Daniel 4:31 - De Beebaa Dabu

³¹ De masavaa a de hodooligi e tala ai ana muna nei, gai gu humai dahi leo i de langi, ga hai ange, “De hodooligi go Nebuchadnezzar, aanei mee gu hagamodu adu gi de goe: doo nohoanga hodooligi e kave gee naa mai i oo daha.

Daniel 4:31 Iomraidhean Croise

Genesis 14:18

Gai Melkizedek, de hodooligi o Salem ne humai hogi ga gaamai hanu pelaoaa ma hanu uvaini. Taane nei go tangada haimeedabu o de Maadua Maolunga Mmao laa.

De Beebaa go Job 20:23

De masavaa oona ne bosu ai, gai de Maadua e hagaduasala naa ia i dono lili ma de hai gi hano iho gi ono elunga.

Psalm 145:13

Doo nohoanga hodooligi e dee ngado mai donu, gai doo sauaa e dagi ai e dagodo i denga atangada alodahi. [Tagi Maolunga e hai hegau i de mee abodonu i ana hagatoo donu alodahi, ma de malangilangi i mee alodahi aana ne hai.]

Proverbs 29:23

De lodo maolunga o tangada e hai ga maolalo ia, aagai tangada lodo maolalo e kave naa de hagadubu.

Isaiah 14:27

Tagi o denga hagabuulinga hebagi gu hai dahi hagamodu, gai goai naa e maua i de buibui gi dee hai? Dono lima gu hagaabo, gai goai naa e maua i de hagaahe dua?

Daniel 12:7

Gai taane e gahu laa i malo linen ma e duu ai i honga vai o ssaalingaa vai, ne haalo luoono lima gi lunga; gai au ne langona ia e hagatoo donu i de ingoo o de ia e mouli laa ga hano ai, ga hagadaba, “E dahi masavaa, ma hanu masavaa, aama e dahi baasi masavaa. Gai de masavaa naa huu e lava ai de hagaduasala o de huaadangada dabu laa, gai mee nei alodahi gu lava.”

Daniel 4:24

De hodooligi, deenei de hagadoonunga. De mee nei se hagailoo nii de Ia Maolunga Mmao laa ne gaamai gi de goe, dogu dangada aamua go de hodooligi.

Daniel 4:26

Gai ne tala ange bolo gi dugua tahido o de manu somo laa ma ono aga i lo te gelegele; e bei, doo nohoanga hodooligi e hagaahe adu naa gi de goe i de masavaa aau e donu iho ai bolo ssauaa e dagi ai niio de Langi.

Daniel 4:30

gai ia ne hagadaba, “E aha, e dee deenei Babylon maolunga aagu ne hagaduu laa i ogu mahi donu, ga hai ai de mommee noho o de hodooligi ma de hagamahamaha ai dogu nohoanga hodooligi?”

Daniel 4:32

Koe e hano gee naa i daho dangada ga noho madali denga manu aada i lodo henua. Koe e gai naa helii bei denga kaau, ga dae ai gi de odi ange de hidu ngadau, gai koe gu donu iho bolo go de Ia Maolunga Mmao laa e dagina denga nohoanga hodooligi o dangada, gai go ia e dugua ange be goai aana e lodo e gaavange aagena.”

Daniel 4:34

Gai ga odi huu denga ngadau e hidu laa, gai au, Nebuchadnezzar, ga galo age gi de langi, gai dogu biho gu ahe ange ga danuaa. Gai au ga tuhi de Ia Maolunga Mmao laa ma de hagadubu de ia e mouli laa ga hano ai. Dono sauaa e dagi ai e dee ngado mai donu; dono nohoanga hodooligi e dagodo naa donu huu i denga atangada alodahi.

Daniel 5:20

Aagai de masavaa huu oona ne lodo maolunga ai ma de hagamakaga ono lodo i dono hagamaolunga, gai dono nohoanga hodooligi ma dono mahamaha gu kave gee mai i ono daha.

Daniel 5:28

Peres: Doo nohoanga hodooligi gu vvae lua ma gu gaavange gi de gau Media ma de gau Persia.”

Daniel 6:27

Ia e hagaola ma de hagamouli, ia e hai denga sauaa ma mee hagalele mouli i de langi ma henua i lalo. Ia ne hagaola Daniel mai i denga laiono mmahi.”

Matthew 3:17

Gai tilo, de leo mai i de langi ne hagadaba, “Deenei dagu Dama Daane hagamogomogo, au e malangilangi i de ia.”

Luke 12:20

Aagai de Maadua ga hai ange gi de ia, ‘Taane lodo senga! Aaboo nei gai au ga kave nei doo mouli, gai goai ai naa e hagadanuaa i mee aau gu hagadabena adu naa gi de goe?’

John 12:28

Tamana, hagamahamaha ina doo ingoo.” De masavaa laa donu huu gai gu langona de leo mai i de langi, e hagadaba, “Gu lava donu i dagu hagamahamaha dogu ingoo, gai au e ahe ange naa hogi ga hagamahamaha.”

1 Thessalonians 5:3

De masavaa a dangada e hagataba ai, “Gu nnoho paba dangada ma tee manavasaa,” gai gu moolau donu de dae mai de hagaduasala, bei dagodo o de hai hagalangona o de hine gu dai haanau, aagai e deai donu e maua i de saavini e hulo gee.

Revelation 16:7

Gai au ne langona de mommee o ssigidaumaha ne basa ga hai ange, “Uaa, Tagi Maolunga de Maadua Mmahi Mmao laa, au hagamodu muna ni muna abodonu gai e heohi!”

1 Samuel 13:14

Aagai iainei doo nohoanga hodooligi e dee duudagi naa donu. Gai Tagi Maolunga gu ssala dahi dangada e haia ono lodo; Tagi Maolunga gu hili ange ia gi dagina ono dangada, go hiidinga koe tee daohi muna a Tagi Maolunga gu tala adu gi de goe.”

1 Samuel 15:23

De hai baasi ange gi de ia e bei de hai huuhuaa mee, gai de lodo maolunga e bei de daumaha ange gi denga diinonga. Go hiidinga koe ne kino i muna a Tagi Maolunga, deelaa ai, ia gu kino hogi i de hai goe gi hodooligi.”