Daniel 3:15 - De Beebaa Dabu

¹⁵ Noo goodou gu paba ange e duuduli e daumaha ange gi dagu diinonga gu hagaduu laa, i de masavaa oodou e langona ai de ili o de hanga manu, ma de flute, ma de lyre, ma mee hagadangidangi iai daula, ma de harp, ma de bagpipe, aama denga hagadaagangaa mee hagadangidangi alodahi, gai gu danuaa. Aagai noo goodou e dee daumaha ange gi tiinonga laa, gai goodou e tili ange donu gi lo te ahi ula mmahi i de masavaa moolau. Gai goai naa donu de maadua e maua i de hagaola goodou mai i dogu sauaa?”

Daniel 3:15 Iomraidhean Croise

2 Kings 18:35

Gai goai i magavaa o denga diinonga alodahi o denga henua nei ne maua i de hagaola delaadeu henua mai i de au? Gai dee hee de hai a Tagi Maolunga e hagaola ai Jerusalem mai i de au?”

Exodus 32:32

Aagai noo koe e malangilangi, gai koe degi ange gi olaadeu haisala; gai noo e deai, gai au e dangidangi adu, sooloa dogu ingoo mai i lo tau beebaa gu sisi ai laa ingoo.”

Exodus 5:2

Aagai Pharaoh ga hai ange, “Gai goai donu go Iahweh, gai au ga daudali ai i ana muna, ma de dugu de gau Israel gi hulo? Au e dee iloo donu be goai go Iahweh. Gai au e dee dugu hogi de gau Israel gi hulo.”

Isaiah 37:23

Goai donu aau ne hagadogaa laa ma de hagangadi mee? Gai goai aau ne basa bole ange naa ma de hagamaolunga ange aagena? Koe gu hai baasi ange donu gi de Ia Dabu o Israel!

Daniel 2:47

Gai de hodooligi ne hai ange gi Daniel, “Ni muna abodonu, doo Maadua go de Maadua o denga maadua alodahi, gai go de Ia Aamua o denga hodooligi, gai se ia e hagaago mai mee e dee iloo laa, i hiidinga koe ne maua i de hagaago mai mee e dee iloo laa.”

Daniel 2:9

noo goodou e dee maua i de tala mai dagu midi, gai e dahi donu huu mee e baba adu gi goodou. Gai goodou gu buni bolo goodou ga duudagi de tala hanu muna hhadu e daahanga mai ai au, ga dae ai gi de sui dagu maanadu. Deenei ai, goodou daalaa mai dagu midi, gi iloo ai e au bolo goodou e maua i de hagaago mai dono hagadoonunga.”

Daniel 3:17

Gai noo deenei tagodo, gai de Maadua omaadeu e daumaha ange nei aagena e maua donu i de hagaola gimaadeu mai i de ahi ula mmahi, gai ia e hagaola naa donu gimaadeu mai i doo sauaa, de hodooligi.

Daniel 6:16

Deelaa ai, de hodooligi ne tala hagasoe ange gi gilaadeu, gai gilaadeu ga dagi mai Daniel ga tili ange gi lo te haonga o denga laiono. Gai de hodooligi ga basa ange ga hai ange gi Daniel, “Doo Maadua oou e daumaha ange naa aagena i masavaa alodahi gi hagaola ina goe!”

Daniel 6:20

De masavaa oona ne dae ai gi kilaa, gai ia ga oo ga hagahi Daniel, ga hai ange, “Daniel, tangada hai hegau o de Maadua e mouli laa, de Maadua oou e daumaha ange naa aagena i masavaa alodahi ne hagaola naa goe mai i denga laiono?”

Matthew 10:19

Gai de masavaa naa huu alaadeu e gaavange ai goodou gi de hainga, gai goodou gi dee manavasaa i doodou hai e pasa ange ai, aabe go oodou muna e pasa ange ai, go hiidinga e gaavadu naa donu gi goodou oodou muna e pasa ange ai i de aoaa laa.

Matthew 27:43

Ia e gai ange gi de Maadua. De Maadua gi hagaola ina ia iainei, noo ia e lodo, i hiidinga ia gu hagadaba, ‘Go au Tama Daane a de Maadua.’ ”

Mark 13:11

Gai de masavaa naa huu alaadeu e poo ai goodou e hagamodu oodou muna, gai goodou aude manavasaa i oodou muna e pasa ange ai. Goodou daalaa donu huu muna e gaavadu gi oodou lodo i de masavaa laa, go hiidinga e dee go goodou e pasa ange, aagai go de Hagasaalunga Dabu.

Luke 12:11

Noo gilaadeu gu kave goodou gi synagogue e hagamodu ai oodou muna i mada i mua o denga dagi ma gilaadeu iai ssauaa, gai goodou aude manavasaa i doodou hai e pasa ange ai gi gilaadeu, aabe go oodou muna e tala ange gi gilaadeu.

Luke 13:9

Aagai noo e hua i de ngadau e humai nei, gai gu danuaa; aagai noo e deai, gai koe ga sele iho.’ ”

Acts 4:19

Aagai Peter ma John ga hai ange gi gilaadeu, “Dee hee de mee e heohi i mada luu mada o de Maadua, go demaau hagallongo adu gi goodou, aabe go demaau hagallongo ange gi de Maadua?

Acts 5:29

Aagai Peter ma de gau tala ange laa ga pasa ange, ga hai ange, “E heohi donu demaadeu hagallongo ange gi de Maadua, e dee go dangada.

Acts 6:15

Gai de masavaa huu a dangada alodahi i de hagabuulinga hagasaele laa ne haaina ai ia, aagai gilaadeu gu gidee bolo luoono mada gu bei luu mada o tangada de langi.