Daniel 9:13 - De Beebaa Dabu

¹³ Denga hai ngadaa nei alodahi gu hai mai gi gimaadeu, bei de hai gu sisi ai laa i lodo hainga a Moses, aagai gimaadeu tigi dangidangi donu Tagi Maolunga demaadeu Maadua, gi abodonu mai, aabe e daahuli gee i omaadeu baubau, ma de kana ange e hagallongo de muna abodonu.

Daniel 9:13 Iomraidhean Croise

2 Kings 22:16

‘E hagadaba Tagi Maolunga: Tilo, au e gaamai naa de hai ngadaa gi de mommee nei ma ono dangada, bei de hai gu sisi ai laa i lo te beebaa a de hodooligi o Judah gu dau laa.

De Beebaa go Job 36:13

De gau baubau e daohi de lili i olaadeu lodo; gai gilaadeu e dee dangidangi i de bale, i de masavaa aana e noonooa ai gilaadeu.

Psalm 119:18

Koe gi huugea luoogu ganomada, gi donu ange ai au gi mee hagalele mouli i lodo au hainga.

Psalm 119:27

Haia gi donu ange au gi au muna gu hagasauaa, gai au ga hagamaumau ai dagodo o au hegau hagalele mouli.

Psalm 119:73

Luoo lima ne hai au ma de hagadau dogu angaanga; haia gi dahi ogu donu ange gai au ga agoago ai au hainga.

Psalm 85:4

De Maadua, demaadeu Ia Hagaola, hagaola ina gimaadeu, gai hagahelui ina doo dee malangilangi i gimaadeu!

Isaiah 31:1

E vakaa naa gilaadeu e hulo laa gi Egypt e ssala ai delaadeu bale, gai e hagadonusia mahi o denga hoosa, ma de tali hagalodolodo ange gi denga hada hebagi lagolago, ma mahi o olaadeu daane i honga hoosa, aagai e dee anga ange gi de Ia Dabu o Israel, aabe e dangidangi i de bale mai i daho Tagi Maolunga.

Isaiah 42:9

Tilo, mee gu i mua gu hai ma gu lava, iainei gai au e tala mee hoou gu dai hai; au e tala adu mee nei gi goodou i mua de hai.”

Isaiah 43:22

Aagai Jacob, koe tee hagahi mai au; Israel, koe gu goso i de au.

Isaiah 64:6

Gimaadeu alodahi gu bei tangada e dee gilimalali laa, amaadeu hegau heohi alodahi e bei donu huu denga bido malo hakino gee; gimaadeu alodahi gu bei de lau manu gu mmae, gai omaadeu baubau gu bei dagodo o de madangi, e hagalleva saele gimaadeu.

Isaiah 64:7

E deai donu se dangada e hagahia adu doo ingoo, aabe e hagammahi e ssala goe; koe gu hagammuni luoo mada i gimaadeu, gai gu dugu ange omaadeu baubau gi hagaduasala ina gimaadeu.

Isaiah 9:13

Aagai de huaadangada laa tee aahe mai donu gi de ia ne hagaduasala ina gilaadeu, gilaadeu tee ssala hogi Tagi o denga hagabuulinga hebagi.

Jeremiah 2:30

Teai donu haigamaiana dagu haele oodou dama, gilaadeu tee aanga mai gi agu muna hagaheohi. Oodou gadilaasa ne daa ga maakau oodou pelaabisi bei dagodo o dahi laiono hiigai.

Jeremiah 30:14

Oo dau soa alodahi gu ngalo goe, gilaadeu e dee anga adu donu gi de goe; i hiidinga au gu hagalagohia goe bei de hagadaumee, ma de hagaduasala goe bei tangada alasala e deai sono lodo aloha, i hiidinga doo hagabaubau ina e laumalie mmao, gai oo haisala e lagolago mmao.

Jeremiah 31:18

Au gu langona de dangi o Ephraim: ‘Koe ne haele au bei dahi kaau gauligi tigi dala laa, gai iainei gu hagalava dau haele au. Hagaahea mai au, gai au e aahe mai naa donu, i hiidinga go koe go Iahweh, dogu Maadua.

Jeremiah 44:23

Gai go hiidinga goodou ne hai ssigidaumaha i mee maanongi, ma de hai baasi ange gi Tagi Maolunga i doodou haisala, gai tee hagallongo ange gi muna a Tagi Maolunga, aabe ne daudali i ana hainga ma ana muna gu hagasauaa, aama ana muna gu tala — deenei ai, de hai ngadaa nei gu hai adu gi goodou, bei doodou hai gu gidee ai naa anailaa nei.”

Jeremiah 44:27

Tilo, au e dagitilo naa e hai ange de baubau gi gilaadeu e dee go tanuaa, gai dangada alodahi o Judah e nnoho laa i de henua go Egypt, e odi naa donu i de maakau i de gadilaasa ma de onge.

Jeremiah 5:3

Tagi Maolunga, e aha, e dee go de muna abodonu aau e ssala? Koe ne hagailiili gilaadeu, aagai gilaadeu tee langona iho de mmae; koe ne hagahai ngadaa gilaadeu, aagai gilaadeu tee llodo e hai de mee heohi. Gilaadeu ne hagamakaga olaadeu lodo bei de hadu, ma tee llodo e daahuli olaadeu lodo.

Lamentations 5:21

Tagi Maolunga, hagaahea mai gimaadeu gi oo daha, gi maua ai e gimaadeu i de aahe mai. Hagahoou ina omaadeu laangi, bei omaadeu dagodo madagidagi —

Ezekiel 16:43

Go hiidinga koe tee manadua doo masavaa e damaa hine ai, aagai koe ne hai au ga lili i mee nei alodahi, deenei ai, au e sui adu naa donu au hegau ne hai, go de Ia Aamua go Iahweh e hagadaba. E aha, koe tee hai laa hogi dahulinga hakino gee nei madali au hegau baubau alodahi ange laa?

Daniel 9:11

Israel alodahi gu hagahaisala au hainga, ma de hulo gee ai, gilaadeu tee llodo e hagallongo adu gi de goe. Deenei ai, denga hagamalaia ma mee gu hagatoo donu i lodo hainga a Moses, tangada hai hegau o de Maadua, gu gaamai gi gimaadeu, go hiidinga gimaadeu gu hai baasi adu gi de goe i demaadeu haisala.

Hosea 7:10

De lodo maolunga o Israel gu hagabaubau donu huu ia; aagai mee nei alodahi tee maua i de hai ia gi ahe gi daho Tagi Maolunga dono Maadua, aabe ne hai ia gi saalaa ia.

Hosea 7:14

Gilaadeu tee dalodalo mai i de lodo abodonu, aagai e tangi see i honga olaadeu moenga. Gilaadeu ne hagalagolagohia gilaadeu i hiidinga denga grain ma uvaini hoou; aagai gilaadeu ne daahuli gee mai i de au.

Hosea 7:7

Gilaadeu alodahi e vvela bei de mommee dao mee; gilaadeu e daa gi maakau olaadeu dagi. Olaadeu hodooligi alodahi gu odi i de maakau; gai gu deai se gilaadeu e dangidangi mai i de bale.

Luke 24:45

Gai ia ga hhuge alaadeu maanadu gi tonu ange ai gilaadeu gi muna a de Beebaa Dabu.

John 10:35

Gidaadeu e iloo bolo muna a de Beebaa Dabu e dee maua donu i de oha ga hano ai; gai de Maadua tee hagabinga gilaadeu ne gaavange aagena ana muna bolo ni maadua?

John 6:45

Gu sisi i lodo beebaa a denga pelaabisi, ‘Gilaadeu alodahi e agoago naa i daho de Maadua.’ Gai be goai gu langona ma de agoago i daho Tamana e humai gi de au.

John 8:32

gai goodou e iloo ai naa de muna abodonu, gai de muna abodonu ga hai gi ilaage goodou.”

Ephesians 4:21

Goodou gu langona ono dagodo ma de agoago i de mee abodonu i lodo o Iesu.

Deuteronomy 29:4

Aagai Tagi Maolunga tigi hai gi maua e goodou i de tonu ange, gi mee alodahi oodou gu gidee ma de langona, ga dae mai ai gi anailaa nei.

James 1:5

Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.