Deuteronomy 12:7 - De Beebaa Dabu

⁷ Gai go kilaa oodou ma oodou huaabodu e gaimee ai i mee oodou e sigidaumaha ai, i mada luu mada o Tagi Maolunga doodou Maadua, ga malangilangi ai i oodou mee gu hai hegau ange aagena, go hiidinga Tagi Maolunga doodou Maadua gu hagamanuuia goodou.

Deuteronomy 12:7 Iomraidhean Croise

1 Chronicles 29:22

Gai gilaadeu ga gaimee ma de unu i mada luu mada o Tagi Maolunga i de malangilangi i de laangi laa. Gai gilaadeu ne hai Solomon tama a David gi hodooligi i de lua hanonga, ga hagadabu ia i de lolo gi hodooligi i mada luu mada o Tagi Maolunga, gai go Zadok tangada haimeedabu.

Nehemiah 8:9

Gai Nehemiah, de goobenaa, ma Ezra, tangada haimeedabu ma ssisi, ma denga daane de aamuli o Levi ne agoago ina ange laa dangada, ga hai ange gi dangada alodahi, “Anailaa nei se laangi e dabu ange gi Tagi Maolunga doodou Maadua; goodou aude llodo baubau aabe gi tangi.” Go hiidinga dangada alodahi gu tangi i de masavaa alaadeu ne langona ai muna o de hainga.

Ecclesiastes 3:12

Au e iloo bolo e deai ange donu se mee e danuaa ange gi dangada, gai go malangilangi ma de hai tanuaa i de masavaa olaadeu e mouli ai.

Ecclesiastes 3:13

Dangada alodahi gi gaimee ma de unu aama de malangilangi i alaadeu hegau ne hagaduu ngae ga hai; de mee nei se mee ngadi gaamai i daho de Maadua.

Ecclesiastes 5:18

Tilo, au gu gidee bolo de mee danuaa ma de heohi go de gaimee ma de unu o tangada, ma de malangilangi i ana hegau alodahi e hai i lalo de laa, i denga laangi sogoisi a de Maadua gu dugu ange e mouli ai ia; deenei dono duuhanga.

Isaiah 23:18

Gai ana mee e mau ai ma dono hagaoanga e vvae ange naa gi Tagi Maolunga. Tyre e dee maua naa i de hagabudu e doange dono lava. Gai ana mee e maua e gaavange naa e gaimee ai ma de kahu ai gilaadeu e nnoho i mada luu mada o Tagi Maolunga.

Isaiah 62:9

aagai go dangada e hagihagia e gaina, gai gilaadeu ga tuhi ai Tagi Maolunga; gai go dangada e hagihagia denga grape e unumia uvaini i lodo buibui o dogu mommee dabu.”

Ezekiel 44:3

Gai go tagi o de henua donu huu e maua i de humai e noho i de haitoga e gaimee ai, i mada luu mada o Tagi Maolunga. Ia gi ulu mai i de haitoga laa honga de velanda ma de sao hogi i de haitoga mau.”

Joel 1:16

E aha, gidaadeu tee gidee laa teai gai, ma teai se malangilangi be se lodo danuaa i de hale o taadeu Maadua?

Joel 2:26

Goodou e lagolago naa oodou gai, goodou e gaimee naa ga boobosu, gai goodou ga tuhi ai naa de ingoo o Tagi Maolunga doodou Maadua, i dana hai mee hagalele mouli i oodou daha; gai ogu dangada e dee aahe ange naa donu ga dookaa.

Leviticus 23:40

Gai tahi laangi naa huu o taonga, gai goodou ga duuduu mai hua danuaa o oodou manu lau kohu, ma laa o denga palm, ma denga laa iai lau manu, aama denga willow i gaogao denga saalingaa vai. Gai goodou ga hai taonga ga malangilangi ai, i mada luu mada o Tagi Maolunga doodou Maadua, i e hidu laangi.

Malachi 2:13

Deenei ange dahi mee oodou e hai: goodou e haoli de mommee o ssigidaumaha a Tagi Maolunga i oodou loimada. Goodou e tangi ma de tangi see i hiidinga ia gu dee anga adu gi oodou sigidaumaha, aabe e malangilangi i de kave oodou mee e gaavange.

Acts 2:46

Laangi alodahi gilaadeu e hagabuni i de temple i de lodo daudahi, ma de hagabuni ga gaimee i olaadeu hale ma de malangilangi aama de hagadau abodonu,

Deuteronomy 12:12

Gai goodou ga malangilangi ai i mada luu mada o Tagi Maolunga doodou Maadua, madali oodou dama daane ma oodou damaa hine, ma oodou daane ma haahine hai hegau, ma dangada de aamuli o Levi i oodou aduhale, teai laa se mommee ne vvae ange gi gilaadeu madali goodou.

Deuteronomy 12:18

Gai goodou e gai donu huu mee nei i mada luu mada o Tagi Maolunga doodou Maadua, i de mommee a Tagi Maolunga doodou Maadua e hili. Gai goodou gaimee ai madali oodou dama daane ma oodou damaa hine, ma oodou daane ma haahine hai hegau, aama tangada de aamuli o Levi i doodou aduhale; gai goodou ga gaimee ga malangilangi i mada luu mada o Tagi Maolunga doodou Maadua i mee alodahi oodou e hai hegau ange aagena.

Deuteronomy 12:8

Gai goodou e dee hai hegau bei doodou hai e hai hegau ai nei anailaa nei, tangada nei donu huu ma de hai ono mee e lodo ai.

Deuteronomy 14:23

Gai goodou ga kave mee nei gi mada luu mada o Tagi Maolunga doodou Maadua, i de mommee aana gu hili e dugu ai dono ingoo. Gai goodou ga gai ai tahi diba i diba e madaangahulu o oodou grain, ma oodou uvaini, ma oodou lolo, ma oodou manu ne haanau i taamada i oodou kaau ma ssiibi, gai goodou ga ago ai doodou hai e maatagu ai i Tagi Maolunga doodou Maadua i masavaa alodahi.

Deuteronomy 14:26

Gai koe ga hai sseene laa ga hagao ai oo mee e lodo ai, e dee hilihili be ni kaau, be ni ssiibi, be ni uvaini, be ni mee vii, aabe ni aha ange aau e lodo e gai. Gai goodou ma doo huaabodu alodahi ga gaimee ai, i mada luu mada o Tagi Maolunga doodou Maadua ga malangilangi ai.

Deuteronomy 15:20

Gai koe ma dangada i doo hale gaina kano manu nei i ngadau alodahi, i mada luu mada o Tagi Maolunga doo Maadua, i de mommee a Tagi Maolunga e hilihili.

Deuteronomy 26:11

Gai koe ma doo huaabodu ma de aamuli o Levi, aama tangada henua gee madali goodou, ga gaimee ga malangilangi i mee danuaa alodahi a Tagi Maolunga doo Maadua gu gaavadu gi goodou.

Deuteronomy 27:7

Gai goodou ga hai ai ssigidaumaha hagadanuaa magavaa, ga gaimee ai ga malangilangi i mada luu mada o Tagi Maolunga doodou Maadua.

Deuteronomy 28:47

Go hiidinga koe tee daumaha ange gi Tagi Maolunga doo Maadua i de malangilangi ma de lodo danuaa, i de masavaa oou e lava ai,

Philippians 4:4

Goodou gi malangilangi i lodo o Tagi Maolunga i masavaa alodahi! Au e ahe ange e hai adu, goodou gi malangilangi!