Deuteronomy 13:16 - De Beebaa Dabu

¹⁶ Gai goodou ga hagabudu denga goloa alodahi ga kave gi de mommee malaelae i lo te aduhale, gai goodou ga dudu de aduhale laa ma mee alodahi iai e hai ai ssigidaumaha dudu ange gi Tagi Maolunga doodou Maadua. Oohaa gi maoha gi dagodo ai ga hano ai, aagai e dee hagaahe age donu e hagaduu age ange.

Deuteronomy 13:16 Iomraidhean Croise

Exodus 22:19

Be goai e dagodo haisala ma dahi manu e daa donu gi magau.

Isaiah 17:1

Muna hagadaemaha i dagodo o Damascus. “Tilo, Damascus e hai naa ga dee se aduhale, aagai e oha naa ga se mommee e ngadi dagodo.

Isaiah 25:2

Koe gu hai de aduhale ma gu se hagabuudungaa gainga, gai de aduhale buibui gu se mommee maoha, denga hale buibui makaga o de gau henua gee gu deai donu, gai e dee ahe ange naa donu e hagatuu age ange.

Jeremiah 49:2

Gai tilo, e tae mai naa laangi, go Tagi Maolunga e hagadaba, aagu e hai ai gi langona de oo ina mai o de hebagi e hai baasi ange ai gi Rabbah o de gau Ammon! Gai e hai naa ga bei de hagabuudungaa gainga, gai ono aduhale e dudu naa i de ahi. Israel e kave naa de henua o dangada ne gaavee dono henua, go Tagi Maolunga e hagadaba.

Ezekiel 26:14

Au e hai naa goe gi se baba e deai mee iai; gai koe e hai naa gi se mommee e dauagi ai denga galauna. Koe e dee ahe ange naa donu e hagaduu age, go au donu go Iahweh ne daalaa muna nei, go de Ia Aamua go Iahweh e hagadaba.

Micah 1:6

“Deenei ai, au e hai naa Samaria gi se hagabuudungaa gainga, gai gi se mommee e doo ai denga veelengaa grape. Au e dili iho naa ono hadu gi lo te geelonga, ma de hai gi ssula age ono dagelo.

Deuteronomy 7:25

Gai goodou duungia olaadeu diinonga i de ahi; gai goodou aude nnoo ange gi denga selevaa ma goolo e hai ai diinonga laa, aabe gi gaavee mee nei e hai ai oodou goloa, kana noodia ai goodou, go hiidinga Tagi Maolunga doodou Maadua e kino mmao i mee nei.

Deuteronomy 7:26

Gai koe aude gaavee dahi diinonga hakino gee gi lo too hale, gi dee oohaa ai goe bei ono dagodo. Gai koe gi kino i de mee hakino gee nei, go hiidinga gu vvae gee e hagadabena ange e oha.

Joshua 6:21

Gai gilaadeu ne oha mee alodahi i lo te aduhale, ga daa gu maakau denga daane ma haahine, denga gauligi ma de gau madumaatua, denga kaau ma ssiibi, aama denga donkey i de gadilaasa.

Joshua 6:24

Gai gilaadeu ga dudu de aduhale ma mee alodahi i ono lodo. Go selevaa donu huu, ma goolo, ma goloa e hai i bronze ma iron ne kave gi de mommee doange i de hale o Tagi Maolunga.

Joshua 6:26

Gai Joshua ne tala hanu muna hagamalaia, ga hagadaba, “Tagi Maolunga gi hagamalaia ina tangada e ahe ange e hagaduulia age de aduhale go Jericho. Dana dama madua e magau naa i de masavaa e hagadagodo ai tagelo; gai dana dama gauligi e magau naa i de masavaa aana e gaavange ai ono haitoga.”

Joshua 8:28

Gai Joshua ga dudu Ai ga hai gu se hagabuudungaa mee maoha ga hano ai, gai se mommee e ngadi dagodo ga dae mai ai gi anailaa nei.