Daniel 9:24 - De Beebaa Dabu

²⁴ E madahidu uvigi gu hagamodu ange gi oo dangada ma doo aduhale dabu, e hagaodi ange ai de masavaa o olaadeu haisala, ma de hai gi deai haisala, aama de degi ange gi baubau, gai ga hai gi sula de heohi ga hano ai, ma de hai gi bei de midi hagaago ange ma muna pelaabisi, aama de hagadabu i de lolo de mommee dabu mmao.

Daniel 9:24 Iomraidhean Croise

2 Chronicles 29:24

gai de gau haimeedabu ga daa manu laa ga hai olaadeu dodo ga hai ai ssigidaumaha o haisala i honga de mommee o ssigidaumaha, e hagao ai de gau Israel alodahi. Go hiidinga de hodooligi ne hagadaba bolo gi haia dahi sigidaumaha dudu ma dahi sigidaumaha o haisala i hiidinga o de gau Israel alodahi.

Psalm 2:6

“Au gu hagasula de Hodooligi aagu gu hili i dogu mounga dabu go Zion.”

Psalm 45:7

Koe e lodo i de mee heohi gai e kino i de baubau. Deenei ai, de Maadua, doo Maadua, gu hai goe gi maolunga ange i oo soa ange laa, i dana hagasulu goe i de lolo o de malangilangi.

Isaiah 42:4

Ia e dee vasega naa donu aabe baageaa ono lodo, ga dae ai gi dana hagaduu gi makaga de hagamodu muna heohi i henua i lalo. Gai dangada e nnoho i tagudai e tali hagalodolodo go ana hainga.

Isaiah 51:6

Goodou kalo age diiloo lo te langi, ma de tilo honga henua i lalo; de langi e lilo naa bei de useahi, gai henua i lalo e hano naa ga duai bei de malo, gai dangada i kilaa e maakau naa bei denga lango. Aagai dagu hagaola e dagodo naa donu huu ga hano ai, dogu heohi e dee maoha naa donu.

Isaiah 51:8

Go hiidinga de lengisi e gai naa gilaadeu bei dahi malo, gai de ilo e gai naa gilaadeu bei malo e hai laa i huluhulu o denga manu. Aagai dogu heohi e dee ngado mai donu, gai dagu hagaola e dagodo i denga atangada alodahi.”

Isaiah 56:1

E hagadaba Tagi Maolunga: “Hai hegau i de hagamodu heohi, gai haia de mee heohi, go hiidinga dagu hagaola gu baa mai donu, gai dogu heohi gu dai hagaago mai donu.

Isaiah 61:1

De Hagasaalunga o de Ia Aamua go Iahweh gu hano iho gi ogu elunga, go hiidinga Tagi Maolunga gu hagadabu au i de lolo, gai au ga agoago ange ai de longo danuaa gi de gau hagaau aloha. Ia ne hai au gi humai gi hagaieiangi ina dangada e daemaha olaadeu lodo, ma de hai gi ilaage gilaadeu gu noonoodia, ma de hagassao mai gilaadeu i lo te hale pono,

Lamentations 4:22

Tamaa hine o Zion, gu lava doo hagaduasala, i hiidinga oo baubau; ia e dee tili donu goe i denga henua gee. Aagai goodou de gau Edom, ia e hagaduasala naa goodou i hiidinga o oodou baubau, ma de hagaago mai oodou haisala.

Ezekiel 28:12

“Tama a tangada, huudia dahi daahili magau i dagodo o de hodooligi o Tyre, ma de hai ange gi de ia, ‘E hagadaba de Ia Aamua go Iahweh: I mua gai koe se mee hagaago e honu danuaa, doo heiangi e honu gai koe e mahamaha mmao.

Ezekiel 4:5

Gai au e hagamodu adu naa taelodo o denga laangi gi bei taelodo o denga ngadau o olaadeu haisala. Gai e 390 laangi aau e hagauda ai haisala o Israel.

Ezekiel 4:6

Gai de masavaa naa huu aau e hagaodi ange ai laangi nei, gai koe ga ahe ange ga dagodo ga huli ange gi doo baasi madau, ga hagauda de hagaduasala o de nohoanga hodooligi o Judah; au gu gaavadu e madahaa laangi e dagodo ai goe, dahi laangi e bei se dahi ngadau.

Leviticus 25:8

“ ‘Gai goodou e dau e hidu ngadau o Sabbath; goodou e dau gi hidu ngadau e hagalagolago ange gi de hidu, gi duu ai de madahaa ma siva ngadau.

Leviticus 8:15

Gai Moses ga daa gu magau de manu laa ga hagasulu ange dono madannia gi lodo ono dodo, ga hulu ange gi denga hanga i honga de mommee o ssigidaumaha, ga hagagilimalali ai de mommee o ssigidaumaha laa. Gai ia ga llingi ange denga dodo e doe laa gi tahido o de mommee o ssigidaumaha, e hagadabu ai, gai gi gilimalali ai.

Zechariah 4:14

Ia ne hai mai gi de au, “Aanei luu dangada gu hagadabu laa gi tuu i mada luu mada o de Ia Aamua o henua i lalo alodahi.”

Numbers 14:34

Gai taelodo o laangi oodou ne hulo ai ga mulidagi de henua se madahaa, deelaa naa hogi taelodo o denga ngadau oodou e hagaduasala ai, i hiidinga oodou baubau; gi tonu iho ai goodou gi oodou dagodo i dogu hai baasi adu gi goodou.’

Matthew 1:21

Ia e haanau naa dahi dama daane, gai koe ga hagaingoo ange ia go Iesu, go hiidinga ia e hagaola naa ono dangada mai i olaadeu haisala.”

Matthew 11:13

Denga pelaabisi alodahi ma de hainga ne pasa pelaabisi ga dae mai ai gi a John;

Matthew 4:5

De ia hagabaubau laa ne dagi hogi Iesu gi de aduhale dabu, ga hai ia gi duu i honga dahi dahuuhuu maolunga o de temple,

Mark 1:24

“Ni aha oou e lodo ai i omaadeu daha, Iesu tangada Nazareth? Koe e humai naa e daa gimaadeu gi maakau? Au e iloo be go koe goai: koe go de Ia Dabu a de Maadua!”

Luke 1:35

Tangada de langi laa ne hai ange gi de ia, “De Hagasaalunga Dabu e humai naa gi oo elunga, gai ssauaa o de Ia Maolunga Mmao laa e haoli naa goe. Deelaa ai, Tama e haanau mai i oo daha e hagabinga naa bolo e dabu, go Tama Daane a de Maadua.

Luke 21:22

Gai aanei laangi o de hagaduasala e hagassula ai mee alodahi gu lava laa i de sisi.

John 1:41

Ia ne hano i mua ga ssala dono daina daane go Simon, ga hai ange gi de ia, “Gimaau gu gidee de Messiah” (e bei, go de Klisdo).

John 3:34

Gai de ia a de Maadua ne hai gi humai e tala muna a de Maadua, gai de Maadua e gaavange gi de ia de Hagasaalunga ⌊Dabu⌋, gai e dee hagabau donu.

Acts 3:14

Aagai goodou ne hagangadi mee de Ia Dabu ma de Ia Heohi laa, gai ne dangidangi ange gi hagasao ina mai gi goodou dahi daane daa dangada.

Acts 3:22

Moses ne hagadaba, ‘Tagi Maolunga, doodou Maadua, e hagasula age naa dahi pelaabisi mai i magavaa o oodou dangada bei ogu dagodo. Gai goodou hagalaangona mee alodahi aana e tala adu gi goodou.

Acts 4:26

Denga hodooligi o henua i lalo gu hagadabena, gai denga dagi gu hagabuni i dahi mommee e hai baasi ange gi Tagi Maolunga ma dana Klisdo.’

Romans 5:10

Gai noo de masavaa odaadeu ni hagadaumee ai niio de Maadua, gai gidaadeu ne hagadanuaa odaadeu magavaa ma de Maadua, i de magau o dana Dama, gai dee hee maa ai naa de kii ange taadeu maua de hagamouli i hiidinga o dono mouli, i dua de hagadanuaa oodou magavaa ma de Maadua.

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

Philippians 3:9

ma de dau madali ia, gai e dee se heohi ne maua i dogu daudali i de hainga, aagai se heohi ne maua i dogu gai ange gi Klisdo — go de heohi mai i daho de Maadua ne maua laa i de gai,

Colossians 1:20

gai de Maadua ne malangilangi i de hagadanuaa olaadeu magavaa ma mee alodahi e dee hilihili be go mee i henua i lalo aabe go mee i de langi, ga hai ai gi maua de nnoho paba i dodo o Klisdo i honga de laagau lui.

Colossians 2:14

ia ne ssolo adaadeu muli gu daohi laa ma e hai baasi mai ai gi gidaadeu i de hainga; gai ia ne kave mee nei ga daudau ange gi de laagau lui.

Hebrews 10:14

Gai ne dahi donu huu ana sigidaumaha ne hai ga hagaheohi ai ga hano ai, gilaadeu ne hai laa ga dabu.

Hebrews 2:17

Deenei ai, ia ne hai ga bei ono daina i mee alodahi, gi maua ai e ia i de hai gi se dangada haimeedabu maolunga e degi ma de hai hegau i de muna abodonu i hegau a de Maadua, gai ia ga degi ange ai gi haisala o dangada.

Hebrews 7:26

Gai e heohi donu de hai gi dahi odaadeu dangada haimeedabu maolunga bei ono dagodo — ia e dabu, e dee haisala, e gilimalali, ia e vvae gee ma de gau haisala, gai gu hagaamua i de langi i lunga.

Hebrews 9:26

Noo deenei tagodo, gai Klisdo ne aheahe ange ga hagaduasala mai i taamada de hai o henua i lalo. Aagai tagodo donu, ia ne humai i dahi hanonga daudahi i denga laangi hagaodi nei, e gaavange dono mouli e hai ai ssigidaumaha e kave gee ai haisala.

2 Peter 1:1

Mai i daho Simon Peter, tangada hai hegau gai se dangada tala niio Iesu Klisdo. Ange gi dangada alodahi gu gaavee de gai hagamogomogo nei madali gimaadeu, i hiidinga de heohi o taadeu Maadua ma taadeu Ia Hagaola go Iesu Klisdo.

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.

Revelation 14:6

Gai au ne gidee ange hogi dahi dangada de langi e lele i lo te moana i lunga, ia e kave de longo danuaa dee ngado mai laa, e tala ange gi dangada e nnoho i henua i lalo, go denga huaahenua ma denga aamuli, ma dangada e pasa i denga hagadaagangaa muna, aama denga huaadangada alodahi.

Revelation 3:7

“Gai siia ange muna nei gi tangada de langi o de nohoanga dabu i Philadelphia: Aanei muna a de ia dabu laa, go de ia e hai hegau laa i de muna abodonu, go de ia e daohia de gii a David; dana mee e hhuge e deai donu e maua i de pono, gai dana mee e pono e deai donu e maua i de hhuge.