Daniel 4:17 - De Beebaa Dabu

¹⁷ De hagamodu nei se mee ne hagasauaa mai i daho de gau de langi, go de gau dagitilo, gai se hagatau mai i daho de gau dabu, gi iloo ai e dangada alodahi e mouli bolo go de Ia Maolunga Mmao laa e dagina denga nohoanga hodooligi o dangada, gai ia e gaavange be goai aana e lodo e gaavange aagena, ma de hai gilaadeu e lodo maolalo gi dagi ai.’

Daniel 4:17 Iomraidhean Croise

1 Kings 21:25

(Gai teai ange donu se dangada ne bei dagodo o Ahab, ia ne dugu ange ia gi de baubau i mada luu mada o Tagi Maolunga, gai dono bodu go Jezebel ne usuusu ange ia.

2 Chronicles 28:22

Gai dono masavaa ne hai ngadaa ai, gai de hodooligi go Ahaz gu kii ange donu dono dee hai hegau ange gi Tagi Maolunga i de muna abodonu.

Psalm 103:19

Tagi Maolunga gu hagaduu dono nohoanga hodooligi i de langi, gai dono nohoanga hodooligi e dagi mee alodahi.

Psalm 12:8

De gau baubau e hulo gi mommee alodahi, i de masavaa a dangada e tuhi ai de mee hakino gee.

Psalm 9:16

Tagi Maolunga gu hagaago mai ono dagodo, i dana hagamodu muna i de heohi; de gau baubau gu boogia mai i alaadeu hegau baubau. Higgaion. Selah

Exodus 9:16

Aagai au ne dugu goe gi mouli e hagaago adu ai gi de goe dogu sauaa mmahi, gi hagadeledele danuaa ai dogu ingoo i henua i lalo alodahi.

Isaiah 6:3

Gai gilaadeu e hagadau pasa ma e hagataba, “E dabu, e dabu, e dabu Tagi o denga hagabuulinga hebagi, henua i lalo alodahi gu honu i dono mahamaha.”

Isaiah 6:8

Gai au ne langona de leo o de Ia Aamua laa e hagadaba, “Goai aagu e hai gi hano? Gai goai e suuia gimaadeu e hano ai?” Gai au ga hai ange, “Deenei au, haia au gi hano!”

Ezekiel 25:17

Gai au ga sui ange ai alaadeu hegau, ma de hagaduasala gilaadeu i dogu bole. Gai gi iloo ai e gilaadeu bolo go au donu go Iahweh, i de masavaa aagu e hagaduasala ai gilaadeu.”

Ezekiel 7:24

Gai au e gaamai naa de gau baubau hugadoo i denga huaahenua gi gaavee olaadeu hale gi nnoho ai; gai au e hai naa gi deai se hagamaolunga o olaadeu daane mmahi, ma de hai gi dee gilimalali olaadeu mommee daumaha.

Daniel 11:21

Gai dono duulanga e gaavange naa gi dahi dangada baubau, se dangada e dee heohi ange gi de hagadubu o denga hodooligi. Ia e daa hagalele naa donu de humai, ga kave de nohoanga hodooligi i de hai hegau hagasenga.

Daniel 2:21

Ia e sui denga masavaa ma masavaa i lo te ngadau alodahi, ia e tili hanu hodooligi gai ga hagassula hanu. Ia e gaavange de heiangi gi gilaadeu e heiangi, gai de iloo mee gi gilaadeu e tonu ange.

Daniel 4:2

Au e lodo e tala adu gi goodou dagodo o denga hagailonga, ma mee hagalele mouli a de Ia Maolunga Mmao, go de Maadua gu hai mai gi de au.

Daniel 4:25

Koe e hano gee mai naa i daho dangada ga noho madali denga manu aada i lodo henua. Koe e gai naa denga helii bei denga kaau, ma de ssui doo angaanga i de mee suungia o de langi, ga dae ai gi de odi ange de hidu ngadau, gai koe gu donu iho, bolo go de Ia Maolunga Mmao laa e dagina nohoanga hodooligi o dangada, ma de dugu ange gi tangada aana e lodo e gaavange aagena.

Daniel 7:25

Gai ia e basa hagamaolunga naa i de Ia Maolunga Mmao laa, ma de hagaduasala de gau dabu o de Ia Maolunga Mmao laa, ma de hagatale de sui denga masavaa aama denga hainga. Gai e dugu ange naa de gau dabu gi lalo dono sauaa ga dae ai gi de odi dahi masavaa, ma hanu masavaa, aama dahi baasi masavaa.

Romans 13:1

Dangada alodahi gi hagallongo ange gi gilaadeu gu gaavange ssauaa e dagi ai. Go hiidinga e deai donu se sauaa o dahi dangada e dagi ai, noo e dee se mee mai i daho de Maadua. Gai sauaa alodahi e hanu go de Maadua ne hagaduulia.

1 Corinthians 1:28

De Maadua ne hili de gau maolalo ma gilaadeu e hagangadi mee ina i henua i lalo, ma mee gu dee dau, e hai ai gi deai haigamaiana mee e dau iainei,

1 Timothy 5:21

Au e hai adu gi de goe i mada luu mada o de Maadua ma Klisdo Iesu aama de gau de langi gu hili laa, koe gi daohia muna nei, gai koe gi dee vae dangada, aabe gi hilihili dangada.

Revelation 4:8

Denga mee mouli alodahi e haa laa e dagiono olaadeu bakau, gai olaadeu dua ma lalo olaadeu bakau e dohu i denga ganomada. Gai denga laangi ma boo alodahi gai gilaadeu e dee helui donu de hagataba, “E dabu, e dabu, e dabu Tagi Maolunga, de Maadua Mmahi Mmao laa, go de ia gu noho laa i taamada age, gai e noho iainei, gai e humai naa!”

1 Samuel 2:8

Ia e hagahiihidi age de gau hagaau aloha i lo te gelegele, ma gilaadeu e duasala mai i lodo lehu; ga hai gilaadeu gi nnoho madali denga dagi aama de gaavange gi gilaadeu denga duulanga hagadubu. Dagelo o henua i lalo alodahi ni mee nii Tagi Maolunga, gai go ia ne hagaduulia ange henua i lalo gi olaadeu elunga.