Deuteronomy 11:16 - De Beebaa Dabu

¹⁶ Gai goodou dagidiiloo gi dee hagasengalia goodou, gai goodou ga daahuli gee ai i de au, ga hai hegau ange gi denga maadua ange laa, ma de daumaha ange gi gilaadeu.

Deuteronomy 11:16 Iomraidhean Croise

1 Kings 8:35

De masavaa naa huu aau e daohi ai gi dee pala de langi, i hiidinga gilaadeu gu haisala adu gi de goe, gai noo gilaadeu e huuhuli mai gi de hale nei ga dalodalo ai, ga hagadubu doo ingoo, ma de tili olaadeu haisala, i hiidinga dau hagaduasala gilaadeu,

De Beebaa go Job 31:27

gai au gu hagasengalia ga hagadubu gilaadeu i de oso dogu lima:

Isaiah 44:20

Ia gu gai donu denga lehu, gai ono lodo gu hagasenga ia; ia gu dee maua i de hagaola ia, aabe hagadaba, “E aha, e dee se mee hhadu aagu e poo nei i dogu lima madau?”

Luke 21:34

“Goodou dagidiiloo gi dee hakoso oodou lodo i doodou dee saohia i de hai daonga ma de unu ga ssenga aama denga mee hagamanavasaa o de mouli nei, gai de laangi laa e daa hagalele de dae mai gi goodou bei dagodo o ssele.

Luke 21:36

Aagai goodou dagitilo ma de dalodalo i masavaa alodahi gi mmahi ai goodou i de saavini e hulo gee i mee alodahi e loomai, ma de tuu i mada luu mada o Tama a Tangada.”

Luke 21:8

Iesu ne hai ange gi gilaadeu, “Goodou dagidiiloo gi dee hagasengalia goodou. E soa naa dangada e loomai i dogu ingoo ga hagataba, ‘Go au go ia!’, gai ‘Gu baa mai de masavaa laa!’ Gai goodou gi dee daudali ange i gilaadeu.

Deuteronomy 12:30

gai dua naa huu dau oha olaadeu henua, gai koe kana ange diiloo gi dee ago ange goe i alaadeu hegau ma de ssili dagodo o olaadeu diinonga, ga hai ange, “Dee hee de hai o denga huaahenua nei e daumaha ange ai laa gi olaadeu diinonga? Au e ago ange naa hogi i gilaadeu.”

Deuteronomy 13:3

gai goodou e dee hagallongo muna a de pelaabisi laa, aabe go tangada e haia midi bee nei. Go hiidinga Tagi Maolunga doodou Maadua e lodo e hagatale goodou, e tilo ai be goodou e aaloha abodonu i Tagi Maolunga doodou Maadua, i oodou lodo alodahi aama oodou hagasaalunga alodahi.

Deuteronomy 17:3

i dono hano ga daudali ange i denga diinonga ma de daumaha ange gi gilaadeu, be go dono daumaha ange gi de laa, be go de maasina, aabe go denga mee i lo te langi, go mee aagu gu hai adu goodou gi dee haia,

Deuteronomy 28:14

Koe gi dee hano gee i muna alodahi aagu e tala adu gi goe anailaa nei, koe gi dee daa gi de madau aabe go de masui, ga daudali ange ai i denga maadua ange laa, ma de daumaha ange gi gilaadeu.

Deuteronomy 29:17

Gai goodou gu gidee olaadeu diinonga hakino gee i olaadeu daha, go olaadeu diinonga e hai i laagau ma hadu, ma selevaa aama goolo.

Deuteronomy 29:18

Gai goodou dagidiiloo gi deai se daane be se hine, be se huaabodu, aabe se aamuli e daahuli gee i Tagi Maolunga doodou Maadua ailaa nei, ga daumaha ange gi diinonga o denga huaahenua. Gai kana ange diiloo gi deai se goodou e bei dagodo o de manu somo, iai aga e hhua mai ai denga hua hagammau, ma de mmala i oodou magavaa.

Deuteronomy 30:17

Aagai noo goodou e daahuli gee oodou lodo ga dee hagallongo ange ai gi ana muna, gai e hulo ga daumaha ange gi denga diinonga ange laa ma de hai hegau ange gi gilaadeu,

Deuteronomy 31:20

Go hiidinga dua naa huu dagu kave gilaadeu ga tae gi de henua iai vai uu ma hooni lagolago, go de henua aagu gu hagatoo donu ange gi olaadeu dubuna madagidagi, gai de masavaa naa huu olaadeu e gaimee ai ga boobosu ma de pedi, gai gilaadeu ga daumaha ange gi denga diinonga ange laa, gai gilaadeu ga hagangadi mee au, ma de oha dagu hagatoo donu hagaheloongoi.

Deuteronomy 4:23

Gai goodou kana ange gi dee ngalo e goodou de hagatoo donu hagaheloongoi a Tagi Maolunga doodou Maadua gu hai madali goodou, gai goodou ga hai ai dahi diinonga ga hagadagodo ange gi dahi mee daudahi a Tagi Maolunga doodou Maadua gu hai adu goodou gi dee haia.

Deuteronomy 4:9

Gai goodou dagidiiloo dagodo o oodou lodo, gi dee ngalo ai e goodou mee oodou gu gidee, aabe go de ssolo mee nei i oodou lodo i taulooloa oodou mouli. Gai goodou agoagona ange mee nei gi oodou dama aama dama a oodou dama e loomai i olaadeu dua,

Deuteronomy 5:7

Aude haia hanu diinonga gee gi maolunga ange i de au.

Deuteronomy 8:19

Noo goodou e ngalo Tagi Maolunga doodou Maadua ga daudali ange i denga diinonga, gai goodou ga ino ange ma de daumaha ange gi gilaadeu, gai au e tala adu gi goodou ailaa nei bolo goodou e daia naa donu ga maakau,

Hebrews 12:15

Goodou dagidiiloo gi deai se goodou, e dee maua i de kave de abodonu o de Maadua, gai gi deai se aga mmala, e sula age ai de hai ngadaa gai hai ai ga soa dangada e dee gilimalali.

Hebrews 2:1

Deenei ai, gidaadeu ga kana ange e hai hegau i mee adaadeu gu langona, kana daahuli gee gidaadeu i mee nei.

Hebrews 3:12

Denga daina, goodou dagidiiloo gi deai se goodou e daohia dahi lodo baubau be go tee hagadonusia, ga dagi gee ai goodou i de Maadua e mouli laa.

Hebrews 4:1

Deenei ai, go hiidinga goi dagodo huu de hagatoo donu e ulu ai i de hagamaabunga laa, gidaadeu gi maatagu, kana dee maua e dahi goodou i de ulu ai.

James 1:26

Noo dahi dangada e hagadaba bolo ia se dangada taumaha, aagai ia e dee maua i de daohi dono alelo, gai ia e daahanga donu huu ia, dono se dangada taumaha e deai donu haigamaiana.

1 John 5:21

Agu dama, goodou dagidiiloo gi dee daumaha ange goodou gi denga diinonga.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

Revelation 13:14

ga hagasenga ai dangada i henua i lalo, i hiidinga o denga hagailonga aana e hai i ssauaa o de manu alasala laa. Gai ia ne hai dangada gi hagaduulia dahi diinonga, gi hagadulagi ina ange gi de manu alasala ne lagohia laa i de gadilaasa, gai tee magau.

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.

1 Samuel 12:20

Gai Samuel ga hai ange gi dangada, “Goodou aude maatagu. Goodou gu hai donu de hegau baubau nei, gai goodou aude daahuli gee mai i de daudali ange i Tagi Maolunga, aagai daumaha ange gi Tagi Maolunga i oodou lodo alodahi.

1 Samuel 12:21

Goodou aude hulo gi daudali ange i denga ngadi diinonga e deai laa olaadeu haigamaiana ma tee maua i de hagaola goodou, go hiidinga gilaadeu ni ngadi mee donu.