Deuteronomy 10:2 - De Beebaa Dabu

² Gai au ga sisi ange muna aagu ne sisi ange, gi honga luu duu hadu baabaa i taamada, go luu hadu aau ne oha laa. Gai koe ga hhao ange gi lo te ngavesi laa.”

Deuteronomy 10:2 Iomraidhean Croise

1 Kings 8:9

Gai e deai ange donu mee i lo te ngavesi laa, go luu duu hadu donu huu a Moses ne dugu ange laa gi ono lodo i Horeb, go de mommee a Tagi Maolunga ne hai ai laa de hagatoo donu hagaheloongoi ange gi de gau Israel, i de masavaa olaadeu ne ssao ai ga loomai i Egypt.

2 Chronicles 5:10

Gai e deai ange donu mee i lo te ngavesi laa, go luu duu hadu donu huu a Moses ne dugu ange laa gi ono lodo i Horeb, go de mommee a Tagi Maolunga ne hai ai laa de hagatoo donu hagaheloongoi ange gi de gau Israel, i de masavaa olaadeu ne ssao ai ga loomai i Egypt.

Exodus 32:19

Gai ga hano iho huu Moses ga dae iho gi de mommee nnoho gaainga, gai ia gu gidee de kaau goolo laa ma denga aanunga a dangada e hai; aagai Moses gu kona mmao de lili, gai ia ga poo luu duu hadu laa ga maga iho gi gaogao de mounga gu maoha.

Exodus 34:1

Gai Tagi Maolunga ga hai ange gi Moses, “Daadaa ina e lua duu hadu bei luu duu hadu aagu ne hai i taamada, gai au ga sisi ange muna aagu ne sisi ange gi honga luu duu hadu i taamada aau ne oha laa.

Exodus 40:20

Gai ia ga kave luu duu hadu o de tala hagadonu ga hhao ange gi lo te ngavesi, ga velo ange luu laagau o de ngavesi, aama de gaavange de pono o de tala haisala gi honga de ngavesi laa,

Deuteronomy 10:5

Gai au ne ahe iho i de mounga, ga kave luu duu hadu laa ga hhao ange gi lo te ngavesi aagu gu hagaduu laa, bei de hai a Tagi Maolunga gu tala mai ai gi de au, gai luu duu hadu laa goi daakodo donu i kilaa iainei.

Deuteronomy 4:13

Gai ia gu tala adu gi goodou dana hagatoo donu hagaheloongoi, go de Madaangahulu Hainga, ga hai adu goodou gi daudali ai, gai ia ne sisi ange hogi i honga e lua duu hadu baabaa.

Hebrews 9:4

gai e dugu ai de mommee o ssigidaumaha goolo e dudu ai laa mee maanongi, ma de ngavesi o de hagatoo donu hagaheloongoi e haoli alodahi laa i goolo. Gai ono lodo iai de ssaa goolo e hhao ai laa denga manna, ma togo o Aaron ne matili age laa, aama luu dibaa hadu baabaa e sisi ai laa de hagatoo donu hagaheloongoi.