Daniel 6:26 - De Beebaa Dabu

²⁶ Au gu hagasauaa dahi hainga i dogu nohoanga hodooligi alodahi, bolo dangada alodahi gi maatagu ma de hagadubu de Maadua o Daniel. Go ia de Maadua e mouli laa ga hano ai e dee ngado mai; dono nohoanga hodooligi e dee oha naa donu, dono sauaa e dagi ai e deai naa donu se odi.

Daniel 6:26 Iomraidhean Croise

Ezra 1:3

Gai be goai naa huu i oodou magavaa e lodo e hano gi Jerusalem i Judah — dono Maadua gi madali ia, gai ia ga hanage gi Jerusalem i Judah, ga hagaduu age ai de hale o Tagi Maolunga, de Maadua o Israel, go de Maadua e noho laa i Jerusalem.

Ezra 7:21

Gai au, de hodooligi go Artaxerxes, e hai adu gi goodou de gau doange i baasi dai o Euphrates: goodou hagamoolau haia mee alodahi a Ezra, tangada haimeedabu e agoagona laa de hainga a de Maadua o de langi, e tala adu gi goodou —

Psalm 119:120

Dogu angaanga gu bolebole i dogu madagu i de goe, gai au e madagu i au hagamodu.

Psalm 146:10

Tagi Maolunga e hodooligi ga hano ai; Zion, doo Maadua e hodooligi i denga atangada alodahi. Duuhia Tagi Maolunga!

Psalm 2:11

Daumaha ange gi Tagi Maolunga i de maatagu, gai gi malangilangi ma de bolebole.

Psalm 29:10

Tagi Maolunga e noho i honga vai o tolona; Tagi Maolunga gu hodooligi ga hano ai.

Psalm 42:2

Au e lodo mmao i de Maadua, go de Maadua e mouli laa. Gai go aahee oogu e humai ai gi mada luu mada o de Maadua?

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Isaiah 9:7

Gai dono nohoanga hodooligi ma de nnoho paba e hagadagadaga, e deai naa donu se odi. Gai ia e dagi naa i de nohoanga o David, ma dono nohoanga hodooligi, gai ia e hai naa gi duu gi makaga ma tee ngalungalue i de hagamodu e soe ma de heohi, mai i de masavaa laa ga hano ai. Go de lodo mmahi o Tagi o denga hagabuulinga hebagi e hagassula ina de mee nei.

Jeremiah 10:10

Aagai Iahweh go de Maadua abodonu; go ia de Maadua e mouli laa, ma de Hodooligi e dee ngado mai. Dono bole e hagangalungalue de henua, gai denga huaahenua e dee pau ange gi dono bole.

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Daniel 3:29

Deenei ai, au e hagailoo bolo be goai naa huu dangada mai i dahi huaahenua, aabe go dangada e pasa i denga hagadaagangaa muna alodahi, e daalaa hanu muna e hai baasi ange ai gi de Maadua o Shadrak, ma Meshak aama Abednego, gai e duuduu olaadeu angaanga gi too dagidahi, ma de oha olaadeu hale ga hai gi ni hagabuudungaa gainga, go hiidinga tigi ai ange donu se Maadua ne maua i de hagaola dahi, bei dana hai ne hagaola ai nei.”

Daniel 4:3

Ana hagailonga e maolunga mmao, gai ana hegau hagalele mouli e mmahi mmao! Dono nohoanga hodooligi e dee ngado mai donu, gai dono sauaa e dagi ai e dagodo naa donu huu i denga atangada alodahi.

Daniel 4:34

Gai ga odi huu denga ngadau e hidu laa, gai au, Nebuchadnezzar, ga galo age gi de langi, gai dogu biho gu ahe ange ga danuaa. Gai au ga tuhi de Ia Maolunga Mmao laa ma de hagadubu de ia e mouli laa ga hano ai. Dono sauaa e dagi ai e dee ngado mai donu; dono nohoanga hodooligi e dagodo naa donu huu i denga atangada alodahi.

Daniel 6:20

De masavaa oona ne dae ai gi kilaa, gai ia ga oo ga hagahi Daniel, ga hai ange, “Daniel, tangada hai hegau o de Maadua e mouli laa, de Maadua oou e daumaha ange naa aagena i masavaa alodahi ne hagaola naa goe mai i denga laiono?”

Daniel 7:14

Gai gu gaavange gi de ia ssauaa e dagi ai, ma de mahamaha, ma de nohoanga hodooligi; gai denga hagadaagangaa dangada alodahi, ma huaahenua, aama huaadangada e pasa i denga hagadaagangaa muna gi daumaha ange gi de ia. Gai dono sauaa e dagi ai e dee ngado mai, gai dono nohoanga hodooligi e dee maua naa donu i de oha.

Daniel 7:27

Gai ssauaa e dagi ai, ma de mmahi aama de mahamaha o denga nohoanga hodooligi i lalo de langi alodahi, e gaavange naa gi de gau dabu, go dangada o de Ia Maolunga Mmao laa. Gai dono nohoanga hodooligi e dagodo naa donu huu ga hano ai, gai dagi alodahi e daumaha ange naa gi de ia ma de hagallongo ange gi de ia.’

Hosea 1:10

Aagai de soa o dangada o Israel e bei naa de lagolago o denga gelegele i gabugabu tai, e dee maua laa i de hagabau aabe go de dau. Gai de mommee gu tala ai laa olaadeu dagodo ma gu hai ange, “Goodou e dee go ogu dangada,” e sui naa ga hai ange, “Goodou go dama a de Maadua e mouli laa.”

Malachi 3:6

“Go au go Iahweh, au e dee sui donu. Deelaa ai, goodou denga hagadiilinga o Jacob tee odi i de maakau.

Matthew 6:13

Gai gi dee dagia ange gimaadeu gi de hagatale, aagai hagaola ina gimaadeu mai i de ia baubau laa.’

Luke 1:33

gai ia e dagi naa dangada o Jacob ga hano ai; gai dono nohoanga hodooligi e deai naa donu se odi.”

Luke 12:5

Aagai au e tala adu be goai e heohi doodou maatagu ai: goodou maatagu i de ia e maua i de daa gi maakau, gai muli mai e dahi ono sauaa e tili ange ai goodou gi lo te ahi. Au e hai adu gi goodou: goodou maatagu i de ia!

Acts 17:25

Gai e dee ni dangada e hai hegau ange gi de ia, e dagodo be ia e duasala i dahi mee. Aagai go ia donu e gaavange gi dangada alodahi de mouli, ma de madangi olaadeu e manamanava ai aama mee ange alodahi.

Romans 9:26

Gai de mommee ne hai ange ai laa gi gilaadeu, ‘Goodou e dee ni dangada niiogu,’ gai go kilaa hogi olaadeu e hagabinga ai bolo go dama a de Maadua e mouli laa.”

Deuteronomy 5:26

Gai gu dahi ange laa dangada ne langona de leo o de Maadua e mouli laa, e basa mai ai i lo te ahi, bei demaadeu hai ne langona ai anailaa nei, gai ia goi mouli huu?

1 Thessalonians 1:9

Gai dangada gu tala dagodo o doodou abodonu mai gi gimaadeu, ma doodou daahuli gee mai i denga diinonga ga hai daumaha ange gi de Maadua abodonu e mouli laa,

Hebrews 12:29

go hiidinga taadeu Maadua e bei de ahi ula e duungia mee alodahi.

James 1:17

Mee danuaa alodahi ma mee ngadi gaavange abodonu ni mee mai i lunga, i daho Tamana o denga maalama e deai laa se sui ono dagodo, bei dagodo o de gohu e hano laa ga lilo.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

Revelation 4:10

gai denga daane maatua e dinolua ma dogohaa laa ga hagabaakuu gi honga de gelegele ga daumaha ange gi de ia e noho laa i honga de nohoanga laa, go de ia e mouli laa ga hano ai e dee ngado mai. Gai gilaadeu ga dugu ange olaadeu hau goolo gi mada i mua o de nohoanga laa, ga hagataba,

Revelation 5:14

Gai denga mee mouli e haa laa ga hagataba, “Amen,” gai denga daane maatua laa ga ino gi lalo ga daumaha.

1 Samuel 17:26

Gai David ne ssili ange gi denga daane e tuu laa i ono gaogao, “Se aha e hai ange gi taane e daia gi magau taane Philistia nei, gi dee basa hagamaolunga ai e ia de gau Israel? Gai se aha taane Philistia tigi tuu dagaholiage naa, gai ia ga basa hagamaolunga ai i de hagabuulinga hebagi o de Maadua e mouli laa?”

1 Samuel 17:36

Doo dangada hai hegau ne daa dahi laiono ma dahi bea; gai taane Philistia tigi tuu dagaholiage naa e bei naa donu dagodo o dahi luu manu laa, go hiidinga ia e basa hagamaolunga i de hagabuulinga hebagi o de Maadua e mouli laa.”