Deuteronomy 15:6 - De Beebaa Dabu

⁶ Gai Tagi Maolunga doodou Maadua e hagamanuuia naa goodou, bei dana hai gu hagatoo donu adu ai gi goodou. Goodou e gaavange naa sseene gi denga huaahenua soa, aagai goodou e dee kave donu hanu sseene mai i olaadeu daha. Goodou e dagi naa denga huaahenua soa, e dee go gilaadeu e dagina goodou.

Deuteronomy 15:6 Iomraidhean Croise

1 Kings 4:21

Gai Solomon ne dagi denga nohoanga hodooligi mai i ssaalingaa vai go Euphrates ga dae ai gi de henua o de gau Philistia ma de henua go Egypt. Gai dangada o denga henua laa ne hagao ange taagisese gi Solomon, ma de hai hegau ange gi de ia i taulooloa dono mouli.

1 Kings 4:24

Go hiidinga Solomon ne dagi denga hodooligi ma olaadeu henua alodahi i baasi dai ssaalingaa vai go Euphrates, mai i Tiphsah ga dae ai gi Gaza. Gai gu deai hebagi e hai i luu baasi alodahi.

1 Chronicles 17:27

Gai koe ne malangilangi i de hagamanuuia de huaabodu o doo dangada hai hegau, gai gi nnoho ai gimaadeu i mada luoo mada ga hano ai. Tagi Maolunga, koe gu lava i de hagamanuuia gimaadeu, gai e manuuia naa donu ga hano ai.”

2 Chronicles 9:26

De nohoanga hodooligi o Solomon ne daamada mai i ssaalingaa vai go Euphrates ga dae ai gi de henua o de gau Philistia, gai e hano ga duu ange gi de ngaadonga o Egypt.

Ezra 4:20

Gai ne hanu hogi hodooligi mmahi e dagina Jerusalem, ma de mommee alodahi i baasi dai o Euphrates, gai denga taagisese, ma mee e daohi age, aama taagisese o denga goloa, e hagao ange gi gilaadeu.

Nehemiah 9:27

Gai koe ne dugu ange olaadeu hagadaumee gi hagaduasala ina gilaadeu. Aagai de masavaa huu olaadeu ne duasala ai, ga tangi adu gi de goe, gai koe ne langona mai i de langi, gai go hiidinga o doo lodo aloha laumalie, gai koe ne gaavange gi gilaadeu hanu dangada gi hagaola ina gilaadeu mai i ssauaa o olaadeu hagadaumee.

Psalm 112:5

Tanuaa e humai naa gi tangada abodonu ma de gaavange sseene gi dangada, go tangada e hai hegau i de hagamodu heohi.

Psalm 37:21

Tangada baubau e kave mee a dangada, aagai e dee sui ange, aagai tangada heohi e abodonu ma de ngadi gaavange mee.

Psalm 37:26

Gai gilaadeu e abodonu ange gi dangada ma de ngadi gaavange mee; gai olaadeu hagadiilinga e manuuia.

Proverbs 22:7

Tangada lava e dagi de gau hagaau aloha, gai tangada muli se dangada hai hegau niio tangada ne gaavange sseene gi de ia.

Luke 6:35

Aagai goodou aaloha ange gi oodou hagadaumee, ma de hai ange tanuaa gi gilaadeu, ma de gaavange oodou mee gi dangada, gai e dee maanadu bolo gilaadeu gi suuia adu oodou mee. Gai gi laumalie ai doodou hagaoanga, gai goodou gu hagabinga bolo ni dama nii de Ia Maolunga Mmao laa, go hiidinga ia e abodonu ange gi gilaadeu e dee hagaahe ange de abodonu ma de gau baubau.

Deuteronomy 15:5

noo goodou e hagallongo ange gi Tagi Maolunga doodou Maadua, aama de kana ange ga daohi ana muna alodahi, aagu gu tala adu nei gi goodou anailaa nei.

Deuteronomy 28:44

Gai tangada henua gee e gaavadu naa ono goloa e hai hegau ai goe, e dee go koe e gaavange oo goloa e hai hegau ai ia. Ia e hai naa go de biho aagai koe go ssugi.