Deuteronomy 16:2 - De Beebaa Dabu

² Gai goodou ga hai ai ssigidaumaha o Taonga Hagasili, ange gi Tagi Maolunga doodou Maadua i oodou ssiibi ma kaau, i de mommee a Tagi Maolunga doodou Maadua gu hili e dugu ai dono ingoo.

Deuteronomy 16:2 Iomraidhean Croise

2 Kings 23:21

Gai de hodooligi ga hai ange gi dangada alodahi, “Goodou dao ina Taonga Hagasili ange gi Tagi Maolunga doodou Maadua, bei de hai gu sisi ai laa i lo te Beebaa o de hagatoo donu hagaheloongoi.”

2 Chronicles 35:7

Gai Josiah ne gaavange gi dangada e dolusemada ssiibi ma guudi gauligi mai i ana manu donu e hai ai denga sigidaumaha i Taonga Hagasili, ma e dolumano kaau.

Numbers 9:2

“Haia de gau Israel gi dao ina Taonga Hagasili i de masavaa gu hagailonga laa.

Matthew 26:17

Gai tahi laangi huu o Taonga o Pelaoaa Dee Hagahua, gai dangada agoago a Iesu ne loomai ga ssili ange gi de ia, “Go hee aau e lodo gimaadeu gi hagadabena ina ai Taonga Hagasili e gaimee ai goe?”

Matthew 26:2

“Goodou e iloo bolo e lua ange donu huu laangi i mua Taonga Hagasili, gai Tama a Tangada e gaavange naa e daudau i de laagau lui.”

Mark 14:12

Gai tahi laangi huu o Taonga o Pelaoaa Dee Hagahua, go de laangi alaadeu e daa ai ssiibi o Taonga Hagasili, gai ana dangada agoago ga ssili ange gi de ia, “Go hee aau e lodo gimaadeu gi hagadabena ina ai Taonga Hagasili e gaimee ai goe?”

Luke 22:15

Aagai ia ga hai ange gi gilaadeu, “Au e lodo mmao e gaimee i Taonga Hagasili madali goodou i mua dogu hagaduasala!

Luke 22:8

Aagai Iesu ga hai gi hulo Peter ma John, ga hai ange, “Gooluu hulo hagadabena ina Taonga Hagasili e gaimee ai gidaadeu.”

1 Corinthians 5:7

Aaua gee mee hagahua duai mai i oodou daha, gi bei ai goodou dagodo o de laabunga hoou e deai laa mee hagahua iai. Goodou se laabunga donu e deai mee hagahua iai. Go hiidinga Klisdo, taadeu ssiibi gauligi o ssigidaumaha o Taonga Hagasili, gu lava donu i de hai ai ssigidaumaha.

Deuteronomy 12:11

Gai de mommee a Tagi Maolunga doodou Maadua e hili e dugu ai dono ingoo, go kilaa hogi oodou e gaamai aagena, mee alodahi aagu gu tala adu gi goodou: go oodou sigidaumaha dudu, ma sigidaumaha ange laa, ma tahi diba i diba e madaangahulu, ma oodou mee ngadi gaavange, aama oodou mee gu hagatoo donu ange ai gi Tagi Maolunga.

Deuteronomy 12:14

Gai haia donu huu oodou sigidaumaha i de mommee a Tagi Maolunga gu hilihili, i daho dahi aamuli i oodou magavaa. Go kilaa oodou e hai ai oodou sigidaumaha dudu, bei dagu hai gu tala adu gi goodou.

Deuteronomy 12:18

Gai goodou e gai donu huu mee nei i mada luu mada o Tagi Maolunga doodou Maadua, i de mommee a Tagi Maolunga doodou Maadua e hili. Gai goodou gaimee ai madali oodou dama daane ma oodou damaa hine, ma oodou daane ma haahine hai hegau, aama tangada de aamuli o Levi i doodou aduhale; gai goodou ga gaimee ga malangilangi i mada luu mada o Tagi Maolunga doodou Maadua i mee alodahi oodou e hai hegau ange aagena.

Deuteronomy 12:26

Aagai koe gaavee mee gu lava i de vvae ange gi de Maadua, ma au mee gu hagatoo donu ai, gi de mommee a Tagi Maolunga e hilihili.

Deuteronomy 12:5

Aagai goodou e ssala de mommee a Tagi Maolunga doodou Maadua e hili e dugu ai dono ingoo, ma de hai ai dono mommee e noho, i magavaa o oodou aamuli alodahi. Gai go kilaa oodou e hulo aagena,

Deuteronomy 15:20

Gai koe ma dangada i doo hale gaina kano manu nei i ngadau alodahi, i mada luu mada o Tagi Maolunga doo Maadua, i de mommee a Tagi Maolunga e hilihili.

Deuteronomy 16:1

Goodou dao ina de malama go Abib, ga hai ai Taonga Hagasili ange gi Tagi Maolunga doodou Maadua, i hiidinga go de malama go Abib a Tagi Maolunga doodou Maadua, ne hagassao mai ai goodou i Egypt i de boo.

Deuteronomy 16:3

Goodou e dee gai pelaoaa iai mee hagahua madali mee nei. E hidu laangi oodou e gai ai pelaoaa dee hagahua, go pelaoaa o de hagaduasala — go hiidinga goodou ne hagamoolau ga ssao ga hulo gee mai i Egypt — gai goodou ga hagamaanadu ai doodou ssao ga hulo gee mai i de henua go Egypt, i taulooloa oodou mouli.