Deuteronomy 12:10 - De Beebaa Dabu

¹⁰ Gai de masavaa naa huu oodou e hulo ai ga tae gi baasi dai o Jordan, ga nnoho i de henua a Tagi Maolunga doodou Maadua e gaavadu gi goodou gi henua ai, gai ia e hai naa hogi gi nnoho paba goodou, gai goodou gu dee maatagu i oodou hagadaumee e paa adu gi goodou.

Deuteronomy 12:10 Iomraidhean Croise

1 Kings 4:25

Gai Judah ma Israel gu nnoho paba, mai i Dan ga dae ai gi Beersheba; dangada alodahi gu nnoho paba, dahi ma dahi gu noho danuaa i lalo dana grapevine aama lalo dana fig i de masavaa o Solomon e mouli ai.

1 Kings 8:56

“Duuhia Tagi Maolunga, de ia ne haia ga nnoho paba ono dangada go de gau Israel, bei dana hai gu hagatoo donu ai laa. Teai donu se muna danuaa daudahi aana tee hai gi bei dana hai gu tala ange ai gi dono dangada hai hegau go Moses.

1 Chronicles 22:18

“E aha, Tagi Maolunga doodou Maadua e dee noho nei madali goodou? Ia tee hai laa gi nnoho paba goodou madali dangada i luu baasi de henua? Ia ne dugu mai au gi hagadee kii ina dangada nogo nnoho i de henua. Gai de henua gu hai hegau ange gi Tagi Maolunga ma ono dangada.

Psalm 4:8

Au e dagodo iho ga seni i de baba; go hiidinga go koe donu huu Tagi Maolunga, e maua i de hai au gi noho baba.

Exodus 33:14

Gai Tagi Maolunga ga hai ange, “Au e hano donu madali goe, gai au e gaavadu naa gi de goe de noho baba.”

Proverbs 1:33

aagai tangada e hagalaangona agu muna e noho baba ma de duadonu, e dee manavasaa ono lodo i de hai ngadaa.”

Jeremiah 23:6

Judah e noho baba naa i ono laangi, gai Israel e duadonu naa. Gai deenei de ingoo oona e hagaingoo ai: go Iahweh taadeu Ia Heohi.

Jeremiah 32:37

Tilo, au e hagabuni mai naa gilaadeu i denga henua aagu gu kave gilaadeu gi nnoho ai i hiidinga de kona dogu lili ma dogu bole. Au e hagaahe mai naa gilaadeu gi de mommee nei, ga hai gilaadeu gi noho paba.

Jeremiah 33:11

leo o dangada e malangilangi ai ma de llodo danuaa i kilaa, ma leo o taane ma de hine se goodo hai bodu, ma leo o dangada e daahili, i de masavaa alaadeu e gaamai ai alaadeu sigidaumaha, e hagaahe ange ai de abodonu i de hale o Tagi Maolunga, ga hagataba, ‘Hagaahea ange de abodonu gi Tagi o denga hagabuulinga hebagi, go hiidinga Tagi Maolunga e danuaa, gai dono abodonu e dagodo ga hano ai.’ Gai au e hagaahe ange naa de manuuia o de henua gi bei ono dagodo i mua, go Tagi Maolunga e hagadaba.

Ezekiel 28:26

Gai gilaadeu e nnoho paba naa i kilaa, ga hagatuu olaadeu hale, ma de hai alaadeu veelengaa grape. Gilaadeu e nnoho paba naa, gai au e hagaduasala naa dangada alodahi e paa ange gi gilaadeu, go dangada ne hagangadi mee ina laa gilaadeu. Gai gi iloo ai e gilaadeu bolo go au donu go Iahweh delaadeu Maadua.”

Ezekiel 34:25

Gai au e hai naa dahi hagatoo donu hagaheloongoi ange gi de nnoho paba madali gilaadeu, ma de hai gi deai manu lodo henua e loomai gi honga de henua. Gai gilaadeu gu maua i de nnoho paba i de vao ma de sseni i lodo henua.

Ezekiel 34:28

Gai denga huaahenua gu dee aahe ange naa donu e vaivai hai gilaadeu, gai gu deai hogi manu lodo henua e gaina gilaadeu; gilaadeu gu nnoho paba, gai gu deai donu mee e hagamaatagu ina gilaadeu.

Ezekiel 38:11

ga hagadaba, “Au e hano naa e hebagi ange gi denga aduhale e dee buibui laa. Au e hano naa e hebagi ange gi dangada e nnoho danuaa laa ma de nnoho paba, i mommee alodahi e dee buibui gai e deai haitoga ma laagau hagamakaga iai.

Ezekiel 38:8

Gai dua naa huu hanu ngadau gai koe e hai naa gi hano gi hebagi. Denga laangi e loomai gai koe e hano ga hebagi ange gi de henua gu ilaage mai i de hebagi, gai ono dangada ne loomai i denga huaahenua soa ga nnoho i denga mounga o Israel gu ngadi daakodo laa. Dangada nei alodahi ne loomai i denga huaahenua ange gai gu nnoho paba i kilaa.

Deuteronomy 11:31

Goodou gu dai hulo naa gi de baasi i dai o Jordan, e kave ai de henua a Tagi Maolunga doodou Maadua e gaavadu gi goodou. Gai de masavaa naa huu oodou e kave ai de henua ga nnoho ai,

Deuteronomy 3:27

Gai koe hanage gi ulu de mounga go Pisgah ga galo ai gi dai, ma ngaiho, ma ngaage, aama dua, ga tilo ai de henua. Koe diiloo donu huu de henua i luoo mada, gai koe e dee hano gi de baasi laa o Jordan.

Deuteronomy 33:12

Ia ne tala dagodo o Benjamin, ga hagadaba, “De ia o Tagi Maolunga e aloha ai gi nnoho paba; ia e duuli gilaadeu mai i taiao ga boo ai, gai gilaadeu e kage i honga luoono eu.”

Deuteronomy 33:28

Gai de gau Israel gu dee maatagu, gai hagadiilinga o Jacob gu nnoho paba, i de henua iai denga grain ma uvaini hoou, gai se mommee e hano iho aagena de mee suungia i de langi.

Deuteronomy 4:22

Au e magau naa donu huu i de henua nei; au e dee hano naa donu gi de baasi i dai o Jordan. Gai goodou gu baa ange donu gi doodou hulo gi de baasi laa e kave ai de henua danuaa laa.

Deuteronomy 9:1

Dangada o Israel, goodou nnoho mai hagalaangona! Goodou ga hulo nei gi de baasi laa o Jordan, e kave ai mommee o denga huaahenua e soa ange aama de mmahi ange i goodou. Olaadeu aduhale e nnui gai olaadeu buibui e hulo ma e tae gi lo te langi.

Joshua 11:23

Gai Joshua ne hagadee kii de henua alodahi, bei de hai a Tagi Maolunga gu tala ange ai laa gi Moses; gai Joshua ga vaevae ange de henua gi de gau Israel gi henua ai, de aamuli nei ma dono vaaenga. Gai de henua gu nnoho paba, gu deai hebagi e hai.

Joshua 14:1

Gai aanei mommee ne vaevae ange e henua ai de gau Israel i de henua go Canaan; gai go tangada haimeedabu go Eleazar, ma Joshua, tama daane a Nun, ma denga dagi o denga aamuli o Israel ne vaevaaea ange gi dangada olaadeu mommee.

Joshua 3:17

Gai de gau haimeedabu e sabaia laa de ngavesi o de hagatoo donu hagaheloongoi a Tagi Maolunga ne tuu i lo te ungaalodo o Jordan, i de masavaa o de gau Israel ne seesee ai, laa honga de gelegele masa, ga dae ai gi de odi de huaahenua gi de baasi laa o Jordan.

Joshua 4:12

Gai denga daane de aamuli o Reuben, ma Gad, aama dahi luu baasi de aamuli o Manasseh ne hulo i mada i mua o de gau Israel ma olaadeu goloa hebagi, bei de hai a Moses gu tala ange ai gi gilaadeu.

1 Samuel 7:12

Gai Samuel ne kave dahi hadu ga hagaduu i magavaa o Mizpah ma Shen, ga hagaingoo ange go Ebenezer, go hiidinga ia ne hagadaba, “Tagi Maolunga ne bale mai gimaadeu ga dae mai ai gi iainei.”