Deuteronomy 15:7 - De Beebaa Dabu

⁷ Gai noo e dahi oodou daina hagaau aloha e noho i oodou daha i dahi oodou aduhale, i de henua a Tagi Maolunga doodou Maadua e gaavadu gi goodou, gai goodou e dee hagadee anga ange gi de ia, aabe gi gailalopoli ange gi doodou daina gu duasala laa.

Deuteronomy 15:7 Iomraidhean Croise

Deuteronomy 15:9

Gai koe aude maanadu baubau, ma gi hagadaba, “De hidu ngadau e degi ange ai gi muli a dangada gu baa mai donu,” gai koe ga dee gaavange ai dahi mee gi doo daina gu hagaaloha abodonu laa; gai noo ia e dangi ange ai gi Tagi Maolunga, gai koe e haisala ai donu.

Proverbs 21:13

Be goai e bonodia luoono dalinga, i de masavaa o de gau hagaau aloha e tangi ai, gai e deai naa hogi dangada e balea ange ia, i de masavaa oona e dangi ai.

Matthew 18:30

Gai ia tee lodo e degi ange gi taane laa, gai ne kave ia ga hhao gi lo te hale pono, ga dae ai gi dana hagao ana muli.

Matthew 5:42

Gai koe gaavange gi tangada e dangidangi adu gi de goe i dahi mee, aude daohia au mee i tangada e lodo laa e hai hegau ai.

Exodus 22:25

Noo koe e bale ange dahi dangada hagaau aloha i oodou magavaa, gai koe gi dee bei dagodo o tangada hagasomo sseene; koe gi dee haia gi kona de laumalie dana mee e hagao i dau sseene ne gaavange gi de ia.

Leviticus 25:35

“ ‘Noo dahi dangada i oo daha gu hagaau aloha, ia gu dee maua i de hagadanuaa ia, gai koe balea ange ia bei dau hai e bale ange ai laa tangada henua gee, aabe se dangada e noho gaainga i oo daha, gi maua ai e ia i de noho i oo daha.

Deuteronomy 15:11

Gai e hanu naa donu dangada hagaau aloha i honga de henua i masavaa alodahi. Deenei ai, au e hai adu gi goodou, goodou bale ange oodou daina, gu hagaau aloha laa ma de duasala i honga doodou henua.

Deuteronomy 24:14

Aude vaivai haia tangada hagaau aloha aau gu hagao, gi hai hegau adu gi de goe, e dee hilihili be ia se dangada Israel aabe se dangada henua gee e noho i dahi aduhale i doodou henua.

Nehemiah 5:1

Gai denga daane ma olaadeu bodu ne nnanu i hiidinga olaadeu dangada go de gau Ssuu ange laa.

Proverbs 19:17

Be goai e abodonu ange gi de gau hagaau aloha, e gaavange ana mee gi Tagi Maolunga, gai Tagi Maolunga e hagao ange naa donu ana hegau.

Isaiah 58:10

gai noo koe e haangai anga gilaadeu e hiikai ma de gaavange au mee gi gilaadeu e duasala laa, gai doo maalama e sula age naa i lo te gohu, gai de gohu i oo daha e bei naa de maalama o lo te laangi.

Esther 9:19

Deelaa ai, de gau Ssuu e nnoho laa i denga aduhale vaaligiligi ma aduhale e dee buibui, ne dao de madaangahulu ma haa laangi o de malama go Adar, ga hai gi se laangi niiolaadeu e daonga ai ma de malangilangi, aama de duha ange gai gi dangada.

Esther 9:22

go de laangi o de gau Ssuu ne ola mai ai i olaadeu hagadaumee, gai go de malama o olaadeu daemaha ne sui ai ga se malangilangi, gai olaadeu hinangalosaa ne sui ga se laangi hagammabu ma de daonga. Gai gilaadeu gi duuhaa gai i olaadeu magavaa ma de ngadi gaavange mee gi de gau hagaau aloha.