Daniel 5:11 - De Beebaa Dabu

¹¹ E dahi daane i doo nohoanga hodooligi, e noho de hagasaalunga o denga maadua dabu i ono daha. De masavaa o doo damana, gai ne gidee mai bolo de iloo mee ma de maalama, ma de donu ange, aama de heiangi bei de heiangi o denga maadua e daakodo i ono daha. Gai doo damana go de hodooligi go Nebuchadnezzar, ne hai ia go tagi o de gau hai sauaa, ma de gau hai huuhuaa mee, ma de gau Chaldea, aama gilaadeu e tonu ange gi mee i lo te langi,

Daniel 5:11 Iomraidhean Croise

Genesis 41:38

Gai Pharaoh ne ssili ange gi ono dangada hai hegau, “E dahi ange nei daane adaadeu e gide bei dagodo o taane nei, se daane e dagodo de hagasaalunga o de Maadua i ono daha?”

2 Samuel 14:17

Gai au ne maanadu, bolo muna a de hodooligi e hai naa ga baba ogu lodo; go hiidinga koe, dogu dangada aamua go de hodooligi, e maua i de vvae tanuaa mai i de baubau, bei dagodo o tangada de langi o de Maadua. Tagi Maolunga doo Maadua gi noho i oo daha!”

Ezekiel 28:3

Gai koe e kii ange doo iloo mee i Daniel; e deai se mee daudahi e hagammuni i de goe.

Ezekiel 28:4

Doo iloo mee ma doo donu gu hai goe ma gu lava, gai koe gu hagabudu goolo ma selevaa lagolago i lodo oo mommee doange.

Daniel 1:4

gai e deai mee baubau i angaanga o denga dama daane laa, gilaadeu e mahamaha, ma de heiangi i de ago denga hagadaagangaa mee alodahi, ma de iloo mee, aama de heohi ange gi de hai hegau i de hale o de hodooligi. Gai ia gi agoagona ange gilaadeu i muna o de henua ma mee gu sisi i lodo beebaa a de gau Babylon.

Daniel 2:11

De mee a de hodooligi e ssili naa se mee hai ngadaa donu, gai e deai donu se dangada e maua i de hagaago ange gi de hodooligi, go denga diinonga donu huu, gai gilaadeu e dee nnoho madali dangada.”

Daniel 2:22

Ia e hagaago mai mee e dee tonu ange dangada aagena ma de hagammuni; ia e iloo mee i lo te gohu; gai de maalama e dagodo i ono daha.

Daniel 4:18

Deenei dagu midi ne hai, go au go Nebuchadnezzar, de hodooligi. Gai koe, Belteshazzar, daalaa mai dono hagadoonunga, go hiidinga e deai ange donu se daane heiangi, i dogu nohoanga hodooligi e maua i de tala mai dono hagadoonunga. Aagai koe e maua, i hiidinga de hagasaalunga o denga maadua dabu e nnoho i oo daha.”

Daniel 4:5

Gai au ne hai dahi midi hagamaatagu. De masavaa oogu e dagodo ai i honga dogu moenga, gai agu mee e maanadu ma agu midi ne hagamadagu au.

Daniel 4:6

Gai au ga hagadaba bolo gi gaamai denga daane heiangi alodahi o Babylon gi ogu mada i mua, gai gilaadeu ga tala mai ai gi iloo e au de hagadoonunga o dagu midi.

Daniel 5:14

Au gu langona bolo de hagasaalunga o denga maadua e noho i oo daha, gai de maalama, ma de donu ange, aama de heiangi laumalie e dagodo i oo daha.

Daniel 5:7

Gai de hodooligi ga oo ga hagahi dahi gi gaamai de gau hai huuhuaa mee, ma de gau Chaldea, aama gilaadeu e iloo mee o lo te langi. Gai de hodooligi ne hai ange gi denga daane heiangi o Babylon, “Be goai naa huu e maua i de dau muna gu sisi nei ma de tala mai dono hagadoonunga, gai au e hakahu ange naa ia i de malo purple, ma de hagauda ange de hau goolo gi dono ua, ga hai ia go togodolu de maolunga i de nohoanga hodooligi.”

Acts 12:22

Gai dangada ne hevaalogi ga hagataba, “De leo nei go de leo o dahi diinonga, e dee go de leo o dahi dangada!”

Acts 14:11

Gai de masavaa huu a dangada ne gidee ai mee a Paul ne hai, gai gilaadeu ga hevaalogi ga hagataba i muna Lycaonia, “Hanu diinonga gu hagadulagi ange gi dangada ma gu loiho gi odaadeu magavaa!”

Acts 16:16

Dahi laangi gai gimaadeu ne hulo gi de mommee dalodalo, gai gimaadeu ne hedae ange gi dahi damaa hine gu noho ai dahi hagasaalunga baubau, e daalaa laa mee tigi loomai. Gai ne hai ga lagolago sseene a dono dangada aamua i dana tala mee tigi loomai.

Revelation 3:9

Tilo, au e hai naa dangada o synagogue o Satan e hagataba laa bolo gilaadeu ni dangada Ssuu, aagai e dee ni dangada Ssuu abodonu, gai gilaadeu e hadu muna — au e hai naa gilaadeu gi loomai gi ino gi lalo i gaogao luoo vae, gi iloo ai e gilaadeu bolo au e aloha i de goe.