Deuteronomy 21:16 - De Beebaa Dabu

¹⁶ gai de laangi naa huu aana e bolo ange ai ana mee gi ana dama, gai ia e dee maua i de gaavange de boolonga o tama daane madua, gi tama daane a de hine oona e aloha ai laa, e dee gaavange gi tama madua a de hine oona e dee aloha ai laa.

Deuteronomy 21:16 Iomraidhean Croise

Genesis 25:31

Jacob ne hai ange, “Hagao ina mai gi de au de boolonga o tama madua.”

1 Chronicles 26:10

Hosah mai i de aamuli o Merari e hanu hogi ana dama: tagi go Shimri (ia e dee go tama madua, gai dono damana ne hai ia go tagi),

1 Chronicles 5:2

aagai de aamuli o Judah ne mmahi ange i ono daina ange laa, gai dahi dagi ne sula age i daho ono hagadiilinga, aagai de boolonga o tama madua ne gaavange gi Joseph.)

2 Chronicles 21:3

Gai delaadeu damana ne vvae ange alaadeu selevaa ma goolo aama alaadeu goloa hagamogomogo, ma olaadeu aduhale buibui i de nohoanga hodooligi o Judah, gai ia ne gaavange de nohoanga hodooligi gi Jehoram, go hiidinga go ia dana dama madua.

Romans 8:29

Go hiidinga gilaadeu a de Maadua gu iloo i mua, gu lava hogi i dana hagatau bolo gilaadeu e hai naa gi bei dagodo o dana Dama, gai ia ga hai ai dana Dama go tama madua i magavaa o denga hai daina soa.

Deuteronomy 21:15

Noo dahi daane e hai bodu ange gi e dogolua haahine, gai ia e aloha i dahi aagai e dee aloha i de hine ange laa, gai luu haahine nei ngaadahi gu haanau ange gi de ia, aagai dana dama daane madua ne haanau i daho de hine oona e dee aloha ai laa,

Deuteronomy 21:17

Aagai ia gi hagadubu ina hogi tama daane madua a de hine oona e dee aloha ai, ga hai dana diba e kave mai i ana mee alodahi gi lua hanonga e kii ange ai. Go hiidinga go tama aana ne hagadili i dono masavaa e dama daane ai. Gai de boolonga o de ganimua gu gaavange gi de ia.

Philippians 4:8

Denga daina, aanei agu muna hagaodi: mee naa huu ni mee abodonu, ma mee e heohi de hagadubu, ma mee e heohi, ma mee gilimalali, ma mee e tilo danuaa, ma mee hagallongo danuaa, ma mee danuaa, ma mee e heohi i de tuhi, goodou hagasaelea mee nei.