Daniel 9:26 - De Beebaa Dabu

²⁶ Gai dua naa huu de madaono ma lua uvigi laa, gai de ia gu hagadabu laa e daa naa ga magau, gai ia e deai naa donu ana mee. Gai dangada o tagi gu dai tae mai laa, e loomai naa ga oha de aduhale ma de mommee dabu laa. Gai de hagaodi e dae mai naa bei de humai o tolona. Gai de hebagi e duudagi naa donu huu ga dae ai gi de hagaodi, gai de oha o de aduhale gu lava donu i de hagamodu.

Daniel 9:26 Iomraidhean Croise

2 Samuel 21:5

Gilaadeu ne hai ange gi de hodooligi, “Gimaadeu e llodo i taane ne daia hanu gimaadeu ma de hagatale de daa gimaadeu alodahi gi maakau, gi dee nnoho ai gimaadeu i Israel,

Psalm 22:15

Ogu mahi gu masa bei de gumedi hadu, gai dogu ua gu buni; koe gu danu au i lo te gelegele o de magau.

Isaiah 28:2

Tilo, de Ia Aamua e dahi ana ia sauaa ma de mmahi. Bei denga duudangaa haisi ma de madangi mmahi e oohaa laa mee, ma de langi mmahi ma de maadolu e pala iho laa, gai ia e poo ga maga iho naa gi honga de gelegele.

Isaiah 28:22

Deenei ai, goodou aude doo mee, kana kii ange taemaha seeini oodou e noonoa ai; de Ia Aamua, Tagi o denga hagabuulinga hebagi, gu tala mai gi de au dagodo de oha o de henua alodahi gu hagamodu laa.

Isaiah 53:8

Ia ne gaavee ga vaivai haia ma de hagaduasala, gai goai e maua i de hagasaelea dagodo o dono atangada? Ia ne daa ga magau ga kave gee mai i daho dangada; ia ne hagailiilia i hiidinga haisala o ogu dangada.

Isaiah 8:7

deenei ai, tilo, de Ia Aamua gu dai hai naa gi humai gi hai baasi ange gi gilaadeu, de mee mmilo mmahi o ssaalingaa vai go Euphrates — go de hodooligi o Assyria ma dono mahamaha alodahi. Gai ssaalingaa vai laa e hagahoohonu age naa ono ava alodahi aama luu baasi alodahi,

Jeremiah 46:7

Goai e humai nei bei dagodo o de Nile, ma denga saalingaa vai mmilo?

Jeremiah 51:42

Tai e honu age naa ga haoli Babylon, gai denga beau hadihadi mai naa ga haoli de henua.

Daniel 11:10

Gai ana dama daane e hagadabena naa e hebagi ma de hagabuni mai dahi hagabuulinga hebagi soa mmao; gai gilaadeu e loomai naa bei dagodo o tolona e gage mai laa gi honga de henua ga dae ai gi de mommee buibui makaga o delaadeu hagadaumee.

Daniel 11:17

Gai ia e hai naa dahi hagatau e humai ai ma mahi o dono nohoanga hodooligi alodahi, e hagaheloongoi ai olaau magavaa ma de hodooligi o ngaage. Gai ia ga gaavange naa dahi damaa hine e hai ai dono bodu, gai ia ga oha ai de nohoanga hodooligi laa, aagai dana hagatau tee maua gi sula ma tee haigamaiana ange gi de ia.

Daniel 11:22

Gai denga hagabuulinga hebagi soa e maoha saele naa i ono mada i mua, aama tagi o de hagatoo donu hagaheloongoi.

Daniel 11:36

“Gai de hodooligi laa e hai naa donu huu ono mee e lodo ai. Ia e hagaamua naa donu huu ia, ma de tala bolo ia e maolunga ange i denga maadua alodahi, ma de tala denga mee hagalele mouli e hai baasi ange ai gi de Maadua o denga maadua. Gai ia e sula naa donu ga dae ai gi de odi ange de masavaa o de lili ⌊o de Maadua⌋, go hiidinga mee gu hagamodu laa e hagassula naa donu.

Daniel 9:27

Gai ia e hai naa dahi hagatoo donu hagaheloongoi makaga madali dangada soa i e dahi uvigi. Gai ga madohi lua naa huu de uvigi laa, gai ia ga tuu gi dee hai denga sigidaumaha dudu ma sigidaumaha ange laa, gai ia e hagaduu naa dahi mee hakino gee i de bido o de temple, e haia laa ga ngadi dagodo de mommee, ga dae ai gi dono hagaodi bei de hai gu hagamodu ange ai laa gi de ia.”

Hosea 1:9

Gai Tagi Maolunga ga hai ange, “Hagaagahi ina ange dono ingoo go Lo-Ammi, go hiidinga goodou e dee go dogu huaadangada, gai au e dee go doodou Maadua.”

Amos 8:8

E aha, e dee ngalungalue naa de henua i hiidinga hegau nei, gai dangada alodahi i honga de henua e tangi naa? De henua alodahi e de hagahonu age naa bei de Nile, gai e hagahonu age naa ga lava ga ahe bei dagodo o de Nile i Egypt.”

Amos 9:5

De Ia Aamua go Tagi o denga hagabuulinga hebagi e poo ange gi henua i lalo gai gu vaivai, gai dangada alodahi e nnoho i kilaa e tangi naa; de henua e hagahonu age naa bei de Nile, gai e hano iho naa hogi bei de Nile i Egypt —

Nahum 1:8

aagai ia e hai naa tolona laumalie gi hagalilo ina Nineveh; gai ia e doolohi naa ono hagadaumee gi hulo gi lo te gohu.

Matthew 22:2

“De nohoanga hodooligi o de langi e bei dagodo o dahi hodooligi e haia laa taonga hagahai bodu o dana dama daane.

Matthew 22:7

Gai de hodooligi laa gu kona mmao de lili. Gai ia ga hai gi hulo ono daane hebagi gi daia gi maakau de gau daa dangada laa magi duungia delaadeu aduhale.

Matthew 23:38

Deenei ai, doodou temple gu tili gi se mommee e ngadi dagodo.

Matthew 24:2

Aagai ia ga hai ange gi gilaadeu, “Goodou gu gidee mee nei alodahi? Ni muna abodonu aagu e hai adu nei gi goodou: e deai naa donu se hadu daudahi e dagodo i honga dahi hadu. Gai e odi naa donu i de tili iho.”

Mark 13:2

Iesu ne hai ange gi de ia, “Denga hale mahamaha aau e gide nei, e odi naa donu i de oha iho ga deai se hadu e dagodo i honga dahi hadu.”

Mark 13:7

Gai de masavaa naa huu oodou e langona ai de hai denga hebagi ma longo o denga hebagi, gai goodou gi dee manavasaa oodou lodo. Mee nei e hai naa donu, gai tigi dae mai de hagaodi.

Mark 9:12

Ia ne hai ange gi gilaadeu, “Elijah e humai naa donu i mua, ga hagadabena mee alodahi. Gai gu aha gu sisi ai laa, bolo Tama a Tangada e kona naa donu dono hagaduasala ina, ma dono hagangadi mee ina?

Luke 21:24

Hanu gilaadeu e daia naa ga maakau i de gadilaasa, hanu e gaavee naa gi denga henua gee; aagai denga Gentile e dagadagahi naa Jerusalem gi lalo olaadeu vae, ga dae ai gi de odi delaadeu masavaa.

Luke 21:6

“Dagodo o mee alodahi oodou e gidee nei, e tae mai naa donu laangi e deai ai se hadu daudahi e dagodo i honga dahi hadu; gu odi alodahi i de tili iho.”

Luke 24:26

E aha, de Klisdo e dee hagaduasala naa i mee nei alodahi, i mua dana kave dono mahamaha?”

Luke 24:46

Gai ia ga hai ange gi gilaadeu, “Gu sisi e hai ange: Klisdo e hagaduasala donu, gai ia e mouli age naa i de hagadolu laangi,

John 14:30

Dua iainei gai au e dee tala adu naa donu gi goodou hanu mee lagolago; go hiidinga tagi o henua i lalo nei gu dai humai. Gai ia e deai donu sono sauaa e daohi ai au,

2 Corinthians 5:21

Gai de Maadua ne hai Klisdo e deai laa ono haisala go de haisala, gi maua ai e gidaadeu i de kave de heohi o de Maadua i ono daha.

Galatians 3:13

Klisdo ne hagao gidaadeu ga hagaola mai i de hagamalaia o de hainga, ia ne hagamalaia i odaadeu hiidinga — go hiidinga gu sisi e hai ange, “E hagamalaia tangada e daudau i honga dahi manu somo”  —

1 Peter 2:21

Gai deenei donu doodou mee ne hagahi ange aagena, go hiidinga Klisdo ne hagaduasala hogi i oodou hiidinga, gai ia gu gaavadu ai gi goodou dahi hagaago danuaa, gai goodou ga daudali ange ai i de ia.

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.

1 Peter 3:18

Gai Klisdo ne hagaduasala hogi i hiidinga o denga haisala i e dahi donu huu hanonga, de ia heohi ne hagaduasala i hiidinga o de gau baubau, gai ia ga dagi ange ai gidaadeu gi de Maadua. Ia ne daa ga magau i de angaanga nei, aagai ne mouli age i de Hagasaalunga;