Daniel 7:2 - De Beebaa Dabu

² Daniel ne hai ange, “Au ne hai dahi midi i de boo; gai au ne gidee denga madangi e haa i dege o de langi e hagabeabeau tai laumalie.

Daniel 7:2 Iomraidhean Croise

Isaiah 17:12

Hagalaangona adu de hagalongaa o denga huaahenua soa; olaadeu leo e bei de saamumu o denga beau! Hagalaangona adu de hellumi o denga huaadangada; gilaadeu e haganngolo bei tai laumalie!

Jeremiah 49:36

Au e gaamai naa denga madangi e haa i dege e haa o de langi gi hai baasi ange gi Elam. Au e hai naa gilaadeu gi mavaevae saele i denga madangi e haa, gai e deai naa donu se huaahenua o dangada o Elam e dee mavaevae saele aagena.

Jeremiah 51:42

Tai e honu age naa ga haoli Babylon, gai denga beau hadihadi mai naa ga haoli de henua.

Daniel 11:4

Gai de masavaa oona ne dae age ai, gai dono nohoanga hodooligi e oha naa ga vaevae ange gi denga dege e haa o de langi; e dee gaavange gi ono hagadiilinga, gai e deai naa hogi sono sauaa e dagi ai, go hiidinga dono nohoanga hodooligi e oha naa ga gaavange gi hanu dangada gee.

Daniel 2:19

Gai gu hagaago ange gi Daniel i de midi de mee e dee iloo laa. Gai Daniel ga tuhi de Maadua o de langi.

Daniel 7:13

Au ne gidee ange hogi i denga midi i de boo, dahi bei dagodo o Tama a Tangada e humai i honga denga giliiga i lo te langi; ia ne humai gi mada luu mada o de Ia mai Madagidagi.

Daniel 7:7

Dua mee nei, gai au ne hai hogi dahi midi i de boo, gai au ne gidee de haa manu dolodolo gu hanage, gai se manu hagamanavasaa ma de hagamaatagu gai e mmahi. Ono niho e nnui ma de makaga bei iron; gai de manu laa e ngungu ma de gai denga manu, ga dagadagahi mee e doe gi lalo luoono vae. Gai e dagodo gee donu ma denga manu ne loage laa i mua, gai e madaangahulu ono hanga.

Daniel 8:2

Au ne galo adu i dagu midi hagaago ange, gai au gu gidee, bolo au gu i de hale buibui makaga go Susa, i de ungaamee go Elam; gai au ne gidee i de midi, bolo au e duu i gaogao ssaalingaa vai go Ulai.

Daniel 8:8

Gai de guudi laa gu hagadaga ange de mmahi. Aagai de masavaa ne kona ai dono mmahi, gai dono hanga laumalie laa gu hadi ga doo, gai gu ssomo age ange e haa hanga nnui i dono duulanga, ga huuhuli ange gi denga dege e haa o de langi.

Zechariah 6:5

Tangada de langi laa ne hai mai gi de au, “Aanei denga madangi e haa o de langi ne ssao mai laa i dua delaadeu hulo gi mada i mua o de Ia Aamua o henua i lalo alodahi.

Matthew 24:31

Gai ia e hai naa gi hulo ana dangada de langi i de ili o de trumpet, gai gilaadeu e hagabuni mai naa ana dangada gu hili i denga madangi e haa, ma mai i dahi bido o de langi ga hano ai gi de bido ange laa.

Revelation 17:15

Gai ia ne hai mai gi de au, “Au vai e gidee naa i de mommee o de hine hai be se manu e noho ai laa, ni huaadangada soa ma huaahenua aama dangada e pasa i denga hagadaagangaa muna.

Revelation 7:1

Dua mee laa gai au ne gidee e dogohaa dangada de langi e tuu i denga dege e haa o henua i lalo, ma e daohi ai de madangi gi dee ssau mai gi henua i lalo ma honga tai, aama honga denga manu ssomo.