Daniel 3:27 - De Beebaa Dabu

²⁷ gai dagi o de henua, ma dagi o denga vaaenga, ma denga goobenaa, ma de gau hagasaele o de hodooligi ne hagabuni mai gi olaadeu daha. Gai gilaadeu gu gidee bolo angaanga o denga daane laa tee vvela donu i de ahi; olaadeu ngaangaaulu ma olaadeu malo tee vvela hogi, gai gilaadeu e dee nnamu useahi donu.

Daniel 3:27 Iomraidhean Croise

1 Kings 13:28

Gai ia ne hano ga gidee taane laa gu magau ma e dagodo i honga de haiava, gai dana donkey ma de laiono e tuu i ono gaogao. Gai de laiono laa tee gai donu taane laa aabe ne hagalagohia dana donkey.

2 Kings 19:19

Gai Tagi Maolunga, demaadeu Maadua, au e dangidangi adu, koe gi hagaola ina gimaadeu mai i de hodooligi o Assyria, gi iloo ai e denga nohoanga hodooligi alodahi o henua i lalo bolo go koe donu huu, Iahweh, de Maadua abodonu.”

Psalm 83:18

Gai gilaadeu gi iloo koe, go de ia e hagaingoo ange laa go Iahweh, gai go koe donu huu de Ia Maolunga Mmao i henua i lalo alodahi.

Isaiah 26:11

Tagi Maolunga, doo lima gu hagaabo aagai gilaadeu e dee gidee. Haia gi gidee e gilaadeu doo lodo mmahi i hiidinga o oo dangada, ma de hai gilaadeu gi dookaa; haia de ahi gu baba ange laa gi oo hagadaumee gi duungia gilaadeu.

Isaiah 43:2

De masavaa oou e hano ai laa lo te vai, gai au madali goe; gai ga seesee naa donu goe i lodo saalingaa vai, gai koe e dee maua donu gi abulu, gai de masavaa oou e seesee ai i lo te ahi, gai koe e dee maua donu gi vela, gai de ula o de ahi e dee maua donu i de dudu goe.

Daniel 3:21

Gai gilaadeu ga noonooa denga daane laa madali olaadeu malo laa daha, ma olaadeu lausese, ma olaadeu goobai malo, aama olaadeu malo ange laa, ga maga ange gi lo te ahi ula mmahi.

Daniel 6:23

Gai de hodooligi gu malangilangi mmao, ga hagadaba bolo gi daangia age Daniel i lo te haonga laa. De masavaa alaadeu ne dada age ai Daniel i lo te haonga laa, gai teai donu se mommee daudahi ne lagohia i dono angaanga, go hiidinga ia ne hagadonusia dono Maadua.

Daniel 6:7

De gau hagaseesee alodahi, ma dagi o denga ungaamee, ma dagi o denga vaaenga, ma de gau hagasaele, aama denga goobenaa ne buni bolo de hodooligi gi hagaduulia dahi hainga gi hagasauaa ina, gai be goai naa huu e dalodalo ange gi dahi maadua gee, aabe go dahi dangada gee i mua de odi ange o de matolu laangi, ia e dee dalodalo adu gi de goe de hodooligi, gai e tili ange donu gi lo te haonga o denga laiono.

Matthew 10:30

Aagai denga ngaangaaulu i oodou biho e odi i de dau.

Acts 26:26

Gai de hodooligi e iloo donu dagodo o mee nei, gai au e malangilangi donu i de tala agu muna, go hiidinga au e donu ange bolo mee nei alodahi e odi i dau iloo, go hiidinga mee nei tee hai hagammuni.

Acts 27:34

Gai au e dangidangi adu goodou gi gaimee gi mmahi ai goodou, go hiidinga e deai donu se ngaangaaulu daudahi e doo i de biho o dahi dangada.”

Hebrews 11:34

ma de diinei denga ahi ula, ma de ola mai i de gadilaasa, gilaadeu e baageaa gai gu hai ma gu ni dangada mmahi; gilaadeu ne mmahi i de hebagi, ga hagadee kii ai denga hagabuulinga hebagi o de gau henua gee.