Daniel 5:23 - De Beebaa Dabu

²³ Aagai koe ne hagamaolunga ma de hai baasi ange gi de Ia Aamua o de langi. Koe ne gaamai denga ubu o dono temple gi oo mada i mua, gai goodou ma oo dangada aamua, ma oo bodu, aama oo bodu laa daha ga unu ai denga uvaini. Gai koe ga tuhi ai denga diinonga selevaa, ma goolo, ma bronze, ma iron, ma laagau aama hadu, go diinonga e dee gidee laa be e langona, aabe e iloo hanu mee. Aagai koe tee hagadubu de Maadua abodonu e daohia naa doo mouli aama au mee alodahi e hai.

Daniel 5:23 Iomraidhean Croise

Genesis 14:19

Gai ia ne hagamanuuia Abram ga hagadaba, “De Maadua Maolunga Mmao laa e hagamanuuia Abram, go de ia ne haia de langi ma henua i lalo.

Genesis 2:7

Gai Tagi Maolunga go de Maadua ga hagaholi tangada mai i bela o de gelegele, gai ia ga busi ange de madangi o de mouli gi lodo luoono bongaa usu, gai taane laa gu se dangada e mouli.

2 Kings 14:10

Ni muna abodonu koe ne hagadee kii Edom, deelaa ai, koe gu lodo maolunga. Koe gi duuhia doo kii, aagai koe noho i doo hale! Gu aha gu lodo ai goe e hagahale de hai ngadaa ga hidi mai ai doo hagadee kii ina madali dangada o Judah alodahi?”

De Beebaa go Job 12:10

Ia e daohi mouli o mee alodahi, ma manava o dangada alodahi.

De Beebaa go Job 31:4

E aha, de Maadua e dee gidee agu mee e hai, gai e dau hanonga e lagalaga ai luoogu vae?

Psalm 104:29

Koe ne hagammuni luoo mada, gai gilaadeu gu maatagu; noo koe gu kave olaadeu manava, gai gilaadeu gu maakau, ga aahe ange gi de gelegele.

Psalm 115:16

De langi niio Tagi Maolunga, aagai henua i lalo gu lava i dana gaavange gi dangada.

Psalm 139:3

Koe gu gidee danuaa dogu seesee saele aama dogu dagodo iho, gai koe e donu danuaa ange donu gi ogu dagodo alodahi.

Psalm 146:4

De masavaa naa huu e odi ai dana manava, gai ia e aahe ange gi de gelegele; de laangi laa gai ana hagatau gu ni ngadi mee.

Proverbs 20:24

Go Tagi Maolunga e dagina de haiava o tangada. Gai dee hee ai naa de hai a dahi dangada e donu ange ai gi de haiava oona e hano ai?

Isaiah 13:11

Au e hagaduasala naa henua i lalo, ma de gau baubau i hiidinga olaadeu haisala. Au e hai naa gi dee llodo maolunga de gau hagamaolunga, ma de hai gi maolalo de gau alasala e llodo maolunga laa.

Isaiah 14:13

Koe ne hagadaba i oo lodo, ‘Au e hanage naa gi dae gi de langi; au e hai naa dogu nohoanga hodooligi gi maolunga ange i denga heduu a de Maadua; au e noho i honga de mounga e hagabuni ai laa go de mommee maolunga hugadoo o de mounga dabu.

Isaiah 2:12

Tagi o denga hagabuulinga hebagi gu hagadabena dahi laangi ange gi gilaadeu alodahi e llodo maolunga ma de hagamaolunga, ma gilaadeu e hagaamua ina gilaadeu, (gai gilaadeu alodahi e hai naa ga maolalo),

Isaiah 33:10

E hagadaba Tagi Maolunga, “Iainei gai au ga hidi age nei; iainei gai au e hagaamua naa; iainei gai au e hai naa ga maolunga.

Isaiah 37:19

gai ne tili ange olaadeu diinonga gi lo te ahi ga dudu ai, go hiidinga diinonga laa e dee ni maadua abodonu, gai ni mee nii dangada ne hagatuu i laagau ma hadu. Deelaa ai, gilaadeu gu lava i de oha.

Isaiah 37:23

Goai donu aau ne hagadogaa laa ma de hagangadi mee? Gai goai aau ne basa bole ange naa ma de hagamaolunga ange aagena? Koe gu hai baasi ange donu gi de Ia Dabu o Israel!

Isaiah 42:5

Aanei muna a de Maadua, Tagi Maolunga e tala, go de ia ne hagadau ina de langi ga doha gi daha, gai go ia ne hoolaa henua i lalo ma mee alodahi ne loomai ai, ma de hai gi manavanava dangada e nnoho ai, ma de gaavange de manava o de mouli gi dangada i kilaa:

Jeremiah 10:23

Tagi Maolunga, au e iloo bolo de haiava o tangada e dee go ia e hilihilia, gai e dee go ia e dagina dono haiava e seesee ai.

Jeremiah 48:26

Haia ia gi unu gi senga, go hiidinga ia gu hagamaolunga i Tagi Maolunga. Haia Moab gi dagodo i lodo ono hagalueia; haia ia gi se mee e hakadanga ai dangada.

Jeremiah 50:28

Hagalaangona adu leo o dangada e silivaahea saele ma gilaadeu ne saavini ga hulo gee mai i Babylon, ma gi hagailoo ina i Zion de hai a Tagi Maolunga, taadeu Maadua, ne sui ange ai mee ne hai ange gi dono temple.

Jeremiah 50:29

Hagahia gilaadeu e damaa tili gi hebagi ange ai gi Babylon, go gilaadeu e dilia denga mee hholu. Gilaadeu gi holiagina de henua laa, gai gi dee dugua donu dahi dangada daudahi gi ola. Hagao ina ange ana hegau baubau; gai suuia ange gi bei ana hegau gu hai. Go hiidinga de henua laa gu hagamaolunga i Tagi Maolunga, de Ia Dabu o Israel.

Ezekiel 28:17

Koe ne lodo maolunga i hiidinga doo tilo danuaa, gai koe ne oha doo heiangi i hiidinga doo mahamaha. Gai au ne tili iho goe gi henua i lalo; au ne hai goe gi se mee hagakana niio denga hodooligi.

Ezekiel 28:2

“Tama a tangada, hai ange gi de hodooligi o Tyre, ‘E hagadaba de Ia Aamua go Iahweh: Koe e hagadaba i doo lodo maolunga, “Au se maadua; au e noho i honga de nohoanga o dahi maadua, i lo te ungaalodo o de moana.” Aagai koe se dangada donu huu, e dee se maadua, gai koe e maanadu bolo koe e heiangi bei dahi maadua.

Ezekiel 28:5

Doo heiangi i de hagao mee, gu hai ma gu kona doo lava, gai koe gu hagamaolunga i hiidinga o doo lava.

Ezekiel 31:10

Deenei ai, e hagadaba de Ia Aamua go Iahweh: go hiidinga de manu laa gu looloa mmao gai dono ulu e daea age denga giliiga, gai ia ne lodo maolunga i hiidinga dono looloa,

Daniel 11:12

Gai de masavaa naa huu aana e kave gee ai dangada soa, gai de hodooligi o ngaage gu kona de hagamaolunga, gai ia e daa naa ga maakau dangada soa mmao, aagai e dee duudagi naa donu dono kii.

Daniel 4:37

Gai au, Nebuchadnezzar, ne tuhi ma de hagaamua, ma de hagadubu de Hodooligi o de langi; go hiidinga ana hegau alodahi e heohi, gai ono haiava alodahi e dee haisala donu. Gai ia e hagamaolalo gilaadeu alodahi e llodo maolunga.

Daniel 8:11

Gai de hanga laa ne hai ia gi maolunga bei Tagi o denga hagabuulinga hebagi; de hanga laa ne hai gi dee hai denga sigidaumaha i de laa tubua e hai ange laa gi de ia, ma de oha dono mommee dabu.

Habakkuk 2:4

Tilo, ia e lodo maolunga, gai ono lodo e dee heohi; aagai tangada heohi e mouli donu i dono gai.

Acts 17:25

Gai e dee ni dangada e hai hegau ange gi de ia, e dagodo be ia e duasala i dahi mee. Aagai go ia donu e gaavange gi dangada alodahi de mouli, ma de madangi olaadeu e manamanava ai aama mee ange alodahi.

1 Corinthians 8:4

Gai aanei dagodo o de gai mee gu sigidaumaha ange laa gi denga diinonga: gidaadeu e iloo bolo “tiinonga e dee se mee abodonu,” aagai “e dahi donu huu Maadua abodonu.”

1 Timothy 3:6

Tagi gi dee se dangada se goodo dahuli ono lodo, ana vakaa ga hagasoenga hagamaolunga ia, gai ia gu duu ange hogi gi de hagaduasala o de ia hagabaubau ne doo ange laa aagena.

Hebrews 4:13

Gai e deai donu se mee daudahi e lilo i mada luu mada o de Maadua, aagai mee alodahi e maahuge ma tee maua i de hagammuni i mada luu mada o de ia adaadeu e tala ange mee alodahi aagena.

Revelation 9:20

Gai dangada e doe tee maakau i denga mee hagamaakau laa, tee tili donu mee ne hai i olaadeu lima, gai tee tuu hogi delaadeu daumaha ange gi denga hagasaalunga ma diinonga ne hai laa i olaadeu lima, i goolo ma selevaa ma bronze ma hadu aama laagau, go mee e dee maua laa i de tilo be langona aabe go de seesee.

Judges 16:23

Gai denga dagi o de gau Philistia ne hagabuni e hai ssigidaumaha laumalie ange gi delaadeu diinonga go Dagon, ga malangilangi ai; go hiidinga gilaadeu ne hagataba, “Taadeu diinonga gu dugu mai gidaadeu gi hagadee kii ina taadeu hagadaumee go Samson.”

1 Samuel 17:26

Gai David ne ssili ange gi denga daane e tuu laa i ono gaogao, “Se aha e hai ange gi taane e daia gi magau taane Philistia nei, gi dee basa hagamaolunga ai e ia de gau Israel? Gai se aha taane Philistia tigi tuu dagaholiage naa, gai ia ga basa hagamaolunga ai i de hagabuulinga hebagi o de Maadua e mouli laa?”

1 Samuel 17:36

Doo dangada hai hegau ne daa dahi laiono ma dahi bea; gai taane Philistia tigi tuu dagaholiage naa e bei naa donu dagodo o dahi luu manu laa, go hiidinga ia e basa hagamaolunga i de hagabuulinga hebagi o de Maadua e mouli laa.”