Deuteronomy 24:2 - De Beebaa Dabu

² Gai noo de hine laa e hano gee i de hale o taane laa, ga hai bodu ange gi dahi daane gee,

Deuteronomy 24:2 Iomraidhean Croise

Ezekiel 44:22

Gilaadeu e dee hai bodu ange donu gi denga haahine gu maakau olaadeu bodu, ma denga haahine gu maavae ange gi olaadeu bodu; gai e hai bodu ange donu huu gi denga bua mmoe o Israel, aabe go de bodu o dahi dangada haimeedabu gu magau laa.

Leviticus 21:14

Ia e dee hai bodu ange gi de hahine gu magau dono bodu, be se hine gu maavae, aabe se hine gu hakino gee i de hai be se manu, aagai ia e hai bodu ange donu huu gi dahi bua moe i magavaa o ono dangada,

Leviticus 21:7

Gilaadeu e dee hai bodu ange hogi gi dahi hahine hai be se manu, be se hine gu hakino gee, aabe se hine gu maavae ange gi dono bodu; i hiidinga tangada haimeedabu gu hagadabu ange gi dono Maadua.

Leviticus 22:13

Aagai noo tamaa hine a tangada haimeedabu gu magau dono bodu, aabe gu maavae ange gi dono bodu, gai tigi ai ana dama, gai ia gu ahe mai ma gu noho i de hale o dono damana, bei de masavaa oona nogo gauligi ai laa, gai ia e maua i de gaimee i gai a dono damana. Aagai e deai ange donu dangada laa daha e maua i de gai mee nei.

Numbers 30:9

Aagai denga hagatoo donu alodahi a de hine gu magau dono bodu, aabe go de hine gu maavae, e hai donu gi bei.

Matthew 5:32

Aagai au e hai adu gi goodou, be goai e maavae ange gi dono bodu, deelaa donu huu go dono dagodo haisala, gai ia e hai de hine laa gi dagodo haisala. Gai be goai e hai bodu ange gi de hine gu maavae laa gu dagodo haisala donu.

Mark 10:11

Gai Iesu ne hai ange gi gilaadeu, “Be goai e maavae ange gi dono bodu ga hai bodu ange gi dahi hahine gee, gai ia gu haisala ange donu gi dono bodu.

1 Corinthians 7:15

Aagai noo tangada tigi hagadonusia laa gu lodo e maavae ange gi dono bodu, gai gi dugua ange. Noo deenei tagodo, gai taane be go de hine gu hagadonusia laa gu dee noodia i de hainga o de hai bodu. De Maadua gu hagahi gidaadeu gi nnoho i de baba.

Deuteronomy 24:1

Noo dahi daane gu hai bodu ange gi dahi hahine, aagai ia gu dee malangilangi i de ia, go hiidinga ia gu gidee dahi mee dee heohi i ono daha, gai ia gi siia dahi beebaa maavae gaavange gi de hine laa, ga hai ia gi hano gee mai i dono hale.

Deuteronomy 24:3

gai togolua daane laa gu kino hogi i de ia, ga sisi ange dahi beebaa maavae ga gaavange gi de ia, ga hai hogi ia gi hano gee mai i dono hale, aabe taane laa gu magau,