Daniel 2:45 - De Beebaa Dabu

⁴⁵ Koe ne gidee dahi hadu ne ngadi modu mai donu huu i de mounga — aagai e dee se dangada donu ne duudia — gai se hadu ne oohaa iron, ma bronze, ma gelegele pigi, ma selevaa, aama goolo ga too dagidahi. De Maadua maolunga mmao laa gu hagaago ange gi de hodooligi, mee e hai i muli mai. De midi nei ma dono hagadoonunga ni muna abodonu, gai e dee haisala donu.”

Daniel 2:45 Iomraidhean Croise

Genesis 41:26

De hagadoonunga o denga kaau pedi e hidu laa se hidu ngadau, gai denga gau looloa grain danuaa e hidu laa se hidu hogi ngadau; gai se hagadoonunga daudahi donu huu o luu midi nei.

Genesis 41:28

Gai e bei dagu hai gu tala ange ai laa gi Pharaoh: de Maadua gu hagaago ange gi Pharaoh ana mee gu baba ange e hai.

Genesis 41:32

Gai ne lua hanonga ne humai ai de midi nei gi Pharaoh, go hiidinga de Maadua gu hagatoo donu de mee nei, gai e moolau naa donu de hagassula a de Maadua mee nei.

2 Samuel 7:22

De Ia Aamua go Iahweh, koe e maolunga mmao. Gai e deai ange donu e bei oo dagodo, e deai ange hogi se Maadua go koe donu huu, bei demaadeu hai gu langona ai laa.

1 Chronicles 16:25

Tagi Maolunga e maolunga mmao, gai e heohi taadeu tuhi ia; gai gi kii ange taadeu maatagu i de ia i denga maadua alodahi.

Nehemiah 4:14

Gai dua huu dagu tilo dagodo o mee nei, gai au ga hidi age ga hai ange gi de gau aamua, ma denga dagi aama dangada ange laa, “Goodou aude maatagu i gilaadeu. Gai goodou manadua de Ia Aamua maolunga ma de hagamaatagu, gai goodou hebagi i hiidinga oodou daina daane, ma oodou dama daane, ma damaa hine, ma oodou bodu aama oodou hale.”

Nehemiah 9:32

Deenei ai, demaadeu Maadua, go de Maadua maolunga ma de mmahi aama de hagamadagu, go de ia e daohia de hagatoo donu hagaheloongoi o dono lodo aloha, koe gi dee hagangadi mee ina denga hai ngadaa alodahi gu paa nei i gimaadeu, ma omaadeu hodooligi, ma omaadeu dagi, ma omaadeu dangada haimeedabu, ma omaadeu pelaabisi, ma omaadeu maadua aama oo dangada alodahi, mai i de masavaa o denga hodooligi o Assyria ga dae mai ai gi anailaa nei.

De Beebaa go Job 36:26

Tilo, de Maadua e maolunga mmao, gidaadeu e dee maua gi tonu ange gi ono dagodo; gidaadeu e dee iloo hogi taelodo o ono ngadau.

Psalm 135:5

Au e iloo bolo Tagi Maolunga e maolunga, gai taadeu Ia Aamua e maolunga ange i denga diinonga ange laa alodahi.

Psalm 145:3

Tagi Maolunga e maolunga mmao, gai e heohi de hagalaumalie dono tuhi; dono maolunga e dee maua gi de tonu ange aagena.

Psalm 2:9

Koe e dagi naa gilaadeu i togo iron, ma de hai gilaadeu gi bei denga gumedi hadu gu mahaahaa laa ma gu too dagidahi.”

Psalm 48:1

Tagi Maolunga e maolunga mmao, gai e heohi de hagalaumalie dono tuhi i lo te aduhale o taadeu Maadua. Dono mounga dabu

Psalm 96:4

Tagi Maolunga e maolunga mmao, gai e heohi taadeu tuhi ia; gai gi kii ange taadeu maatagu i de ia, i denga maadua alodahi.

Isaiah 28:16

Gai e hagadaba de Ia Aamua go Iahweh; “Tilo, au gu hagaduu dahi hadu e hai ai tagelo i Zion, se hadu gu lava i de hagadanuaa; gai go tuludulu o de logunga hagamogomogo, gai se dagelo makaga; gai be goai e hagadonusia e dee hai mee hagamoolau.

Daniel 2:24

Gai Daniel ne hano gi daho Ariok, taane a de hodooligi ne hai laa gi hano gi daia gi maakau denga daane heiangi o Babylon, ga basa ange i muna nei, “Aude daia denga daane heiangi o Babylon; gai koe gaavee au gi daho de hodooligi, gai au ga tala ange gi de ia dana midi ma dono hagadoonunga.”

Daniel 2:28

aagai e dahi Maadua i de langi e maua i de hagaago mai mee e dee iloo laa. Ia gu hagaago ange gi de hodooligi go Nebuchadnezzar mee e hai i muli mai. Deenei de midi ma midi hagaago ange aau ne gidee i de masavaa oou e dagodo ai i honga doo moenga:

Daniel 2:29

De hodooligi, de masavaa oou ne dagodo ai i honga doo moenga, gai koe e maanadu be ni aha naa e hai i muli mai. Gai de ia e hagaagona mai laa mee e dee iloo ne hagaago adu gi de goe mee e hai.

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Daniel 8:25

Gai ia e hai naa ga laumalie de hadu muna i de masavaa oona e hagadagadaga age ai, gai ia e maanadu naa bolo ia e maolunga. Gai de masavaa naa huu olaadeu gu nnoho paba ai, gai ia ga daa gu maakau dangada soa, ma de hebagi ange gi Tagi o denga dagi. Aagai ia e daa naa ga magau, gai e dee se dangada e daia ia.

Haggai 2:22

Au e kave gee naa ssauaa ma mahi o denga nohoanga hodooligi. Au e oha naa olaadeu hada hebagi ma denga daane e saavini ai; alaadeu hoosa ma gilaadeu e kage ai e maakau naa, gai gilaadeu e hagadau daa naa donu huu gilaadeu.

Zechariah 12:3

De laangi laa gai au e hai naa Jerusalem gi bei dahi hadu daemaha ange gi denga huaahenua alodahi. Gai alodahi e sabaia age e hai naa ga lagolagohia gilaadeu. Gai denga huaahenua alodahi o henua i lalo e hagabuni mai naa e hebagi ange aagena.

Malachi 1:11

Dogu ingoo e hagaamua naa i denga huaahenua alodahi, mai i de sobo age o de laa ga dae ai gi de danu. Sigidaumaha o mee maanongi ma denga sigidaumaha gilimalali e gaamai naa gi de au i mommee alodahi, go hiidinga dogu ingoo e hagaamua naa i denga huaahenua, go Tagi o denga hagabuulinga hebagi e hagadaba.

Matthew 21:24

Iesu ne hai ange gi gilaadeu, “Au e ssili adu hogi gi goodou dahi mee, gai noo goodou e pasa mai gi dagu muna ssili, gai au ga tala adu hogi gi goodou be niioai ssauaa aagu e hai ai nei mee nei.

Matthew 24:35

De langi ma henua i lalo e llilo naa donu, aagai agu muna e dee llilo donu.

Luke 17:20

Denga Pharisee ne ssili ange gi de ia be dee hee de masavaa e dae mai ai de nohoanga hodooligi o de Maadua, gai ia ne hai ange, “De nohoanga hodooligi o de Maadua e dee humai bei dagodo o denga hagailonga oodou e tilo naa,

Deuteronomy 10:17

Go hiidinga Tagi Maolunga doodou Maadua go de Maadua o denga maadua alodahi, gai go de Ia Aamua o de gau aamua alodahi, ia e maolunga, e mmahi, gai se Maadua hagamaatagu, ia e dee hilihili dangada aabe e kave mee ngadi gaavange hagasenga.

Revelation 1:19

Deenei ai, siia mee aau gu gidee: mee alodahi e hai iainei aama mee e hai i muli mai.

Revelation 19:17

Gai au ne gidee hogi dahi dangada de langi e duu i honga de laa. Gai ia ne oo i de leo mmahi ga hai ange gi manu alodahi e llele i lo te moana, “Goodou hagabuni mai gaimee i taonga laumalie a de Maadua,

Revelation 4:1

Dua mee nei gai au ne galo age ga gidee, de haitoga o de langi gu mahuge. Gai de leo aagu ne langona laa i taamada, e bei laa de ili o de trumpet, ne basa mai gi de au ma e hai mai, “Humai gi lunga i kinei, gai au ga hagaago adu gi de goe mee e hai i muli mai.”