Deuteronomy 11:7 - De Beebaa Dabu

⁷ Aagai go goodou ne gidee hegau hagalele mouli alodahi a Tagi Maolunga ne hai.

Deuteronomy 11:7 Iomraidhean Croise

Psalm 106:2

Goai e maua i de tala gi odi hegau sauaa a Tagi Maolunga, gai goai e maua i de hai gi dohu danuaa dono tuhi?

Psalm 145:12

gi iloo ai e dangada alodahi dagodo o au hegau sauaa ma de mahamaha o doo nohoanga hodooligi.

Psalm 150:2

Duuhia ia i hiidinga o ana hegau ssauaa; duuhia ia i hiidinga dono maolunga mmao.

Deuteronomy 11:6

ma dana hai ne hai ai Dathan ma Abiram luu dama daane a Eliab, tama daane a Reuben, i de masavaa ne mahanga lua de gelegele i magavaa o de gau Israel alodahi, ga holo gilaau ma olaau huaabodu, ma olaadeu hale malo, aama alaadeu manu alodahi.

Deuteronomy 11:8

Deenei ai, goodou daohia hainga alodahi aagu gu tala adu gi goodou anailaa nei, gi mmahi ai goodou i de hulo e kave de henua, oodou ga hulo naa e henua ai i baasi i dai o Jordan.

Deuteronomy 27:10

Deenei ai, goodou hagallongo ange gi Tagi Maolunga doodou Maadua, ma de daohi ana hainga ma ana mee gu hagasauaa, go mee aagu gu tala adu gi goodou anailaa nei.”

Deuteronomy 29:2

Gai Moses ne hagahi de gau Israel alodahi ga hai ange: Goodou ne gidee mee alodahi a Tagi Maolunga ne hai i de henua go Egypt, ange gi Pharaoh, ma ono dangada hai hegau alodahi, aama dono henua.

Deuteronomy 4:3

Goodou ne gidee mee a Tagi Maolunga ne hai i Baal Peor. Tagi Maolunga doodou Maadua ne daa ga maakau dangada alodahi e daumaha ange gi Baal Peor;

Deuteronomy 5:3

Tagi Maolunga tee hai de hagatoo donu hagaheloongoi nei madali odaadeu dubuna madagidagi, gai ia ne hai madali gidaadeu alodahi e mouli anailaa nei.

Deuteronomy 7:19

Goodou ne gidee denga hagaduasala kona, ma hagailonga ma mee hagalele mouli aama de lima sauaa mmahi o Tagi Maolunga doodou Maadua ne hagaabo laa, ga hagassao mai ai goodou. Gai Tagi Maolunga doodou Maadua e hai naa hogi denga huaadangada alodahi oodou e maatagu ai naa bei olaadeu dagodo.

Joshua 24:31

Gai Israel ne daumaha ange gi Tagi Maolunga i de masavaa o Joshua e mouli ai, aama denga daane maatua ne mouli laa i dua o Joshua, aanei denga daane ne gidee e gilaadeu hegau hagalele mouli alodahi a Tagi Maolunga ne hai i hiidinga o de gau Israel.