Deuteronomy 19:4 - De Beebaa Dabu

⁴ Deenei de hainga ange gi tangada e daia dahi dangada ga magau, gai ia e savini e hano gi dahi aduhale laa, e hagaola ai dono mouli — tangada e daia ga magau dahi dangada, gai tee se hagabau, ia tee kino hogi i tangada laa i laangi i mua.

Deuteronomy 19:4 Iomraidhean Croise

Genesis 31:2

Gai Jacob gu gidee bolo Laban gu dee malangilangi i de ia, bei dono hai nogo malangilangi ai laa i de ia i mua.

2 Samuel 14:11

De hine laa ga hai ange, “Au e dangidangi adu, dalodalo ange gi Tagi Maolunga doo Maadua, ia gi haia tangada e suuia ange de baubau gi deai ange ana dangada e daa gi maakau, gi dee magau ai dagu dama.” De hodooligi ne hai ange gi de hine laa, “Au e hagatoo donu i de mouli o Tagi Maolunga, bolo e deai donu se ngaangaaulu daudahi o dau dama e doo gi honga de gelegele.”

1 Chronicles 11:2

De masavaa o Saul ne hodooligi ai i mua, gai go koe ne dagina Israel i de hebagi. Gai Tagi Maolunga, doo Maadua gu hai adu, ‘Go koe e diiloo ange ogu dangada go de gau Israel, gai koe gi hodooligi i honga o Israel.’ ”

Isaiah 30:33

Madagidagi laa gai dahi mommee gu hagadabena e dudu ai; gai ne hagadabena ange gi de hodooligi o Assyria. Dono geelinga ne geli gi maolalo ma de mada laumalie, madali de ahi laumalie ma lahhie lagolago; gai de madangi o de manava o Tagi Maolunga e bei de maga ahi o de ahi e haia laa ga ula.

Numbers 35:12

Denga aduhale nei ni aduhale e buibui ai goodou mai i tangada e lodo laa e suuia adu au mee ne hai, gai gi dee daia ai tangada ne daia dahi dangada ga magau, gai e dee se hagabau, ga dae ai gi de hagamodu ono muna i daho de hagabuulingaa dangada.

Numbers 35:9

Gai Tagi Maolunga ga hai ange gi Moses,

Deuteronomy 19:3

Gai goodou vaaea dolu de henua a Tagi Maolunga doodou Maadua e gaavadu gi goodou gi henua ai, ga hai gi dahi aduhale hagaola i dahi vaaenga laa, gi maua ai e tangada ne daia dahi dangada ga magau, i de savini e hano gi dahi aduhale laa.

Deuteronomy 19:5

Gai e bei ai hogi de hano o tangada gi lodo mee muimui e sele laagau madali dahi, gai de masavaa aana ne hagaabo ai dana hagadaguu e sele ai dahi manu somo, gai de mada o de hagadaguu laa gu mounu mai ga tuu taane ange laa gu magau. Tangada laa e maua i de savini ga hano gi dahi aduhale o de hagaola, gi ola ai dono mouli.

Deuteronomy 19:6

Kana dolohia e tangada e suuia ange de baubau i dono lili ga daea ia, i hiidinga de mommee iai de aduhale o de hagaola e kona de mmao, gai tangada laa ga daa ia gu magau, e dee galemu donu e dee heohi dono magau, i hiidinga ia tee hagatau e daa tangada gi magau.

Deuteronomy 4:42

e hagaola ai tangada ne haisala ga daa dahi dangada ga magau, gai ia e dee se hagadaumee niio taane laa i laangi i mua. Ia e maua i de savini ga hano gi dahi aduhale laa e hagaola ai dono mouli.

Joshua 3:4

Gai goodou haia de mmao o oodou magavaa ma de ngavesi o de hagatoo donu hagaheloongoi, gi se luamano sugilima, gi iloo ai e goodou de haiava oodou e hulo ai, go hiidinga goodou tigi hulo i de haiava nei i mua. Aagai goodou aude hulo gi hagapaa ange aagena.”