Deuteronomy 2:11 - De Beebaa Dabu

¹¹ Gilaadeu e hagaingoo ange hogi bolo go de gau Repha bei dagodo o de gau Anak, gai dangada o Moab e hagaingoo ange gilaadeu go de gau Em.

Deuteronomy 2:11 Iomraidhean Croise

Genesis 14:5

Gai de madaangahulu ma haa ngadau huu, gai Kedorlaomer ma denga hodooligi e dau ange laa gi de ia ga hagadee kii de gau Repha i Ashteroth Karnaim, ma de gau Zuz i Ham, ma de gau Em i Shaveh Kiriathaim,

Genesis 6:4

De masavaa laa ma muli mai ange, gai denga doa gu noho i henua i lalo, gai de masavaa huu o denga dama a de Maadua ne hagahebaa ai ma denga damaa hine a dangada, gai gilaadeu ga hagadili hanu dama. Aanei denga daane mmahi madagidagi, go denga daane dau.

2 Samuel 21:16

Gai Ishbi-Benob, dahi hagadiilinga o denga doa, dono dao bronze se dolulau shekel taemaha, gai ia e dau dahi gadilaasa hoou, ne hagatale de daa David gi magau.

Numbers 13:22

Gilaadeu ne loage laa Negev ga hulo ai gi Hebron; go de mommee o Ahiman, ma Sheshai, aama Talmai e nnoho, gilaadeu ni hagadiilinga niio Anak. (Hebron ne hagaduu i e hidu ngadau i mua de hagaduu o Zoan i Egypt.)

Numbers 13:28

Gai dangada e nnoho i de henua laa ni dangada mmahi, olaadeu aduhale e buibui gai e nnui. Gai gimaadeu ne gidee hogi hagadiilinga o Anak i kilaa.

Numbers 13:33

Gimaadeu ne gidee hogi dangada e hagaingoo ange laa go denga Nephilim (denga Nephilim go hanu aamuli o Anak); gai gimaadeu e bei donu dagodo o denga itebuubuu i olaadeu daha.”

Deuteronomy 1:28

Gai go hee odaadeu e hulo aagena? Odaadeu daina gu hai gi manavasaa odaadeu lodo, i delaadeu hai mai, ‘Dangada i kilaa e mmahi ange ma de lloa ange i gidaadeu, gai olaadeu aduhale e nnui, gai buibui o olaadeu aduhale e hulo ma e tae gi de langi. Gimaadeu ne gidee hogi de gau Anak i kilaa.’ ”

Deuteronomy 2:20

(De henua nei se mommee e hagaingoo ange bolo go de henua o de gau Repha; i mua gai de gau Repha nogo nnoho i kilaa, gai de gau Ammon e hagaingoo ange gilaadeu go de gau Zamzum.

Deuteronomy 3:11

(Gai go Og de hodooligi o Bashan donu huu e doe i de gau Repha. Dono moenga ne hai i iron, e siva sugilima de looloa gai e haa sugilima de lahalaha, i haidenga o de masavaa laa. Gai dono moenga goi dagodo donu huu i Rabbah o de gau Ammon.)

Deuteronomy 9:2

Gai dangada e lloa ma de nnui, go de gau Anak. Goodou gu iloo olaadeu dagodo, ma de langona dangada e hagataba, “Goai e maua i de hai baasi ange gi de gau Anak?”