Deuteronomy 1:21 - De Beebaa Dabu

²¹ Goodou gi iloo bolo Tagi Maolunga doodou Maadua gu gaavadu donu gi goodou de henua nei. Goodou hulo gaavee ma gi henua ai bei de hai a Tagi Maolunga, de Maadua o oodou dubuna madagidagi, gu tala adu ai gi goodou. Gai goodou aude maatagu aabe lodo baageaa.”

Deuteronomy 1:21 Iomraidhean Croise

Nehemiah 9:15

Koe ne gaavange gi gilaadeu pelaoaa mai i de langi i delaadeu hiikai, ma vai mai i lo te hadu i delaadeu hieunu, gai koe ne hai ange gilaadeu gi hulo gi gaavee de henua aau gu hagatoo donu ange gi gilaadeu.

Psalm 46:1

Go de Maadua taadeu buibui ma odaadeu mahi, gai se ia e balea mai i de masavaa hai ngadaa.

Psalm 46:11

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 46:7

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Numbers 13:30

Gai Caleb ga hai dangada e tuu i mada i mua o Moses gi dee hagalongaa, gai ia ga hai ange, “Gidaadeu ga hulo donu iainei e hebagi ange gi de henua laa; i hiidinga gidaadeu e maua donu i de hagadee kii gilaadeu.”

Luke 12:32

“Dagu hagabuulingaa ssiibi damaa mee, goodou gi dee maatagu, go hiidinga doodou Damana e malangilangi donu i de gaavadu gi goodou de nohoanga hodooligi.

Deuteronomy 1:20

Gai au ne hai adu gi goodou, “Gidaadeu gu tae mai loo gi de mommee iai mounga o de gau Amor, gai Tagi Maolunga taadeu Maadua gu dai gaamai naa donu gi gidaadeu de henua nei.

Deuteronomy 20:1

De masavaa naa huu oodou e hulo ai e hebagi ange gi oodou hagadaumee, gai goodou gu gidee alaadeu hoosa ma olaadeu hada hebagi, gai delaadeu hagabuulinga hebagi e soa ange i goodou, gai goodou aude maatagu donu i gilaadeu; go hiidinga Tagi Maolunga doodou Maadua, de ia ne hagassao ina mai laa goodou i de henua go Egypt, e noho donu madali goodou.

Deuteronomy 20:3

gai ia gi hai ange gi gilaadeu, “Israel, nnoho mai hagalaangona, ailaa nei goodou ga hulo nei e hebagi ange gi oodou hagadaumee. Goodou aude manavasaa oodou lodo be e maatagu, aabe gi bolebole i doodou maatagu i gilaadeu,

Deuteronomy 31:6

Gai goodou gi lodo mmahi ma de lo taane, goodou gi dee manavasaa oodou lodo, aabe gi maatagu i gilaadeu, go hiidinga Tagi Maolunga e hano madali goodou; ia e dee hano gee naa donu i oodou daha aabe tili goodou.”

Deuteronomy 7:18

goodou aude maatagu i gilaadeu, gai goodou manadua mee a Tagi Maolunga doodou Maadua ne hai ange gi Pharaoh ma dangada alodahi o Egypt.

Deuteronomy 7:21

Goodou aude maatagu donu i gilaadeu, go hiidinga Tagi Maolunga doodou Maadua e noho i oodou daha, gai ia se Maadua maolunga ma de hagamaatagu.

Deuteronomy 9:23

Gai de masavaa a Tagi Maolunga ne hai ai goodou gi hulo gee mai i Kadesh Barnea, gai ia ga hai adu, “Goodou hulo gaavee de henua aagu gu gaavadu gi goodou.” Aagai goodou ne hai baasi ange gi muna a Tagi Maolunga doodou Maadua ne tala adu gi goodou, goodou tee hagadonusia ana muna, gai tee hagallongo ange gi ana muna.

Hebrews 13:6

Deenei ai, gidaadeu gi lo taane i de hagataba, “Go Tagi Maolunga e balea mai au; au e dee madagu donu. Ni aha naa donu a dangada e maua i de hai mai gi de au?”

Joshua 1:6

Gai koe gi lodo mmahi ma de lo taane; go hiidinga go koe e dagina de huaadangada nei gi de henua aagu gu hagatoo donu ange gi oodou dubuna madagidagi e gaavange gi gilaadeu.

Joshua 1:9

E aha, au tee tala adu laa koe gi lodo mmahi ma de lo taane? Koe gi dee madagu aabe manavasaa oo lodo, go hiidinga Tagi Maolunga doo Maadua e noho madali goe i mommee alodahi oou e hano aagena.”