Deuteronomy 24:5 - De Beebaa Dabu

⁵ Noo dahi daane se goodo hai bodu, gai ia e dee hai gi hano gi de hebagi, be gi haia dahi hegau ange. Ia e maua i de noho i dono hale i e dahi ngadau, ga hai ai gi malangilangi dono bodu.

Deuteronomy 24:5 Iomraidhean Croise

Genesis 2:24

Deenei de hiidinga o taane e dugu ai laa dono damana ma dono dinana, gai ia ga hagapigi ange gi dono bodu, gai gilaau gu hai ga se angaanga e dahi.

Proverbs 5:18

Koe gu manuuia i dau vai, gai koe gi malangilangi i de hine oou ne hai bodu ange naa aagena i de masavaa oou e dama daane ai.

Ecclesiastes 9:9

Koe gi malangilangi madali doo bodu, go de ia oou e aloha ai, i laangi alodahi e deai haigamaiana, a de Maadua gu gaavadu i doo mouli i lalo de laa, go hiidinga deenei doo duuhanga i de mouli nei, ma au hegau i lalo de laa.

Luke 14:20

Gai dahi ne hai ange hogi, ‘Au se goodo hai bodu donu huu, deelaa ai, au e dee maua i de hanadu.’

1 Corinthians 7:29

Denga daina, deenei de hagadoonunga o muna nei, de masavaa gu hagamodu gu baa mai donu. Mai iainei gai denga daane dau bodu gi bei denga daane e deai olaadeu bodu,

Deuteronomy 20:7

Gai taane naa huu gu hagababa ange laa gi dahi hahine, gai ia tigi hai bodu ange gi de hine laa, ia gi ahe gi dono hale, kana magau naa huu ia i de hebagi, gai dahi daane gee ga hai bodu ange gi de hine laa.”

Deuteronomy 24:6

Tangada e dee kave gee de hadu mmili be go de hadu mmili e mua gi lunga, e hagadonu ai de hagao muli a dahi, go hiidinga de hadu laa se mee e hai ai de hagamouli o tangada.