Deuteronomy 10:8 - De Beebaa Dabu

⁸ De masavaa laa gai Tagi Maolunga ne hili ange de aamuli o Levi, gi sabaia de ngavesi o de hagatoo donu hagaheloongoi a Tagi Maolunga, ma de hai hegau a Tagi Maolunga i dono hale, aama de hagamanuuia i dono ingoo, ga dae mai ai gi anailaa nei.

Deuteronomy 10:8 Iomraidhean Croise

1 Kings 8:6

Gai de gau haimeedabu ne gaamai de ngavesi o de hagatoo donu hagaheloongoi a Tagi Maolunga ga dugu i dono duulanga, i lo te aabi e mua gi lodo i de temple, go de Aabi Dabu mmao, i lalo bakau o luu cherubim laa.

1 Chronicles 15:2

Gai David ne hagadaba, “E deai ange donu dangada e sabaia de ngavesi a de Maadua, go denga daane donu huu de aamuli o Levi, go hiidinga go gilaadeu a Tagi Maolunga gu hili gi sabaia de ngavesi a Tagi Maolunga, aama de hai hegau ange gi de ia ga hano ai.”

1 Chronicles 15:26

Gai go hiidinga de Maadua ne bale ange denga hagadiilinga o Levi ne sabaia de ngavesi o de hagatoo donu hagaheloongoi a Tagi Maolunga, gai ne hai ssigidaumaha i e hidu kaau daane ma e hidu ssiibi daane.

1 Chronicles 23:13

Dama daane a Amram: go Aaron ma Moses. Gai Aaron ma dono aamuli alodahi ne vvae gee gi hagadabu ina denga mee dabu mmao, ma de hai denga sigidaumaha i mada luu mada o Tagi Maolunga, ma de hai hegau i ono mada i mua, aama de hagamanuuia ai dangada i dono ingoo ga hano ai.

1 Chronicles 23:26

deelaa ai, denga hagadiilinga o Levi gu dee hagauda saele de tabernacle ma goloa alodahi e hai ai ono hegau.”

2 Chronicles 29:11

Agu dama, goodou aude ngadi nnoho, go hiidinga Tagi Maolunga gu lava i de hili goodou gi tuu i mada luoono mada gi haia ai ana hegau, ma de dudu mee maanongi.”

2 Chronicles 30:27

Gai de gau haimeedabu ma daane de aamuli o Levi ga tuu age ga hagamanuuia dangada, gai olaadeu leo ma alaadeu dalodalo gu tae age gi de nohoanga dabu o de Maadua.

Psalm 134:1

Loomai, hagadegi ina Tagi Maolunga, goodou alodahi de gau hai hegau o Tagi Maolunga, go goodou e hai hegau i de hale o Tagi Maolunga i de boo.

Psalm 134:2

Haalo ina oodou lima i de mommee dabu, ga hagadegi ai Tagi Maolunga.

Psalm 135:2

goodou e hai hegau i lo te hale o Tagi Maolunga, ma lo te buibui o de hale o taadeu Maadua.

Jeremiah 15:19

Deenei ai, e hagadaba Tagi Maolunga: “Noo koe e dahuli oo lodo, gai au e hagaahe mai donu goe, gai koe ga hai hegau mai ai gi de au. Gai noo koe e tala muna haigamaiana, e dee go muna e deai haigamaiana, gai koe e hai naa go tangada e daalaa agu muna. De huaadangada nei gi aahe mai gi de goe, aagai koe e dee ahe ange gi gilaadeu.

Ezekiel 44:11

Gilaadeu goi maua huu i de hai hegau i dogu mommee dabu; go gilaadeu e hagaloosi ina denga haitoga o de temple, ma de hai hegau i kilaa; go gilaadeu e daia denga manu e hai ai ssigidaumaha dudu ma sigidaumaha a dangada, gai go gilaadeu e balea ange dangada ma de hai hegau ange gi gilaadeu.

Ezekiel 44:15

Aagai de gau haimeedabu mai i de aamuli o Levi, go hagadiilinga o Zadok, ne tilo ange dogu mommee dabu i de masavaa o de gau Israel ne daahuli gee ai i de au, go gilaadeu e maua i de loomai gi mada luoogu mada e hai hegau ai; gai gilaadeu ga hai ai sigidaumaha o denga mee moomuna ma dodo, go de Ia Aamua go Iahweh e hagadaba.

Leviticus 8:9

Gai ia ga dugu ange de goobai malo gi honga dono biho, ga nnoa ange talaa baalanga goolo gi ma te goobai laa, go de hau goolo dabu, bei de hai a Tagi Maolunga gu tala ange ai gi Moses.

Leviticus 9:22

Gai Aaron ne haalo ange luoono lima gi honga o dangada ga hagamanuuia gilaadeu. Gai ia ga iho mai i de mommee ne hai ai ssigidaumaha o haisala ma ssigidaumaha dudu, aama ssigidaumaha hagadanuaa magavaa.

Numbers 3:31

Gai go gilaadeu e diiloo ange de ngavesi o de hainga, ma teebele, ma de mee dugu laama, ma denga mommee o ssigidaumaha, ma denga goloa o de mommee dabu e hai ai laa hegau a de gau haimeedabu, ma de malo buibui o de aabi i lodo, ma hegau alodahi e hai ange gi mee nei.

Numbers 3:6

“Gaamai de aamuli o Levi gaavange gilaadeu gi tangada haimeedabu go Aaron, gai gilaadeu ga bale ange ai ia.

Numbers 4:15

Gai ga lava naa huu i de haoli a Aaron ma ana dama daane de mommee dabu ma ono goloa alodahi, gai de hagadiilinga o Kohath ga loomai ga saabai mee nei i de masavaa o dangada e daga ai e hulo. Aagai gilaadeu e dee poo ange donu gi goloa dabu nei, kana maakau gilaadeu. Aanei goloa o de hale malo hagabuni a de hagadiilinga o Kohath e saabai.

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

Acts 13:2

Gai de masavaa olaadeu ne daumaha ange ai gi Tagi Maolunga, ma de hagahiikai, aagai de Hagasaalunga Dabu ga hai ange, “Goodou vaaea gee Barnabas ma Saul, ange gi de hegau aagu gu dai hagahi ange gilaau aagena.”

Romans 1:1

Mai i daho Paul, tangada hai hegau o Klisdo Iesu gu hagahia laa gi se dangada tala, ma de hili ange gi daalaa de longo danuaa a de Maadua,

Romans 12:7

noo go de bale ange dangada, gai gidaadeu gi balea ange dangada; noo go de agoago, gai tangada gi agoago;

2 Corinthians 6:17

Deenei ai, goodou hulo gee mai i olaadeu magavaa, gai vaaea gee goodou mai i gilaadeu, go Tagi Maolunga e hagadaba, gai goodou aude poo ange gi de mee hakino gee; gai au ga abodonu adu gi goodou,

Galatians 1:15

Aagai de masavaa huu a de ia ne vaaea gee au i mua dogu haanau, ma de hagahi au i dono abodonu,

Deuteronomy 17:12

Gai tangada e hagangadi mee ina muna a tangada hagamodu muna, ma tangada haimeedabu e haia hegau i mada luu mada o Tagi Maolunga doodou Maadua, e daa donu gi magau. Deenei doodou hai e hai ai gi dee dagodo de baubau i daho de gau Israel.

Deuteronomy 18:5

Go hiidinga Tagi Maolunga doodou Maadua gu hili Levi ma ana dama daane i magavaa o denga aamuli o Israel, gilaadeu gi tuu gi hai hegau i mada luu mada o Tagi Maolunga i masavaa alodahi.

Deuteronomy 21:3

Gai de aduhale naa huu e baa ange gi de angaanga o tangada magau laa, gai denga dagi o de aduhale laa gi gaavee dahi kaau hahine tigi hagahai hegau ina laa, aabe gu hagauda ange de laagau hagahai hegau gi ono elunga.

Deuteronomy 21:5

Gai ga lava naa huu mee nei, gai de gau haimeedabu i de aamuli o Levi gi loomai gi tuu i gaogao de manu laa, i hiidinga go gilaadeu a Tagi Maolunga doodou Maadua gu hilihili gi hai hegau ange gi de ia, ma de hagamanuuia dangada i de ingoo o Tagi Maolunga; go gilaadeu e hagaheohi ina denga dee heloongoi ma hebagi alodahi i magavaa o dangada.

Deuteronomy 31:9

Gai Moses ne sisi denga hainga nei ga gaavange gi de gau haimeedabu i de aamuli o Levi, aanei gilaadeu e sabaia de ngavesi o de hagatoo donu hagaheloongoi a Tagi Maolunga, aama denga dagi o Israel alodahi.