De masavaa naa huu e lava ai de vvae gee tahi diba i diba e madaangahulu o au huamanu alodahi i tolu ngadau, go de ngadau o ssigidaumaha o tahi diba i diba e madaangahulu, gai goodou ga gaavange gi de aamuli o Levi, ma tangada henua gee, ma denga gauligi gu deai olaadeu damana, aama denga haahine gu maakau olaadeu bodu, gi maua ai e gilaadeu i de gaimee ai ga boobosu i oodou aduhale.

Deuteronomy 26:12 Iomraidhean Croise

Genesis 47:24

Aagai de masavaa naa huu o de hagihagi, gai goodou e gaavange gi Pharaoh dahi diba i diba e lima, gai e haa diba ange laa niiodou ma oodou huaabodu, gai goodou ga doo ai denga veelenga ma de gaimee ai madali oodou dama.”

Genesis 47:26

Gai Joseph ga hagasauaa de hainga laa i de henua go Egypt, ga dae mai ai gi anailaa nei: dahi diba i diba e lima o denga huamanu nii Pharaoh. Gai go veelenga donu huu a de gau haimeedabu tee gaavange gi Pharaoh.

Proverbs 14:21

Tangada e hagangadi mee ina tangada e baa ange gi de ia e haisala donu, aagai e manuuia tangada e abodonu ange gi gilaadeu e duasala.

Leviticus 27:30

Gai dahi diba i diba e madaangahulu o de gelegele, e dee hilihili be ni grain be go hua o denga manu ssomo nnui, mee nei nii Tagi Maolunga; mee nei gu hagadabu ange gi Tagi Maolunga.

Numbers 18:24

Gai au gu bolo ange gi de aamuli o Levi tahi diba i diba e madaangahulu, mai i sigidaumaha a de gau Israel e gaavange gi Tagi Maolunga. Deelaa ai, au gu tala ma gu hagadaba, ‘E deai se mommee e vvae ange gi gilaadeu madali de gau Israel.’ ”

Deuteronomy 16:14

Gai goodou ma oodou dama daane ma damaa hine, ma oodou daane ma haahine hai hegau, ma de aamuli o Levi, ma de gau henua gee, ma denga gauligi gu deai olaadeu damana, aama haahine gu maakau olaadeu bodu i oodou aduhale, ga hai taonga ga malangilangi ai.

Hebrews 7:5

De hainga gu hagamodu bolo go de aamuli o Levi e haia laa hegau a de gau haimeedabu e gaavee tahi diba i diba e madaangahulu mai i daho dangada — e bei go de gau Israel ange laa — e dee galemu donu gilaadeu ni hagadiilinga hogi niio Abraham.

Hebrews 7:9

Tangada e maua hogi i de hagataba bolo Levi, taane e gaavee laa tahi diba i diba e madaangahulu, ne gaavange gi Melkizedek tahi diba i diba e madaangahulu i daho Abraham,