Daniel 6:4 - De Beebaa Dabu

⁴ Gai denga daane hagaseesee ange laa, ma dagi o denga vaaenga ne ssala delaadeu hai e hagabaubau ai Daniel i de hainga. Gai gilaadeu tee gidee dahi mee dee heohi daudahi e hagabaubau ai ia, go hiidinga ia e hai hegau i de mee abodonu, teai hogi se mee hakino gee be se dee kana ange i ono daha.

Daniel 6:4 Iomraidhean Croise

Genesis 41:38

Gai Pharaoh ne ssili ange gi ono dangada hai hegau, “E dahi ange nei daane adaadeu e gide bei dagodo o taane nei, se daane e dagodo de hagasaalunga o de Maadua i ono daha?”

Genesis 43:18

Gai denga daane laa gu maatagu, i de masavaa olaadeu ne gaavee ai gi de hale o Joseph. Gilaadeu ga hagataba, “Gilaadeu ne hai gimaadeu gi loomai gi kinei, i hiidinga o sseene ne hagaahe ange laa gi lodo adaadeu beagi, i de hanonga i mua. Ia gu lodo e hebagi mai ma de hagadee kii gidaadeu, ga kave adaadeu donkey ma de hai gidaadeu gi ni dangada hai hegau niiona.”

Proverbs 29:27

Tangada heohi e kino i tangada baubau, gai tangada baubau e kino i tangada e haia de mee heohi.

Ecclesiastes 4:4

Au ne gidee hogi bolo hegau alodahi ma denga hegau labagau alodahi ne hai i hiidinga de lodo gaiaa o tangada i tangada ange laa. De mee nei e deai hogi ono haigamaiana, gai e bei de ngadi doolohi a tangada de madangi.

Jeremiah 18:18

Gai gilaadeu ne hagataba, “Loomai, gidaadeu ga hai dahi hagatau e hai baasi ange ai gi Jeremiah, go hiidinga de hainga e dee llilo naa donu mai i daho de gau haimeedabu, be go muna bale a taane heiangi, aabe go muna mai i daho denga pelaabisi. Loomai, gidaadeu ga daa Jeremiah i adaadeu muna, gai gidaadeu e dee anga ange donu gi ana muna.”

Jeremiah 18:23

Aagai koe e iloo, e Tagi Maolunga, alaadeu hagatau e daa ai au gi magau. Koe gi dee degi ange gi alaadeu hegau baubau, aabe gi sooloa olaadeu haisala i mada luoo mada. Gai koe hagadee kii ina gilaadeu i oo mada i mua, ma de haele gilaadeu i doo lili.

Jeremiah 20:10

Au e langona dangada soa e hagadau musumusu, De mee hagamaatagu gu i mommee alodahi! “Gaavange ia! Gaavange ia gi de hainga!” Ogu soa alodahi e dagitilo de masavaa oogu e haisala ai, gai gilaadeu ga hagataba, “Kana adu ia e hagasengalia naa; gai gidaadeu ga hagadee kii ia ma de sui ange ana mee ne hai.”

Jeremiah 29:7

Gai goodou haia gi noho baba ma de hagadagadaga age de aduhale aagu gu kave goodou gi nnoho ai, ma de dalodalo ange gi Tagi Maolunga i hiidinga o de aduhale laa, go hiidinga noo gu hagadagadaga age de aduhale, aagai goodou e hagadagadaga age naa hogi.

Daniel 3:8

De masavaa laa gai hanu daane Chaldea ne loomai ga hagabaubau denga daane Ssuu.

Daniel 5:12

go hiidinga e dahi hagasaalunga danuaa mmao, ma de iloo mee, ma de donu ange, ma de maua i de hagadonu denga midi, ma de hagadonu mee hagasengasenga, aama de hai gi iloo denga mee hai ngadaa, e noho i daho taane go Daniel, go taane a de hodooligi ne hagaingoo ange laa go Belteshazzar. Deenei ai, alumia Daniel gi humai, gai ia ga tala adu de hagadoonunga o muna nei.”

Daniel 6:22

Dogu Maadua ne hai gi humai dono dangada de langi, gi bonodia ngudu o denga laiono. Deenei ai, gilaadeu tee hagalagohia donu au, go hiidinga au tigi haisala ange donu gi de ia. De hodooligi, tigi ai hogi se mee dee heohi aagu gu hai adu gi de goe.”

Matthew 26:4

e hagasaele ange ai delaadeu hai e poo hagammuni ai Iesu e daa gi magau.

Matthew 27:18

Gai Pilate gu iloo bolo, dagi o de gau Ssuu ne gaavange Iesu, i hiidinga delaadeu llodo gaiaa.

Luke 20:20

Gai gilaadeu ne dagitilo Iesu ma de hai gi hulo de gau mulidagi gi ono daha, gilaadeu ne hagassee bolo e hai hegau i de muna abodonu. Gai gilaadeu ne hagallongo ana muna e tilo be e hanu alaadeu mee e gaavange ai ia e hagamodu ono muna i de hainga ma ssauaa o de goobenaa.

Luke 20:26

Gai gilaadeu gu dee maua i de hagabaubau ia i ana muna i magavaa o dangada. Gilaadeu gu llele mouli i ana muna ne basa ange ai, gai gilaadeu gu dee mmuu.

Luke 22:2

Aagai de gau haimeedabu maolunga ma de gau sisi ne hagasaele delaadeu hai e daa ai Iesu gi magau; gai gilaadeu e maatagu i dangada.

John 19:4

Gai Pilate ga sao ange hogi gi duaahaho ga hai ange gi de gau Ssuu, “Tilo, au ga hagasao mai nei ia e gaavadu gi goodou, gai goodou gi iloo bolo au tee gidee donu dahi haisala daudahi i ono daha.”

2 Corinthians 11:12

Gai au e duudagi naa donu huu de hai agu mee e hai nei, e hai ai gi dee maua e gilaadeu e llodo naa e tala bolo alaadeu hegau e bei donu amaadeu hegau e hai nei.

Philippians 2:15

gi dee haisala ai goodou, gai gi gilimalali bei dagodo dama a de Maadua e heohi abodonu laa, i doodou nnoho i magavaa o de atangada baubau ma de hai alaadeu hai, gai goodou gi ni mee e hagamaalama ina dangada, bei dagodo o denga heduu e hagamaalama ina laa lo te langi i lunga,

1 Timothy 5:14

Deenei ai, au e maanadu bolo denga haahine gu maakau olaadeu bodu goi dama daane laa gi aahe ange gi hai bodu, ga haanau hanu dama, ma de tilo ange olaadeu huaabodu, gi dee maua ai e de hagadaumee i de hagabaubau gidaadeu.

Titus 2:8

gai au mee e agoago ai gi dee maua e dangada i de hagabaubau, gai gi dogaa ai tangada e hai baasi adu gi de goe, gu deai ana mee e maua i de hagabaubau ai gidaadeu.

1 Peter 2:12

Gai goodou gi dahulinga danuaa i magavaa o denga Gentile, e dee galemu donu delaadeu tala bolo goodou e hai de baubau, gai ga gidee naa huu e gilaadeu oodou hegau danuaa, gai gilaadeu ga tuhi de Maadua i dono laangi e humai ai.

1 Peter 3:16

gai goodou haia gi gilimalali tagi i oodou lodo, gi dookaa ai gilaadeu e hagabaubau ina oodou hegau danuaa i lodo o Klisdo, i delaadeu hagabaubau goodou.

Judges 14:4

(Gai luoono maadua tee iloo e gilaau bolo de mee laa se mee mai i daho Tagi Maolunga, go hiidinga ia e ssala dahi hai e hai baasi ange ai gi de gau Philistia. De masavaa laa gai de gau Israel e nnoho i lalo o de gau Philistia.)

1 Samuel 12:4

Gai gilaadeu ga hai ange, “Koe tee gaiaa donu amaadeu mee be ne vaivai hai gimaadeu, aabe ne kave mee a dahi dangada.”

1 Samuel 18:14

Gai hegau alodahi a David ne hai e ssula danuaa, go hiidinga Tagi Maolunga e noho i ono daha.

1 Samuel 22:14

Gai Ahimelek ga hai ange gi de hodooligi, “Goai i magavaa o oo daane hai hegau, e bei dagodo o doo saulaba go David, i dono hai hegau i de mee abodonu, gai go tagi o oo daane hagaloosi, aama de laumalie dono hagadubu i daho dangada i doo hale?