Daniel 7:16 - De Beebaa Dabu

¹⁶ Gai au ne hano ga hagabaa ange gi dahi gilaadeu e duu laa i kilaa, ga ssili ange gi de ia de hagadoonunga abodonu o mee laa alodahi. Gai ia ne tala mai ma de hagadonu mai mee laa:

Daniel 7:16 Iomraidhean Croise

Daniel 7:10

Gai e dahi ahi e sali laa bei ssaalingaa vai, e sali mai i ono mada i mua. Gai e mano e hagalagolago ange gi e mano dangada e daumaha ange gi de ia; gai e dahisemada e hagalagolago ange gi e dahisemada dangada e tuu i ono mada i mua. Gai de mommee hagamodu muna gu hagadabena, gai gu hhuge denga beebaa.

Daniel 7:17

‘Denga manu nnui e haa laa ni nohoanga hodooligi e ssula age i henua i lalo.

Daniel 8:17

Gai ia ne humai ga duu i ogu gaogao; gai de masavaa huu oona ne humai ai, gai au gu madagu ga ino luoogu mada gi honga de gelegele. Aagai ia ne hai mai gi de au, “Tama a tangada, koe gi donu ange bolo de midi hagaago ange nei go dagodo o denga laangi hagaodi.”

Daniel 9:22

Gai ia ne tala mai gi donu ange au, ga hai mai, “Daniel, au ne humai e gaavadu gi de goe de heiangi ma de hai gi dahi oo donu ange.

Zechariah 1:19

Gai au ne ssili ange gi tangada de langi e pasa laa gimaau, “Aahee hagadoonunga o denga hanga nei?” Ia ne hai mai, “Aanei hanga ne haia ga mavaevae saele dangada o Judah ma Israel aama Jerusalem.”

Zechariah 2:3

Gai tilo, tangada de langi e pasa laa gimaau ne ngalue mai gi mada i mua, gai e dahi dangada de langi ange ne humai ga hedae ange gi de ia,

Zechariah 3:7

“E hagadaba Tagi o denga hagabuulinga hebagi: Noo koe e hagallongo mai gi de au ma de daohi agu muna, gai koe e dagi naa i dogu hale ma de tilo ange ono buibui, gai au ga gaavadu gi de goe ssauaa madali gilaadeu e tuu nei i kinei.

Revelation 5:5

Gai dahi i magavaa o denga daane maatua e dinolua ma dogohaa laa ne hai mai gi de au, “Aude dangi! Tilo, de laiono o de aamuli o Judah, go de Uli o David, ia gu kii, deelaa ai, ia e maua donu i de oha mee hagamakaga e hidu ma de hhuge de beebaa mulo laa.”